កីឡា
ក្រុមរួមពូលកម្ពុជា ‘ហ្វីលីពីន’ នឹងកោះហៅកីឡាករលេងនៅក្រៅប្រទេស ៨ នាក់ ដើម្បី AFF Cup
ក្រុមជម្រើសជាតិហ្វីលីពីន ដែលស្ថិតនៅរួមពូលជាមួយជម្រើសជាតិកម្ពុជា ក្នុងព្រឹត្តិការណ៍ជើងឯកអាស៊ាន AFF Mitsubishi Electric Cup 2022 បានបង្ហាញគម្រោងកោះហៅកីឡាករលេងនៅក្រៅប្រទេស ក៏ដូចជារកប្រទេសប្រកួតមិត្តភាពកម្ដៅសាច់ដុំរួចរាល់ហើយ ដើម្បីត្រៀមខ្លួនសម្រាប់ពានរង្វាន់ដដែលនេះ។
ហ្វីលីពីន បានណាត់ប្រទេសចំនួន ២ ដើម្បីប្រកួតមិត្តភាពខែធ្នូ ពោលគឺគេនឹងជួបប្រកួតជាមួយ ឆាយនីសតៃប៊ិ និងវៀតណាម ដោយធ្វើឡើងនៅដើមខែធ្នូ។ ពោលគឺជួប ឆាយនីសតៃប៊ិ នៅថ្ងៃទី ០៨ បន្ទាប់មកជួប វៀតណាម នៅថ្ងៃទី ១៤ ខែធ្នូ។
ជាមួយគ្នានេះផងដែរ យោងតាមការលាតត្រដាងរបស់អ្នកចាត់ការទូទៅក្រុមជម្រើសជាតិ ក្រុមរហស្សនាម ‘ឆ្កែអនាថា’ លោក Dan Palami បានឲ្យដឹងថា កីឡាករ ៨ នាក់ ដែលលេងនៅក្រៅប្រទេស នឹងត្រូវបានកោះហៅឲ្យចូលរួមព្រឹត្តិការណ៍ AFF Mitsubishi Electric Cup 2022 នេះផងដែរ។
ក្នុងនោះយោងតាមសារព័ត៌មានអេស្ប៉ាញ យុវជន Óscar Arribas (កើតឆ្នាំ ១៩៩៨) មានតួនាទីជាខ្សែបម្រើដែលកំពុងលេងនៅ Segunda División (លីគទី ២ អេស្ប៉ាញ) នៃក្លិប FC Cartagena ក៏ត្រូវរំពឹងថា អាចនឹងមានឈ្មោះផងដែរ។ Arribas កើតនៅទីក្រុង Madrid ប៉ុន្តែមានឈាមជ័រហ្វីលីពីន ក្នុងគ្រួសាររបស់គេ។
ហ្វីលីពីន គឺជាក្រុមរួមពូល A ដែលមានកម្ពុជា, ថៃ, ឥណ្ឌូណេស៊ី និងព្រុយណេ។ ហ្វីលីពីន នឹងជួប កម្ពុជា នៅប្រកួតទី ១ ដែលជាប្រកួតបើកឆាក ត្រូវនឹងថ្ងៃទី ២០ ខែធ្នូ ឆ្នាំ ២០២២ លើទឹកដីកម្ពុជា៕
អត្ថបទ ៖ មន្នីរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ