ព័ត៌មានជាតិ

អភិបាលខណ្ឌឫស្សីកែវ បន្តត្រួតពិនិត្យការស្នាក់នៅ និងកន្លែងធ្វើការរបស់ជនបរទេស ដើម្បីធានាការគ្រប់គ្រងវត្តមានយ៉ាងមានប្រសិទ្ធភាព

បានផុស

១២ ខែ មុន

នៅ

ថ្ងៃពុធ ១៦ កក្កដា ២០២៥

ដោយ

កាលពីរសៀលថ្ងៃទី ១៥ ខែកក្កដា ឆ្នាំ ២០២៥ លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈកម្មការគ្រប់គ្រងជនបរទេសខណ្ឌ បានដឹកនាំមន្ត្រីពាក់ព័ន្ធ ចុះត្រួតពិនិត្យការស្នាក់នៅ និងកន្លែងធ្វើការរបស់ជនបរទេស ក្នុងតំបន់ខណ្ឌឫស្សីកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាឱកាសនោះ លោកអភិបាលខណ្ឌឫស្សីកែវ គូសបញ្ជាក់ថា បច្ចុប្បន្ន កម្ពុជា កំពុងទទួលបានលំហូរជនបរទេសចូលមកប្រទេសយ៉ាងច្រើនពីតំបន់នានា ព្រមទាំងក្នុងបំណងជាស្រះទេសចរណ៍ អ្នកវិនិយោគ និងជាហត្ថពលកម្មបរទេស។ កំណើននេះ បានផ្តល់អត្ថប្រយោជន៍ដ៏ច្រើន ជាពិសេសដល់វិស័យសេដ្ឋកិច្ច។ ទន្ទឹមនឹងនោះ រដ្ឋាភិបាល ក៏បានផ្ដល់សារៈសំខាន់ខ្ពស់ចំពោះការគ្រប់គ្រង និងសម្របសម្រួលទិន្នន័យវត្តមានរបស់ជនបរទេសទាំងអស់ ដើម្បីធានាបាននូវភាពសន្តិសុខ និងការគ្រប់គ្រងដ៏មានប្រសិទ្ធភាពនៅពេលកើតមានបញ្ហាណាមួយពាក់ព័ន្ធ។

លោកបានបន្ថែមថា ការគ្រប់គ្រងវត្តមានជនបរទេស គឺជាវិធានការដែលចាំបាច់ និងត្រូវអនុវត្តយ៉ាងខ្ជាប់ខ្ជួន ដើម្បីរក្សាស្ថិរភាពសង្គម និងសេដ្ឋកិច្ច។ បច្ចុប្បន្ន រាជរដ្ឋាភិបាលកម្ពុជា បានអនុវត្តប្រព័ន្ធគ្រប់គ្រង FPCS (Foreigners Present in Cambodia System) អាចជួយអាជ្ញាធរ ក៏ដូចជាម្ចាស់ទីតាំងទាំងអស់ដែលមានជនបរទេសស្នាក់នៅក្នុងការប្រើប្រាស់ ក៏ដូចជាគ្រប់គ្រងព័ត៌មានរបស់ជនបរទេសទាំងនោះ បានយ៉ាងងាយស្រួល ប្រកបដោយភាពជាក់លាក់ និងមានប្រសិទ្ធភាព៕

អត្ថបទ ៖ សំណាង