កីឡា
លោក ភា សុភ័ក្ត្រា និង លោក អ៊ុក សុធីត្រូវបានតែងតាំងជាគ្រូជំនួយក្រុមបាល់ទាត់ជម្រើសជាតិកម្ពុជា
សហព័ន្ធកីឡាបាល់ទាត់កម្ពុជា (FFC) បានតែងតាំងគ្រូជំនួយនៃក្រុមជម្រើសជាតិកម្ពុជាចំនួន២ រូប គឺលោក ភា សុភ័ក្ត្រា និងលោកអ៊ុក សុធី កាលថ្មីៗនេះក្រោមការដឹក នាំពីគ្រូបង្គោលថ្មីជាជនជាតិជប៉ុន លោក RYU HIROSE និងលោក Keisuke Honda អ្នកចាត់ការទូទៅក្រុមជម្រើស ជាតិកម្ពុជា ដើម្បីត្រៀមប្រកួតជម្រុះ៣ ប្រកួតចុងក្រោយវគ្គជម្រុះជុំទី២ ពូលC នៃព្រឹត្តិការណ៍បាល់ទាត់ពិភព លោក (FIFA World Cup Qatar 2022)។
លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជាសម្រាប់សមាសភាពគ្រូជំនួន២រូបខាងលើនេះ គឺសហព័ន្ធបានប្រកា សជាផ្លូវការហើយ ក្នុងការមកជួយដល់ការហ្វឹកហាត់-ប្រកួតក្រុមជម្រើសជាតិ ប៉ុន្តែគ្រូជំនួយទាំងពីរូបនេះអាចមានភាពខុសគ្នា ដោយសារលោក អ៊ុក សុធី ជាគ្រូជំនួយថ្មីនៃក្រុមការងារជម្រើស ជាតិ ដោយរង់ចាំមើលការងាររបស់គាត់បន្ថែម ប្រសិនបើកិច្ចការរបស់គាត់ល្អ ពេលចេញទៅជួបប្រកួតជាមួយក្រុមជម្រើស ជាតិបារ៉ែន សហព័ន្ធនឹងអាចបន្តកិច្ចសន្យាបានយូរបន្ថែមទៀត។ ចំពោះគ្រូជំនួយ លោក ភា សុភ័ក្ត្រា គឺជាគ្រូជំនួយចាស់ ដែលបន្តកិច្ចសន្យាថ្មី លោកមានការប្តេជ្ញាចិត្តខ្ពស់ក្នុងការជួយជ្រោមជ្រែងក្រុមជម្រើសជាតិ។
ចាប់ពីពាក់កណ្តាលឆ្នាំ២០២១ តទៅ គឺក្រុមបាល់ទាត់ជម្រើស ជាតិកម្ពុជានឹងត្រូវចូលរួម៣ប្រកួតចុងក្រោយនៃការប្រកួត FIFA World Cup Qatar2022វគ្គជម្រុះជុំទី២ពូល C នៅទឹកដីកណ្ដាលប្រទេសបារ៉ែននាថ្ងៃទី ៣ខែមិថុនាឆ្នាំ២០២១,បន្តជួបជាមួយក្រុមជម្រើសជាតិអ៊ីរ៉ាក់ នាថ្ងៃ ទី៧ ខែមិថុនា ឆ្នាំ២០២១ និងមួយប្រកួតចុងក្រោយជាមួយក្រុមអ៊ីរ៉ង់ នាថ្ងៃទី១១ ខែមិថុនា ឆ្នាំ២០២១។ ក្រុមជម្រើសជាតិកម្ពុជា ឈុតអាយុក្រោម២២ឆ្នាំ នឹងត្រូវ ចូលរួមប្រកួតស៊ីហ្គេម លើកទី៣១ នៅប្រទេសវៀតណាម ដែលគ្រោងនឹងដំណើរ ការពីថ្ងៃទី២១ ខែវិច្ឆិកា ដល់ថ្ងៃទី២ ខែធ្នូ ឆ្នាំ២០២១។ សហព័ន្ធបានប្រកាសតែងតាំងសមាស ភាពគ្រូបង្វឹក អ្នកចាត់ការទូទៅ និងគ្រូជំនួ យ២រូប សរុបទើបនឹងបាន៤រូបប៉ុណ្ណោះ ខណៈសមាសភាពក្រុមកីឡាករ មិនទាន់ត្រូវបានបញ្ចេញឲ្យដឹងនៅឡើយទេព្រោះការប្រកួតលីគកំពូលកម្ពុជាទើបនឹងចាប់ ផ្តើមឡើងវិញកាលពីចុងសប្តាហ៍នេះ ដោយសារវិបត្តិជំងឺកូវីដ-១៩ និងបានផ្អាកអស់រយៈពេលជាច្រើនសប្តាហ៍។
លោក កែវ សារ៉េត បានគូសបញ្ជាក់ថា សម្រាប់ការជ្រើសរើសសមាសភាពកីឡាករក្រុមជម្រើសជាតិកំពុងត្រូវបានធ្វើយ៉ាងយកចិត្តទុកដាក់ជាបណ្តើរៗហើយ ក្រោមការសង្កេតនិងជ្រើសរើសពីគ្រូ បង្គោលថ្មី លោក RYU HIROSE ដែលជំនួសតំណែងគ្រូបង្គោលជនជាតិអាហ្សង់ទីន លោក Felix G. Dalmas ដែលផុតកិច្ចសន្យា។ លោកអះអាងថា តាមពិតបញ្ជីឈ្មោះក្រុមជម្រើសជាតិអាចនឹងមានហើយ ប៉ុន្តែមិនទាន់បានបញ្ចេញជាផ្លូវការនៅឡើយ ដោយរង់ចាំមើលនាថ្ងៃទី២៦ទី២៧ ខែ ឧសភាឆ្នាំ២០២១ ដែលជាវិធីសាស្ត្ររបស់គ្រូបង្គោល ដើម្បីទុកពេលឲ្យកីឡាករបានខិតខំប្រឹងប្រែងឲ្យបានខ្លាំងក្លាជាមុនសិន។
ព្រោះប្រសិនបើកីឡាករណាដឹងថា ខ្លួនជាប់ជាកីឡាករជម្រើសជាតិ អាចបែរទៅជាទម្លាក់ការខិតខំ ក្នុងការប្រកួតលីគកំពូល ដែលកំពុងដំណើរឡើងវិញ។ លោកមានជំនឿចិត្តថា បញ្ជីឈ្មោះក្រុមកីឡាករជម្រើសជាតិមានរួចហើយ ប៉ុន្តែរង់ចាំការបញ្ចេញជាផ្លូវការ នាពេលខាងមុខឆាប់ៗនេះ៕
អត្ថបទ៖ វិសិទ្ធ
សូមចុចអាន៖ ក្រុមជម្រើសជាតិបាល់ទះកម្ពុជា ទៅហ្វឹកហាត់នៅចិន រយៈពេល៣ខែ ត្រៀម SEA GAMES 2021 នៅវៀតណាម
-
សន្តិសុខសង្គម៧ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ២១ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ២២ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ