កីឡា
U-23 សិង្ហបុរី បញ្ចេញបញ្ជីកីឡាករ ២០នាក់ត្រៀមប្រកួតស៊ីហ្គេម ក្នុងពូលជាមួយកម្ពុជា
សហព័ន្ធកីឡាបាល់ទាត់សិង្ហបុរី បានធ្វើការបង្ហាញបញ្ជីឈ្មោះកីឡាករជម្រើសជាតិសិង្ហបុរីអាយុក្រោម ២៣ឆ្នាំ ២០ នាក់ជាផ្លូវការ សម្រាប់យុទ្ធនាការប្រកួតក្នុងព្រឹត្តិការណ៍កីឡាអាស៊ីអាគ្នេយ៍ នៅប្រទេសវៀតណាម នាពេលខាងមុខ។
ភាគច្រើននៃកីឡាករទាំង ២០នាក់នោះ ជ្រើសរើសបានពីការបោះជំរុំហ្វឹកហាត់ តាំងពីថ្ងៃទី២៥ ខែមេសា ឆ្នាំ ២០២២ មុនចាកចេញទៅវៀតណាម នៅថ្ងៃទី០៤ ខែឧសភា ឆ្នាំ២០២២។
អ្វីដែលជាការចាប់អារម្មណ៍ កីឡាករបងប្អូនបង្កើតដ៏សំខាន់ ២រូប ដែលកំពុងលេងនៅលីគកំពូលថៃ ជាមួយក្លិបធំប្រចាំប្រទេស (BG Pathum Unite) Irfan Fandi និង Ikhsan Fandi នឹងមិនបានចូលរួមជាមួយក្រុមឡើយ ដោយសារតែនៅជាប់កាតព្វកិច្ចជាមួយក្លិបរបស់គេ គ្រាដែលប្អូនប្រុសពៅរបស់គេម្នាក់ទៀត ខ្សែប្រយុទ្ធ Ilhan Fandi ក៏មិនអាចចូលរួមជាមួយក្រុមបានឡើយដោយសារបញ្ហារបួស។
គ្រូបង្វឹក លោក Nazri Nasir បាននិយាយថា៖ «កីឡាករ ២០នាក់ចុងក្រោយត្រូវបានជ្រើសរើស ពីព្រោះពួកគេសមនឹងទម្រង់លេងរបស់យើង ហើយបានបង្ហាញពីភាពប៉ិនប្រសប់របស់ពួកគេ ដែលពួកគេអាចលេងបានច្រើនមុខតំណែង។ ជាមួយនឹងចន្លោះពេលខ្លីៗរវាងការប្រកួត វាពិតជាមានសារៈសំខាន់ប្រសិនបើមានការរងរបួស ឬកាលៈទេសៈដែលមិនបានមើលឃើញទុកជាមុនដូចជា កូវីដ-១៩ ជាដើម។»
«សំខាន់បំផុត កីឡាករទាំង ២០នាក់បានបង្ហាញពីភាពចាស់ទុំទាំងក្នុង និងក្រៅទីលាន ហើយខ្ញុំជឿថាពួកគេនឹងធ្វើឱ្យសិង្ហបុរីមានមោទនភាពជាមួយនឹងការបង្ហាញទម្រង់លេងរបស់ពួកគេ។ ខ្ញុំជឿជាក់លើពួកគេទាំងអស់ ហើយខ្ញុំជឿថាកីឡាករដែលបានជ្រើសរើសនឹងផ្តល់ឱ្យទាំងអស់ និងមិនធ្វើឱ្យខ្ញុំខកចិត្តនៅវៀតណាមឡើយ។» គ្រូបង្វឹកវ័យ ៥១ឆ្នាំរូបនេះបានបន្ថែម។
សិង្ហបុរី ក៏បានកោះហៅកីឡាករលើសអាយុ ៣នាក់ផងដែរ មានអ្នកចាំទី Zaiful Nizam (៣៤ឆ្នាំ), ខ្សែការពារ Syahrul Sazali (២៣ឆ្នាំ) និងខ្សែបម្រើ Zulfahmi Arifin (៣០ឆ្នាំ)។
សូមរំឮកថា U-23 សិង្ហបុរី ស្ថិតនៅពូល B ជាមួយ កម្ពុជា, ថៃ, ម៉ាឡេស៊ី និងឡាវ ហើយក្រុមនេះនឹងជួបកម្ពុជា នៅថ្ងៃទី១១ ខែឧសភា ឆ្នាំ២០២២៕
អត្ថបទ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង