អាជ្ញាធរខណ្ឌពោធិ៍សែនជ័យទុកពេល១សប្តាហ៍ឲ្យអាជីវកររុះរេីតូបចេញពីចំណីផ្លូវ

អាជ្ញាធរខណ្ឌពោធិ៍សែនជ័យ ប្រកាសទុកពេលឲ្យ១សប្ដាហ៍ឲ្យក្រុមអាជីវករដែលលក់ដូររំលោភលើចំណីផ្លូវ ចាប់ពីផ្លូវជាតិលេខ៤​ រហូតដល់រោងចក្រQMI​ ស្ថិតក្នុងភូមិជម្ពូវ័ន​២​ និងភូមិព្រៃព្រីងជេីង២ ដេីម្បីសម្រួលដល់ការស្ទះចរាចរណ៍ ក្នុងករណីមិនធ្វើតាមការណែនាំនឹងអនុវត្តវិធានការច្បាប់។

ការប្រកាសនេះ ធ្វើឡើងនៅពេលដែលអាអាជ្ញាធរខណ្ឌ សហការជាមួយរដ្ឋបាលសង្កាត់ចោមចៅទី៣ ចុះណែនាំ​ គូសវាស់កំណត់ព្រុំផ្លូវដែលអាជីវករបានរំលោភសាងសង់តូបលក់ដូរ​លេីចំណីផ្លូវ​ នាព្រឹកថ្ងៃទី៩ ខែធ្នូ ឆ្នាំ២០២៤។

បើតាមអាជ្ញាធរ​ ផ្លូវនេះបានទទឹង១៨ម៉ែត្រ​ តែត្រូវបានក្រុមអាជីវករមួយចំនួ​នសាងសង់តូប និងតសំយាបរំលោភ​​មកលេីចំណីផ្លូវ​ម្ខាង៥ម៉ែត្រ​ ធ្វេីឱ្យផ្លូវរួមតូចចង្អៀតប៉ះពាល់ដល់សណ្តាប់ធ្នាប់​ កកស្ទះចរាចរណ៍​។​ អាជ្ញាធរបញ្ជាក់ថា ចាប់ពីថ្ងៃជូនដំណឹងតទៅ​ បេីបុគ្គលណាមិនស្តាប់ការណែនាំអាជ្ញាធរ​នឹងចាត់ការតាមផ្លូវច្បាប់៕

អត្ថបទ៖ សុខា