កីឡា
មិនធម្មតា កោះកុង ទម្លាក់ អង្គរថាយហ្គឺរ ឡើងវគ្គ៨ក្រុមពាន Hun Sen Cup
ក្រុមកោះកុង អេហ្វស៊ី ដែលលេងនៅលីគលំដាប់ទី២បានឡើងទៅកាន់វគ្គ៨ក្រុមចុងក្រោយនៃពានរង្វាន់ សម្តេចអគ្គមហាសេនាបតីតេជោ ហ៊ុន សែន ថ្នាក់ជាតិ លើកទី១៦ ឆ្នាំ២០២២ បន្ទាប់ពីបានយកឈ្នះក្រុម អង្គរថាយហ្គឺរ ដែលលេងក្នុងលីគកំពូលកម្ពុជា។
កាលពីជើងទី១ កោះកុង អេហ្វស៊ី បានចាញ់ អង្គរថាយហ្គឺរ ដោយលទ្ធផល ២-១ នៅក្នុងដីរបស់ខ្លួន ប៉ុន្តែនៅជើងទី២បានវាយបកយកឈ្នះវិញដោយលទ្ធផល ១-៣ នៅកីឡដ្ឋាន ហនុមាន របស់អង្គរថាយហ្គឺរ។ សរុបទាំងពីរជើង កោះកុង អេហ្វស៊ី បានយកឈ្នះដោយលទ្ធផល ៤-៣ ដើម្បីឡើងទៅកាន់វគ្គ៨ក្រុមចុងក្រោយ។
ជាមួយគ្នានេះ អគ្គិសនីកម្ពុជា ក៏ជាក្រុមមកពីលីគលំដាប់ទី២បានយកឈ្នះក្រុមលេងនៅលីគកំពូល គិរីវង់សុខសែនជ័យ ដើម្បីឡើងទៅកាន់វគ្គ៨ក្រុមចុងក្រោយពានរង្វាន់សម្តេចតេជោដែរ។ កាលពីជើងទី១ អគ្គិសនីកម្ពុជាបានយកឈ្នះដោយលទ្ធផល ៣-២ ហើយជើងទី២កាលពីម្សិលមិញបានស្មើគ្នា ១-១ ដូច្នេះសរុបទាំងពីរជើង អគ្គិសនីកម្ពុជាឈ្នះ ៤-៣។
ភ្នំពេញក្រោន បុកពោះមិនស្ទើរមុនពេលបានឡើងទៅកាន់វគ្គ៨ក្រុមចុងក្រោយដែរ បន្ទាប់ពីស្មើក្រុមល្អសំបូរយុវជន ព្រៃវែង អេហ្វស៊ី នៅកីឡដ្ឋាន ស្មាត អេអសអិន ក្នុងរាជធានីភ្នំពេញ ដោយលទ្ធផល ៤-៤ ប៉ុន្តែកាលពីជើងទី១ឈ្នះ ១-០ ដូច្នេះសរុបទាំងពីរជើង ភ្នំពេញក្រោនឈ្នះ៥-៤។
ចំណែក ក្រុមនគរបាលជាតិ មិនបានឡើងទៅវគ្គ៨ក្រុមចុងក្រោយទេ បន្ទាប់ពីចាញ់កងយោធពលខេមរភូមិន្ទ នៅជើងទី២ដោយលទ្ធផល ២-១ ដូចលទ្ធផលជើងទី១ដែរ ដូច្នេះសរុបទាំងពីរជើង កងយោធពលខេមរភូមិន្ទ ឈ្នះ៤-២ ដើម្បីឡើងវគ្គបន្ត។
ក្រុមឡើងវគ្គ៨ក្រុមចុងក្រោយ
- វិសាខា
- ណាហ្គាវើលដ៍
- បឹងកេ
- ព្រះខ័នរាជស្វាយរៀង
- កោះកុង អេហ្វស៊ី
- អគ្គិសនីកម្ពុជា
- ភ្នំពេញក្រោន
- កងយោធពលខេមរភូមិន្ទ
អត្ថបទ៖ វីរបុត្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ