កីឡា
លោក កែវ រ៉េមី អាយុជាង ៦០ឆ្នាំហើយសមត្ថភាពកីឡាតេក្វាន់ដូមិនធម្មតាវាយបំបែកម៉ាប ៦សន្លឹក
លោក កែវ រ៉េមី ប្រធានសហព័ន្ធតេក្វាន់ដូ ITF កម្ពុជា ដែលមានអាយុជាង ៦០ឆ្នាំហើយ ប៉ុន្តែសមត្ថភាពកីឡារបស់លោកនៅតែល្អតាមរយៈការបង្ហាញវីដេអូលើវិញ្ញាសា Power Breaking ដោយបំបែកថ្មម៉ាបរហូតដល់ទៅ ៦បន្ទះបាក់ខ្ទេច។
លោក កែវ រ៉េមី ពេលវាយបំបែកម៉ាប
ទេសរដ្ឋមន្ត្រី និងជាប្រធានសហព័ន្ធកីឡាតេក្វាន់ដូ ITF កម្ពុជា លោក កែវ រ៉េមី គេឃើញឧស្សាហ៍បង្ហាញវីដេអូស្នៀតមេគុនផ្សេងៗ និងសកម្មភាពកីឡាតេក្វាន់ដូជាញឹកញាប់នាពេលកន្លងមកនៅលើបណ្ដាញសង្គមរបស់លោក។
ម្ចាស់ខ្សែក្រវាត់ខ្មៅ ៧ដាន់ខាងលើបើទោះជាវ័យជាង ៦០ឆ្នាំហើយក្ដី ប៉ុន្តែសមត្ថភាពស្នៀតតេក្វាន់ដូ ITF របស់លោក ជាពិសេសស្នៀត Power Breaking នៅតែល្អដដែល។ កាលពីថ្មីៗនេះលោកទើបតែបង្ហាញស្នៀតវាយថ្មម៉ាបរហូតដល់ទៅ ៦បន្ទះឲ្យបាក់គ្មានសល់។ ក្រៅពីនេះលោកតែងតែលើកទឹកចិត្តដល់យុវជនឲ្យឆ្លៀតពេលហ្វឹកហាត់កីឡាតាមដែលខ្លួនស្រឡាញ់ពិសេសកីឡាដែលអាចជួយការពារខ្លួនផង និងទទួលបានសុខភាពល្អផង។
លោក កែវ រ៉េមី និងលោក ថោង ខុន
លោក ប៉ាល់ ជីវ័ន ដែលជាគ្រូជម្រើសជាតិតេក្វាន់ដូ ITF និងជាម្ចាស់មេដាយមាសពិភពលោក បានលើកឡើងថា ចំពោះវិញ្ញាសា Power Breaking នេះគឺជាវិញ្ញាសាមួយដែលត្រូវហ្វឹកហាត់រយៈពេលវែង និងមានការអត់ធ្មត់បំផុត។ ពិសេសការហ្វឹកហាត់យកកម្លាំងដៃឲ្យបានខ្លាំងល្អ និងហ្វឹកហាត់វាយឲ្យឆ្អឹងដៃស៉ាំរឹងមាំល្អ ទើបប្រើស្នៀតបានល្អ និងមិនជួបបញ្ហា។ ប្រសិនបើវាយមិនត្រូវត្រឹមត្រូវតាមបច្ចេកទេសអាចមានគ្រោះថ្នាក់ ឬបញ្ហាដៃ។
ទិដ្ឋភាពកម្ពុជារៀបចំការប្រកួតតេក្វាន់ដូ ITF អាស៊ីអាគ្នេយ៍
បញ្ជាក់ដែរ លោក កែវ រ៉េមី ជាប្រធានតេក្វាន់ដូ ITF ជាយូរឆ្នាំមកហើយ។ លោកបានធ្វើឲ្យសហព័ន្ធកីឡាតេក្វាន់ដូ IT មានភាពល្បីល្បាញជាខ្លាំងក្នុងចំណោមសហព័ន្ធកីឡាផ្សេងៗជាច្រើននៅកម្ពុជាដោយមានការកោតសរសើរពីវិន័យកីឡាករ កីឡាការិនី គុណភាព សមត្ថភាព និងធ្លាប់បានឈ្នះគ្រប់កម្រិតមេដាយលើឆាកអន្តរជាតិរាប់គ្រឿងជូនកម្ពុជា។ លោក កែវ រ៉េម ក៏ជាថ្នាក់ដឹកនាំម្នាក់ដែលចេះក្បាច់គុនតេក្វាន់ដូ ITF នេះច្បាស់ធ្លាប់ហ្វឹកហាត់តាំងពីសង្គមដើមមកម្ល៉េះ និងជាម្ចាស់ខ្សែក្រវាត់ខ្មៅ ៧ដាន់ផងដែរនាពេលបច្ចុប្បន្ន៕
ទិដ្ឋភាពសម្ដែង
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ