កីឡា
ទម្លាយមូលហេតុ កីឡាករអាល្លឺម៉ង់ យកដៃខ្ទប់មាត់ពេលថតរូប មុនប្រកួតជាមួយជប៉ុន យប់មិញ
កាលពីថ្ងៃពុធទី២៣ខែវិច្ឆិកាម្សិលមិញនេះ មុនការប្រកួតបាល់ទាត់ពិភពលោកជាមួយនឹងប្រទេសជប៉ុន, កីឡាករក្រុមបាល់ទាត់ជម្រើសជាតិអាល្លឺម៉ង់ បានយកដៃខ្ទប់មាត់របស់ពួកគេនៅក្នុងកីឡដ្ឋាននៃប្រទេសកាតា ដើម្បីតវ៉ាចំពោះការសម្រេចចិត្តរបស់ FIFA ក្នុងការហាមឃាត់ខ្សែដៃ LGBTQ (អ្នកស្រឡាញ់ភេទដូចគ្នា)។

ការបង្ហាញការប្រឆាំងនៅក្នុងកីឡដ្ឋាន Khalifa នៃទីក្រុងដូហា បានកើតឡើងបន្ទាប់ពីស្ថាប័នគ្រប់គ្រងបាល់ទាត់ពិភពលោក គំរាមដាក់ទណ្ឌកម្មប្រឆាំងក្រុម និងប្រធានក្រុមរបស់ពួកគេ ប្រសិនបើពួកគេបន្តផែនការពាក់ខ្សែដៃ “OneLove” ដែលត្រូវបានគេចាត់ទុកថាជាការតវ៉ា ប្រឆាំងនឹងច្បាប់នៅក្នុងប្រទេសកាតា ជាកន្លែងដែលការស្រឡាញ់ភេទដូចគ្នាគឺ ខុសច្បាប់។

កីឡាករអាល្លឺម៉ង់ទាំងអស់ បានធ្វើកាយវិការបែបនេះ នៅចំពោះមុខអ្នកថតរូបរាប់សិបនាក់ លើទីលាន មុនការប្រកួតក្នុងពូល E ដែលបានបញ្ចប់ទៅ ដោយម្ចាស់ជើងឯកពិភពលោក៤សម័យកាល ចាញ់ជប៉ុន ២-១ យ៉ាងភ្ញាក់ផ្អើលជាទីបំផុត។
បន្ទាប់ពីការតវ៉ា និងនៅពេលការប្រកួតចាប់ផ្តើម សហព័ន្ធបាល់ទាត់អាល្លឺម៉ង់ (DFB) បានចេញសេចក្តីថ្លែងការណ៍មួយ គាំទ្រក្រុមរបស់ខ្លួន។ សហព័ន្ធបានសង្កត់ធ្ងន់ថា “ការហាមប្រាមពាក់ខ្សែដៃនេះ គឺដូចជាការហាមឃាត់សិទ្ធិក្នុងការនិយាយរបស់យើង អ៊ីចឹងដែរ”។

គួរបញ្ជាក់ថា FIFA បានគំរាមដាក់ទណ្ឌកម្មក្រុមអឺរ៉ុបចំនួន៧ ប្រសិនបើពួកគេពាក់ខ្សែដៃដែលតំណាងឲ្យភាពចម្រុះ និងការអត់ឱន។
អង់គ្លេស វេលស៍ បែលហ្ស៊ិក ហូឡង់ ស្វីស អាល្លឺម៉ង់ និងដាណឺម៉ាកបាននិយាយកាលពីថ្ងៃចន្ទថា ពួកគេត្រូវបានដាក់សម្ពាធដោយ FIFA ហើយបានបោះបង់ចោលផែនការ ពាក់ខ្សែដៃនៅក្នុងប្រទេសមូស្លីមអភិរក្សនិយម៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ រឿងចៃដន្យបំផុតក្នុងប្រវត្តិសាស្ត្រ World Cup កើតឡើងត្រឹម ២ថ្ងៃ

-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?