សន្តិសុខសង្គម

ផឹកស៊ីចាក់បាសឌឺដងគ្នា បង្កជាជម្លោះ ក្លាយជាហិង្សា ផ្អើលសមត្ថកិច្ចចុះឃាត់

បានផុស

៣ ខែ មុន

នៅ

ថ្ងៃចន្ទ ២៨ មេសា ២០២៥

ដោយ

មនុស្សចំនួន ២ ក្រុម មកផឹកស៊ីក្បែរគ្នា ដោយបានចាក់បាសឮដូចគ្នា ហើយផ្លែផ្កាឌឺដងគ្នា បង្កជាជម្លោះពាក្យសម្ដីឈានដល់ហិង្សាគប់គ្នាទៅវិញទៅមក រងរបួសស្នាម ផ្អើលសមត្ថកិច្ចទាំងកណ្ដាលអធ្រាត្រចុះឃាត់ទៅសួរនាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១២ និង ៤០ នាទីរំលងអធ្រាត្រ ឈានចូលថ្ងៃទី ២៨ ខែមេសា ឆ្នាំ ២០២៥ ស្ថិតនៅផ្លូវបេតុងថ្មី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។

តាមប្រភពពីកន្លែងកើតហេតុ បាននិយាយថា គេបានឃើញមនុស្សចំនួន ២ ក្រុម អង្គុយផឹកស៊ីនៅទីតាំងផ្សេងគ្នា និងក្បែរគ្នា ដោយ ១ ក្រុម ស្ថិតនៅហាងលក់បុកល្ហុង និង ១ ក្រុមទៀត ជាងជួសជុលម៉ូតូ ដោយភាគីទាំងសងខាងបានអង្គុយផឹកស៊ីចាក់បាសស្តាប់ចម្រៀងឮៗ ទៅវិញទៅមក។

ប្រភពដដែលបានបន្តថា ជម្លោះនេះបានកើតឡើងឮដំបូងមិនទាន់ឈានដល់ហិង្សានោះទេ ប៉ុន្តែបន្ទាប់ពីភាគីផ្ទះលក់បុកល្ហុងមានសមាជិកក្រុមក្មេងស្ទាវៗ មកអង្គុយលេងបន្ថែមទៀត ក៏បង្កើតឡើងជាការបោះសម្ដីផ្លែផ្កាម្តងទៀត ឈានដល់ការប្រើហិង្សា ទាញមួកការពារ និងកៅអី តុ គប់គ្នាទៅវិញទៅមក បណ្តាលឲ្យជាងម៉ូតូម្នាក់ រងរបួសបែកចិញ្ចើម ទើបមានអ្នករាយការណ៍ទៅកាន់សមត្ថកិច្ចដើម្បីចុះមកត្រួតពិនិត្យមើល។