កីឡា
អបអរ! វ៉ាន វ៉ុន ឈានដល់វគ្គផ្តាច់ព្រ័ត្រប៉ារ៉ាឡាំពិកនៅជប៉ុន
កីឡាករជនពិការផ្នែករទេះប៉ារ៉ាឡាំពិកកម្ពុជា វ៉ាន វ៉ុន បានឆ្លងផុតវគ្គជម្រុះ ឡើងទៅប្រកួតវគ្គផ្តាច់ព្រ័ត្រ នៃព្រឹត្តិការណ៍ប៉ារ៉ាឡាំពិក ទីក្រុងតូក្យូ ឆ្នាំ២០២០ នៅប្រទេសជប៉ុនហើយ បន្ទាប់ពីទទួលបានចំណាត់ថ្នាក់លេខ២ ក្នុងស៊េរីទី១ លើវិញ្ញាសាប្រណាំងរទេះ T54 ចម្ងាយ១០០ម៉ែត្រ ដោយប្រើថេរវេលា១៤.៣៩វិនាទី ខណៈកីឡាករថៃឈរចំណាតលេខ១ ប្រើថេរវេលា១៤.០០វិនាទី។ នេះបើយោងតាមគណៈកម្មាធិការជាតិអូឡាំពិកកម្ពុជា។
តាមរយៈលទ្ធផលខាងលើនេះ នាំឲ្យកីឡាករថៃ Athiwat Paeng-Nuea និងកីឡាករ វ៉ាន វ៉ុន របស់កម្ពុជា ឡើងទៅប្រកួតវគ្គផ្តាច់ព្រ័ត្រ ដែលការប្រកួតវគ្គដណ្ដើមមេដាយព្រឹត្តិការណ៍ពិភពលោក ៤ឆ្នាំម្ដងនេះ គ្រោងនឹងប្រកួតនាវេលាម៉ោង ៥:៣០នាទីល្ងាចនេះ (ម៉ោងនៅកម្ពុជា)។
ការប្រកួតវគ្គជម្រុះលើវិញ្ញាសាប្រណាំងរទេះ T54 ចម្ងាយ ១០០ម៉ែត្រ ចែកចេញជា ៣ ស៊េរី ដោយក្នុងមួយស៊េរីមានកីឡាករ ៦នាក់ មកពី ៦ប្រទេស ខណៈចប់ការប្រកួតវគ្គជម្រុះ កីឡាករឈរលេខ១ និងលេខ២ ក្នុងស៊េរីនីមួយៗ ត្រូវបានជ្រើសរើសជាបេក្ខភាពវគ្គផ្តាច់ព្រ័ត្រដណ្តើមមេដាយតែម្តង។
កីឡាករ វ៉ាន វ៉ុន ធ្វើបានយ៉ាងល្អ និងបានបំបែកកំណត់ត្រាឡើងវគ្គផ្ដាច់ព្រ័ត្រព្រឹត្តិការណ៍ពិភពលោកនេះ។ រូបគេនឹងបន្ដការខិតខំប្រឹងប្រែង និងធ្វើបានកាន់តែល្អបន្ថែមទៀតនៅវគ្គផ្ដាច់ព្រ័ត្រ ដើម្បីដណ្ដើមលទ្ធផលល្អជូនជាតិមាតុភូមិ។
ព្រឹត្តិការណ៍ប្រកួតកីឡាប៉ារ៉ាឡាំពិក នៅទីក្រុងតូក្យូ ប្រទេសជប៉ុន ឆ្នាំ២០២០ កម្ពុជាបានបញ្ជូនអត្តពលិក ១រូប និងប្រតិភូ ១រូបចូលរួម គឺកីឡាករ វ៉ាន វ៉ុន និងលោក យី សុភក្រ្តា ជាប្រតិភូ៕
អត្ថបទ៖ វីរបុត្រ
ប្រភព៖ CNCC
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន