កីឡា

ជាគំរូល្អ ពេជ្រ អាទិទេព យកថវិកា ៤០ម៉ឺនរៀលទៅឧបត្ថម្ភ ប៉ែន កាក់យ៉ាស៊ីន ដល់ក្លឹបបន្ទាប់ពីប្រកួតចប់

បានផុស

៤ ខែ មុន

នៅ

ថ្ងៃអង្គារ ២៤ មីនា ២០២៦

ដោយ

នេះជាគំរូល្អមួយរបស់កីឡាករ ពេជ្រ អាទិទេព បន្ទាប់ពីប្រកួតចប់បានយកតម្លៃខ្លួនចំនួន ៤០ម៉ឺនរៀលឧបត្ថម្ភដល់កីឡាករ ប៉ែនកាក់ យ៉ាស៊ីន ក្រោយរបួសដោយសារម៉ូតូបុកអំឡុងពេលរត់សម្រក់ទម្ងន់កន្លងទៅដែលនេះជាអំពើល្អចេះជួយគ្នាទៅវិញទៅមក។

កីឡាករ យ៉ាស៊ីន

ថ្មីៗនេះគេឃើញកីឡាករ ពេជ្រ អាទិទេព បានទៅដល់ក្លឹបប្រដាល់របស់លោក សេន ប៊ុនថេន តែម្ដងដើម្បីយកថវិកាចំនួន ៤០ម៉ឺនរៀលឧបត្ថម្ភទៅកាន់កីឡាករ ប៉ែនកាក់ យ៉ាស៊ីន ជាការលើកទឹកចិត្តផង និងជាការជួយសម្រួលដល់ការព្យាបាលផង។ ទង្វើនេះផងដែរគឺជាគំរូល្អប្រាប់ទៅដល់កីឡាករគុនខ្មែរដទៃទៀតឲ្យចេះជួយគ្នាទៅវិញទៅមកនៅពេលអ្នកក្នុងមជ្ឈដ្ឋានជាមួយគ្នានេះជួបបញ្ហាផ្សេងៗដូចនេះជាដើម។

ជាមួយគ្នានោះដែរលោក សេន ប៊ុនថេន ដែលជាគ្រូរបស់ យ៉ាស៊ីន បានបង្ហោះអរគុណចំពោះកីឡាករ ពេជ្រ អាទិទេព ជាខ្លាំងដែលបានចូលខ្លួនប្រកួតជំនួសសិស្សរបស់លោកដែលជួបគ្រោះថ្នាក់ចរាចរណ៍ និងថែមទាំងឧបត្ថម្ភថវិកាទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ពេជ្រ អាទិទេព

បញ្ជាក់ដែរថា កាលពីថ្ងៃទី១៩ ខែមីនា ឆ្នាំ២០២៦ នេះកីឡាករ ប៉ែនកាក់ យ៉ាស៊ីន បានជួបគ្រោះថ្នាក់ចរាចរណ៍ដោយត្រូវម៉ូតូបុកអំឡុងរូបគេរត់សម្រកទម្ងន់។ ជាមួយគ្នានោះដែរដោយសារតែរូបគេមិនអាចឡើងប្រកួតបាន ដូច្នេះកីឡាករ ពេជ្រ អាទិទេព ក៏មកជំនួសដើម្បីដណ្ដើមពានជាមួយកីឡាករ ធន់ សាក់ស៊ីន កាលពីថ្ងៃទី២២ ខែមីនា ឆ្នាំ២០២៦ នេះលើសង្វៀនទទក៕

អត្ដបទដោយ៖ នួន ស៊ីណា