ក្រុមនារីភ្នំពេញក្រោន កំពុងឈរលេខ១ក្នុងលីគ ដោយ​ ២ ប្រកួតស៊ុតដៃគូ ៣០ គ្រាប់

ការប្រកួតបាល់ទាត់លីគកំពូលនារីកម្ពុជា Cambodian Women’s League បានបញ្ចប់សប្តាហ៍ទី ២ ហើយ ខណៈក្រុមការពារតំណែងជើងឯកភ្នំពេញក្រោន កំពុងធ្វើបានល្អជាងគេ ដោយឈរនៅកំពូលតារាង និងកំពុងមានគ្រាប់ចំណេញក្នុងដៃដល់ ៣០ គ្រាប់ បន្ទាប់​ពី​សប្តាហ៍​ទី១​ឈ្នះ ព្រះ​ខ័ន​រាជ​ស្វាយរៀង ៣-០។

កាលពីថ្ងៃ​សៅរិ៍ ទី ៧ ខែ មិថុនា ក្រុមបាល់ទាត់នារី ភ្នំពេញក្រោន បានយកឈ្នះលើក្រុម សមាគមបាល់ទាត់ខេត្តកណ្តាល ក្នុងលទ្ធផលយ៉ាងចាស់ដៃ ២៧ ទល់នឹង ០ និងមួយគូទៀត ក្រុមវិសាខា បានយកឈ្នះលើក្រុម សមាគមក្លិបបាល់ទាត់ មីស្ទើរលេង ក្នុងលទ្ធផល ៣-០។

ដោយឡែកលទ្ធផលការប្រកួតនៅថ្ងៃ អាទិត្យ ទី ៩ វិញ ក្រុមណាហ្គាវើលដ៍ បានយកឈ្នះលើក្រុម សៀមរាប ក្នុងលទ្ធផល ៤-០ និង ព្រះខ័នរាជស្វាយរៀង បានស្មើគ្នាជាមួយ បឹងកេត ក្នុងលទ្ធផល ២-២។

គួរបញ្ជាក់ថា ក្រោយឆ្លងកាត់ ២ ប្រកួតកន្លង ក្រុមភ្នំពេញក្រោន បច្ចុប្បន្នកំពុងឈរនៅកំពូលតារាងមាន ៦ ពិន្ទុពេញ ស្មើគ្នាជាមួយក្រុមលេខ ២ វិសាខា។ រីឯសមាគមក្លិបបាល់ទាត់ មីស្ទើរលេង ឈរនៅលេខរៀងទី ៣, ក្រុមណាហ្គាវើលដ៍ ឈរនៅលេខរៀងទី ៤, បឹងកេត ឈរនៅលេខរៀងទី ៥, ព្រះខ័នរាជស្វាយរៀង ឈរនៅលេខរៀងទី ៦, ក្រុមសៀមរាប ឈរនៅលេខរៀងទី ៧ និងចុងក្រោយ សមាគមបាល់ទាត់ខេត្តកណ្តាល ឈរនៅលេខរៀងទី ៨៕

អត្ថបទ៖ សេម កុសល