កីឡា

អតីតអាជ្ញាកណ្ដាល FIFA បកស្រាយរឿងចម្រូងចម្រាស់ផ្ដល់បាល់ប៉េណាល់ទីឲ្យ វៀតណាម ប៉ះម៉ាឡេស៊ី យប់មិញ

បានផុស

២ years មុន

នៅ

ថ្ងៃពុធ ២៨ ធ្នូ ២០២២

ដោយ

អតីតអាជ្ញាកណ្តាលម៉ាឡេស៊ីបាននិយាយថា លោកអាជ្ញាកណ្ដាល Ryuji Sato ជនជាតិជប៉ុន មិនគួរផ្ដល់បាល់ប៉េណាល់ទីឲ្យវៀតណាមនោះទេក្នុងជ័យជម្នះ ៣-០ លើម៉ាឡេស៊ីនៃពានរង្វាន់ AFF Mitsubishi Electric Cup កាលពីថ្ងៃអង្គារ ប៉ុន្តែចំពោះកាតក្រហមសម្រាប់ខ្សែការពារម៉ាឡេស៊ីគឺសមនឹងទទួលបាន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Subkhiddin Mohd Salleh ដែលជាអាជ្ញាកណ្តាលរបស់ FIFA ចន្លោះឆ្នាំ ២០០០ រហូតដល់ចូលនិវត្តន៍ក្នុងឆ្នាំ ២០១១ បាននិយាយថា គាត់បានមើលវីដេអូនៃការប៉ះទង្គិចគ្នារវាងខ្សែការពារម៉ាឡេស៊ី Azam Azmi និងខ្សែការពារវៀតណាម Doan Van Hau នៅនាទីទី ៥៩ ក្នុងការប្រកួតនៅទីក្រុងហាណូយ ។

ការអត្ថាធិប្បាយលើប៉ុស្តិ៍ទូរទស្សន៍ម៉ាឡេស៊ី Astro Arena លោកបានបែងចែកស្ថានភាពពេលនោះជា ២ ដំណាក់កាល ទី១ គឺការរុញរបស់កីឡាករវៀតណាម Van Hau ដែលបណ្តាលឲ្យកីឡាករ Azmi ដួល ហើយបន្ទាប់មកការប៉ះទង្គិចគ្នាបានកើតឡើង ។

លោក Salleh បញ្ជាក់ថា “ពិតណាស់ នៅពេលដែលខ្សែការពារ Azmi ធាក់មុខកីឡាករវៀតណាមវិញ ពេលនោះបាល់នៅតែវិល ដូច្នេះហើយ អាជ្ញាកណ្តាលអាចពិន័យបាល់ប៉េណាល់ទីទៅវៀតណាម ។ ប៉ុន្តែតាមគំនិតខ្ញុំ រឿងដំបូងដែលត្រូវពិចារណាគឺកំហុសរបស់ Van Hau ហើយកំហុសរបស់ Azmi គឺជាកំហុសបន្ទាប់ប៉ុណ្ណោះ” ។

អតីតអាជ្ញាកណ្ដាល FIFA រូបនេះបាននិយាយទៀតថា “ប្រសិនបើអាជ្ញាកណ្តាលគិតថា កីឡាករ Azmi បានសងសឹកកីឡាករវៀតណាម Van Hau នោះ ខ្សែការពារម៉ាឡេស៊ីពិតជាសមនឹងទទួលបានកាតក្រហមមែន ។ ប៉ុន្តែអាជ្ញាកណ្ដាលគួរតែផ្ដល់បាល់ហ្វ្រីឃីកឲ្យម៉ាឡេស៊ី មិនមែនជាបាល់ប៉េណាល់ទីសម្រាប់វៀតណាមនោះទេ ព្រោះថា Van Hau បានរុញ Azmi មុន” ។

គួរបញ្ជាក់ថា លោក Salleh អាយុ ៥៦ ឆ្នាំបានក្លាយជាអាជ្ញាកណ្តាលកំពូលមួយរូបរបស់អាស៊ីក្នុងឆ្នាំ ២០០៨ ។ លោកបានជាប់កាតព្វកិច្ចនៅ World Cup ឆ្នាំ ២០១០ ជាមន្ត្រីអាជ្ញាកណ្តាលទី ៤ និងជាប្រធានអាជ្ញាកណ្តាលក្នុងការប្រកួតជាច្រើននៃពាន Asian Cup ឆ្នាំ ២០១១ ហើយបន្ទាប់ពីចូលនិវត្តន៍ គាត់បានធ្វើការជាគ្រូអាជ្ញាកណ្តាលរបស់ FIFA ៕

សូមទស្សនាវីដេអូ!