សន្តិសុខសង្គម

ជនពិការម្នាក់ អង្គុយលេងទូរស័ព្ទមាត់ស្រះទឹក ក្នុងវត្តតាំងក្រសាំង រអិលជើងដាច់ផ្ងារធ្លាក់លិចបាត់ទៅក្រោម

បានផុស

២ years មុន

នៅ

ថ្ងៃព្រហស្បតិ៍ ១៨ កក្កដា ២០២៤

ដោយ

បុរសជាជនពិការរៀនចប់សញ្ញាប័ត្រផ្នែកកសិកម្មម្នាក់ បានរអិលជើងដាច់ផ្ងារធ្លាក់ទឹកស្រះនៅក្នុងវត្តតាំងក្រសាំងខាងជើង បណ្ដាលឲ្យស្លាប់ ត្រូវកម្លាំងជំនាញពិសេស ៩១១ រកឃើញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ខាងលើបង្កការភ្ញាក់ផ្អើលកាលពីវេលាម៉ោង ៦ និង ៣០ នាទីយប់ ថ្ងៃទី ១៧ ខែកក្កដា ឆ្នាំ ២០២៤ ចំណុចវត្តតាំងក្រសាំងខាងជើង សង្កាត់កាកាបទី ២ ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះដែលលង់ទឹកស្លាប់មានឈ្មោះ សុខ វណ្ណះ អាយុជាង ៣០ ឆ្នាំ ជាជនពិការស្វិតជើង ខាងស្តាំ មកសុំព្រះសង្ឃស្នាក់នៅសាលាបាលី ក្នុងវត្តកន្លែងកើតហេតុខាងលើ និងមានស្រុកកំណើតនៅខេត្តត្បូងឃ្មុំ។

យោងតាមសាក្សីបានឲ្យដឹងថា មុនពេលកើតហេតុគេឃើញជនរងគ្រោះបានមកអង្គុយលេងទូរស័ព្ទលើខឿនមាត់ស្រះទឹកក្បែរស្លាកឈ្មោះ ហើយក៏រអិលជើងដាច់ផ្ងារទៅក្រោយធ្លាក់ទឹក លង់លិចបាត់ទៅក្រោម ភ្លាមៗ ក៏មានមនុស្ស ២ នាក់ បានឃើញ តែពុំហ៊ានចុះទៅជួយឡើយ រួចនាំគ្នារត់ទៅប្រាប់អ្នកជិតខាង និងសមត្ថកិច្ចឲ្យចុះមកទីតាំងកើតហេតុភ្លាមៗ ផងដែរ។

បន្ទាប់ពីសមត្ថកិច្ចមូលដ្ឋានចុះមកដល់ ក៏បានសុំអន្តរាគមន៍ពីខាងកម្លាំងពិសេស ៩១១ ឲ្យចុះមកជួយអន្តរាគមន៍។ ក្នុងនោះ កម្លាំងពិសេស ៩១១ បានចុះមកដល់ រួចត្រៀមសម្ភារៈមួយចំនួនចុះទៅរុករកសព ប្រើពេលអស់ជាងកន្លះម៉ោង ក៏រកឃើញស្រង់មកលើគោកវិញ ហើយប្រគល់ឲ្យសមត្ថកិច្ចមូលដ្ឋាន ដើម្បីធ្វើកំណត់ហេតុប្រគល់សពជូនក្រុមគ្រួសារយកធ្វើបុណ្យតាមប្រពៃណី៕

អត្ថបទ ៖ ម៉េង