World Cup 2022 ធ្វើឲ្យពិភពអារ៉ាប់ រួបរួមគ្នាសាជាថ្មី (មានវីដេអូ)

គិតទៅមានរយៈពេល មិនដល់ពីរឆ្នាំទេ ដែលបណ្តារដ្ឋឈូងសមុទ្រស្ថិតក្នុងភាពចលាចល។

ប្រទេសអារ៉ាប៊ីសាអូឌីត រួមជាមួយ អារ៉ាប់រួម បារ៉ែន និងអេហ្ស៊ីប បានដាក់ទណ្ឌកម្មលើប្រទេសកាតា បន្ទាប់ពីចោទប្រកាន់ថា ទីក្រុង ដូហា គាំទ្រអំពើភេរវកម្ម។

ទំនាក់ទំនងការទូតត្រូវបានស្តារឡើងវិញក្នុងខែមករាឆ្នាំមុន ប៉ុន្តែទំនាក់ទំនងរវាងប្រទេសមួយចំនួននៅមានភាពតានតឹងនៅឡើយ។

ឥឡូវនេះ ការប្រកួតបាល់ទាត់ពិភពលោកដែលរៀបចំដោយប្រទេសកាតា បានផ្តល់ឱកាសដល់រដ្ឋនានា ក្នុងការរួបរួមគ្នាម្តងទៀត។

ជ័យជម្នះដ៏ធំរបស់អារ៉ាប៊ីសាអូឌីត លើអាហ្សង់ទីន ត្រូវបានអបអរសាទរដោយមនុស្សជាច្រើននៅទូទាំងពិភពអារ៉ាប់ ហើយប្រទេសនានា ក៏បានបង្ហាញការរួបរួមគ្នាយ៉ាងទូលំទូលាយផងដែរ លើអ្វីដែលពួកគេមើលឃើញថា ជាការអួតក្អេងក្អាងរបស់លោកខាងលិច លើបញ្ហានយោបាយ និងសិទ្ធិមនុស្ស។

រដ្ឋអារ៉ាប់ បានគាំទ្រការចាត់ចែងរបស់ កាតា ក្នុងព្រឹត្តិការណ៍ World Cup ហើយបានចោទប្រកាន់លោកខាងលិចថា មានពុតត្បុត ចំពោះពាក្យរិះគន់លើ កាតា អំពីភាពកង្វះលទ្ធិប្រជាធិបតេយ្យ បម្រាមលើគ្រឿងស្រវឹង និងការហាមឃាត់អ្នកស្រឡាញ់ភេទដូចគ្នា។

ប្រជាពលរដ្ឋមកពីរដ្ឋអារ៉ាប់ ក៏បានគាំទ្រឆ្មាំកាតានៅលើប្រព័ន្ធផ្សព្វផ្សាយសង្គមផងដែរ បន្ទាប់ពីពួកគេបានរារាំងអ្នកគាំទ្របាល់ទាត់ពីការនាំយកមួក និងសម្លៀកបំពាក់ពណ៌ឥន្ទធនូដែលមាននិមិត្តសញ្ញាគាំទ្រអ្នកស្រឡាញ់ភេទដូចគ្នា ចូលទៅក្នុងកីឡដ្ឋាន៕

សូមទស្សនាវីដេអូ៖

អត្ថបទ៖ Vann Vann

ចុចអាន៖ អ្នកគាំទ្រ កាន់ទង់ឥន្ទធនូ រត់ចូលទីលាន ដើម្បីតវ៉ា ក្នុងជំនួប ព័រទុយហ្គាល់- អ៊ុយរូហ្គាយ