ព័ត៌មានជាតិ

រដ្ឋបាលខណ្ឌឫស្សីកែវ ចុះធ្វើអនាម័យបរិស្ថាន និងរៀបចំសណ្ដាប់ធ្នាប់ តាមបណ្ដោយផ្លូវសំខាន់ៗ

បានផុស

១ year មុន

នៅ

ថ្ងៃសុក្រ ១១ កក្កដា ២០២៥

ដោយ

កាលពីរសៀលថ្ងៃទី ១០ ខែកក្កដា ឆ្នាំ ២០២៥ រដ្ឋបាលខណ្ឌឫស្សីកែវ បានអនុវត្តចុះត្រួតពិនិត្យ រៀបចំសណ្ដាប់ធ្នាប់ និងអនាម័យបរិស្ថាន ក្នុងតំបន់សំខាន់ៗ នៃខណ្ឌ ដោយមានការដឹកនាំពី លោក អ៊ុ គឿន អនុប្រធានការិយាល័យសាធារណការ និងមន្ត្រីការិយាល័យ ព្រមទាំងកម្លាំងសណ្ដាប់ធ្នាប់ខណ្ឌ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុ គឿន បានឱ្យដឹងថា សកម្មភាពខាងលើនេះបានប្រព្រឹត្តទៅនៅតាមតំបន់ដូចខាងក្រោម ៖ ១.តាមបណ្តោយផ្លូវជាតិលេខ ៥ ចាប់ពីព្រំប្រទល់ខណ្ឌដូនពេញ រហូតដល់ព្រំប្រទល់ខណ្ឌព្រែកព្នៅ។ ការសំអាតបានធ្វើចាប់ពីចំណុចស្តុបផ្សារតូច ដល់ចំណុចគល់ស្ពានអាកាសឫស្សីកែវ ដោយកម្លាំងសណ្ដាប់ធ្នាប់ខណ្ឌ។ ២.ផ្លូវលេខ ១០០៣ ពីចំណុចស្តុបផ្លូវ ១០០៣ កែងមហាវិថីឈ្នះឈ្នះ ដល់ស្តុបកាំកូស៊ីធី ត្រូវបានសំអាតដោយក្រុមហ៊ុន ៨០០ ស៊ូពើ។ ៣.ផ្លូវលេខ ៥៩៨ ពីចំណុចស្តុបកាំកូស៊ីធី ដល់ចំណុចស្តុបស្វាយប៉ាក កែងផ្លូវជាតិលេខ ៥ ពុំមានអ្វីគួរឱ្យកត់សម្គាល់ឡើយ។

បន្ទាប់មក ក្រុមការងារ បានបន្តចុះពិនិត្យដេប៉ូខ្សាច់តាមបណ្ដោយផ្លូវជាតិលេខ ៥ ឃើញថា ដេប៉ូខ្សាច់ មេគង្គ នៅសង្កាត់ស្វាយប៉ាក ក៏បានរៀបចំធ្វើកន្លែងលាងកង់សម្រាប់រថយន្តដឹកខ្សាច់ចេញពីការដ្ឋានផងដែរ ក្រោយ រដ្ឋបាលខណ្ឌឫស្សីកែវ ចុះណែនាំដល់ម្ចាស់ដេប៉ូខ្សាច់ចំនួន ៥ ទីតាំង ស្ថិតក្នុងសង្កាត់ស្វាយប៉ាក កាលព្រឹកថ្ងៃទី ៩ ខែកក្កដា ឆ្នាំ ២០២៥ ឱ្យរៀបចំកន្លែងលាងសំអាតកង់ឡានតាមលក្ខណៈបច្ចេកទេសត្រឹមត្រូវ មុននឹងធ្វើចរាចរលើដងផ្លូវ។