កីឡា

ថ្ងៃនេះ បាល់ទះអង្គុយកម្ពុជាប៉ះម្ចាស់ផ្ទះឥណ្ឌូនេស៊ី វគ្គពាក់កណ្តាលផ្តាច់ព្រ័ត្រ

បានផុស

៣ years មុន

នៅ

ថ្ងៃអង្គារ ២ សីហា ២០២២

ដោយ

ក្រុមបាល់ទះអង្គុយជនពិការកម្ពុជានឹងប្រកួតជាមួយក្រុមម្ចាស់ផ្ទះឥណ្ឌូនេស៊ី នៅវគ្គពាក់កណ្តាលផ្តាច់ព្រ័ត្រ នារសៀលថ្ងៃទី២ ខែសីហានេះនៅព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូនេស៊ី។

មុនពេលឈានដល់វគ្គពាក់កណ្តាលផ្តាច់ព្រ័ត្រ ក្រុមកម្ពុជាធ្វើបានយ៉ាងល្អឥតខ្ចោះក្នុងវគ្គសន្សំពិន្ទុក្នុងពូល B ដោយបានយកឈ្នះក្រុមហ្វីលីពីនដោយលទ្ធផល ៣សិត០ និងបន្តឈ្នះក្រុមខ្លាំងមីយ៉ាន់ម៉ា ដោយលទ្ធផល ៣សិត១ ដើម្បីឈរលើកំពូលតារាង ខណៈមីយ៉ាន់ម៉ាដែលជាម្ចាស់មេដាយមាសឆ្នាំ២០១៧ស្ថិតនៅចំណាត់ថ្នាក់លេខ២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកនៅពូល A ក្រុមម្ចាស់ផ្ទះឥណ្ឌូនេស៊ី ស្ថិតនៅលេខ២ ហើយថៃស្ថិតនៅលេខ១។ ដូច្នេះការប្រកួតវគ្គពាក់កណ្តាលផ្តាច់ព្រ័ត្រ ក្រុមកម្ពុជាត្រូវប្រកួតជាមួយក្រុមឥណ្ឌូនេស៊ី ដើម្បីរកឱកាសឡើងទៅវគ្គផ្តាច់ព្រ័ត្រ។ ស្របពេលជាមួយគ្នានេះ ក្រុមថៃត្រូវប្រកួតជាមួយមីយ៉ាន់ម៉ា វេលាម៉ោង១១ព្រឹក ដើម្បីរកឱកាសឡើងទៅវគ្គផ្តាច់ព្រ័ត្រដែរ។

សូមបញ្ជាក់ថា វិញ្ញាសាបាល់ទះអង្គុយជនពិការនេះ មីយ៉ាន់ម៉ាត្រូវបានគេចាត់ទុកជាក្រុមខ្លាំងនៅអាស៊ាន ដោយសារបានឈ្នះមេដាយមាសកាលពីឆ្នាំ២០១៧ ហើយកម្ពុជាឈ្នះមេដាយប្រាក់ និងថៃឈ្នះមេដាយសំរឹទ្ធ៕

អត្ថបទ៖ វីរបុត្រ

Related Topics: