កីឡា

យ៉ាតវិទូ ច័ន្ទទិវា ជឿជាក់ថា នឹងប្រជែងបានមេដាយ នៅស៊ីហ្គេមវៀតណាម

បានផុស

៤ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

កីឡាករជម្រើសជាតិឈុតថ្នាល យ៉ាតវិទូ ច័ន្ទទិវា ដែលទើបឡើងមកជម្រើសជាតិឈុតធំ ក្នុងឆ្នាំ២០២១នេះ បានបង្ហាញជំនឿចិត្តថា នឹងប្រជែងបានមេដាយ នៅស៊ីហ្គេមវៀតណាមមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជនវ័យ២១ឆ្នាំរូបនេះ កំពុងហ្វឹកហាត់លើវិញ្ញាសារត់ល្បឿន ១០០ ម៉ែត្រ, ២០០ម៉ែត្រ និង ៤០០ ម៉ែត្រ ហើយបានបង្ហាញការតាំងចិត្តខ្ពស់ ជំរុញការហ្វឹកហាត់អភិវឌ្ឍសមត្ថភាពឈានទៅប្រជែងដណ្តើមមេដាយជូនកម្ពុជា ក្នុងការប្រកួតកីឡាស៊ីហ្គេម នៅប្រទេសវៀតណាម ឆ្នាំ២០២២ ខាងមុខនេះ។ យុវជនវ័យ ២១ឆ្នាំរូបនេះ អះអាងថា កន្លង មកក៏ធ្លាប់បានចូលរួមប្រកួតក្នុងព្រឹត្តិការណ៍អន្តរ ជាតិបាន៣ទៅ៤លើក ទទួលបានចំណាត់លេខ ៦ឬ៧ ក្នុងវគ្គជម្រុះដែរ។ ដូច្នេះ បូករួមការហ្វឹកហាត់បន្ថែម នៅទីលានស្តង់ដារ នាកីឡដ្ឋានជាតិ មរតកតេជោ នឹងការចេញទៅហ្វឹកហាត់នៅចិនទៀត នឹងជំរុញឲ្យសមត្ថភាពវិវឌ្ឍអាចប្រជែងដណ្តើមមេដាយជាក់ជាមិនខាន ។

យ៉ាតវិទូ ច័ន្ទទិវា រំពឹងជឿជាក់ថា ការជួយជំរុញពីគ្រូបង្វឹក និងការផ្តល់កម្លាំងចិត្តគាំទ្រពីថ្នាក់ដឹក នាំ នឹងជួយឲ្យទទួលបានជោគជ័យពីការប្រកួតលើឆាកអន្តរជាតិ ជាពិសេសពីការប្រកួតស៊ីហ្គេម នៅវៀតណាម ។

សូមបញ្ជាក់ថា យ៉ាតវិទូ ច័ន្ទទិវា ជាកីឡាករអត្តពលកម្មជម្រើសជាតិឈុតថ្នាល ទើបជាប់ជាជម្រើសជាតិឈុតធំ នៅក្នុងឆ្នាំ២០២១នេះ កំពុងហ្វឹកហាត់លើវិញ្ញាសារត់ល្បឿន ១០០ ម៉ែត្រ ,២០០ម៉ែត្រ និង៤០០ម៉ែត្រ ប៉ុន្តែវិញ្ញាសាដែលសង្ឃឹមខ្ពស់ថា ប្រជែងបានមេដាយ គឺវិញ្ញាសា ២០០ម៉ែត្រ និង៤០០ម៉ែត្រ៕

អត្ថបទ៖ វិសិទ្ធ

Related Topics: