កីឡា
គុនខ្មែរក្នុងស៊ីហ្គេមទទួលបានលទ្ធផលលើសការរំពឹងទុកសម្រាប់ម្ចាស់ផ្ទះ
ការប្រកួតកីឡាប្រដាល់គុនខ្មែរក្នុងព្រឹត្តិការណ៍កីឡាស៊ីហ្គេម លើកទី៣២ ទទួលបានលទ្ធផលលើសពីផែនការដែលបានគ្រោងទុកសម្រាប់ម្ចាស់ផ្ទះកម្ពុជា បើទោះបីជាការប្រកួតនៅមិនទាន់ចប់ក៏ដោយ។
រហូតដល់ពេលនេះ កម្ពុជាក្នុងនាមជាម្ចាស់ផ្ទះបានឈ្នះមេដាយមាស៧គ្រឿងគឺវិញ្ញាសាប្រយុទ្ធ៥ដែលបានប្រកួតឈ្នះកាលពីថ្ងៃទី១០ ខែឧសភា និងវិញ្ញាសាសម្តែងគុនគ្រូ២ដែលបានប្រកួតឈ្នះកាលពីថ្ងៃទី៦ ខែឧសភា។
ថ្ងៃទី១១ ខែឧសភានេះ កីឡាករ និងកីឡាការិនីគុនខ្មែរ៩រូបត្រូវប្រកួតវគ្គផ្តាច់ព្រ័ត្រដណ្តើមមេដាយមាសចាប់ពីម៉ោង២រសៀលនៅសង្វៀនដំរី ក្នុងពហុកីឡដ្ឋានជាតិមរតកតេជោ។
លោក ហេង សុឃន អគ្គលេខាធិការសហព័ន្ធកីឡាប្រដាល់គុនខ្មែរបានប្រាប់សារព័ត៌មានកម្ពុជាថ្មីថា ដូចអ្វីដែលសហព័ន្ធបានរៀបចំផែនការយុទ្ធសាស្ត្រគឺទទួលបានលទ្ធផល៩០%ហើយ។ លទ្ធផលនេះបានដោយសារការប្រមូលផ្តុំហ្វឹកហាត់ និងការយកចិត្តទុកដាក់ពីថ្នាក់ដឹកនាំទាំងសហព័ន្ធ ក្រសួងអប់រំ យុវជន និងកីឡា ក៏ដូចជាគណៈកម្មាធិការជាតិរៀបចំការប្រកួតកីឡាស៊ីហ្គេម។
លោកបានបញ្ជាក់ថា ៖«យើងដឹងថា ក្រុមកីឡាវៀតណាមខ្លាំងដែលជាឧបសគ្គធំ ប៉ុន្តែយើងបានប្រកួតឈ្នះច្រើន។ បើនិយាយពីការរៀបចំវិញ យើងធ្វើបានល្អ ជាពិសេសការចាប់ឆ្នោតគឺយើងចាប់ដោយគ្រាប់ប៉េងប៉ុងដែលជាការចាប់ឆ្នោតសុក្រិតបំផុត។ ទាំងនេះបង្ហាញឲ្យពិភពលោកឃើញថា ការរៀបចំរបស់កម្ពុជាត្រឹមត្រូវ និងយុត្តិធម៌បំផុត»។
លោកអគ្គលេខាធិការសហព័ន្ធបានបន្ថែមថា សម្រាប់ការប្រកួតវគ្គផ្តាច់ព្រ័ត្រទាំង៩វិញ្ញាសានៅរសៀលថ្ងៃទី១១ ខែឧសភានេះ លោករំពឹងទទួលបានលទ្ធផលខ្ពស់បំផុត។ «យើងសង្ឃឹមខ្ពស់មែនទែនក្នុងការទទួលបានលទ្ធផលល្អទាំង៩វិញ្ញាសា។ និយាយទៅយើងអាចនិយាយបានថា ប្រហែលជា១%ដែលយើងអាចចាញ់»។
«ពិតជាសប្បាយចិត្តមែនទែនក្នុងនាមអគ្គលេខាធិការសហព័ន្ធ មុនស៊ីហ្គេម មិនគិតថា យើងអាចរកបានមេដាយមាសច្រើនអីចឹងទេ តែពេលនេះ យើងទទួលបានមេដាយមាសលើសការរំពឹងទុក»។ លោក ហេង សុឃន មានប្រសាសន៍។
ក្នុងនាមជាម្ចាស់ផ្ទះ និងជាម្ចាស់ក្បាច់គុនអត្តសញ្ញាណខ្មែរ កម្ពុជាបានដាក់គុនខ្មែរចំនួន១៩វិញ្ញាសា ក្នុងនោះរកឃើញអ្នកឈ្នះមេដាយមាស១០វិញ្ញាសាហើយគឺម្ចាស់ផ្ទះកម្ពុជា៧នាក់ និងវៀតណាម៣នាក់។ ៩វិញ្ញាសាទៀតនឹងប្រកួតនៅថ្ងៃទី១១ ខែឧសភា៕
អត្ថបទ៖ វីរបុត្រ
ប្រកាសមុននេះម៉ោងជាង ៤ រសៀល ទីបំផុតរមណីយដ្ឋានកោះកេរត្រូវបានដាក់បញ្ចូលជាសម្បត្តិបេតិកភណ្ឌពិភពលោក
លោក ពូទីន ថា រុស្ស៊ី មិនចាំបាច់ត្រូវការទាហានស៊ីឈ្នួលបរទេសមកប្រយុទ្ធលើសមរភូមិឡើយ
ម្ចាស់ហាងនំប៉័ងសាច់នៅ វៀតណាម ជួបវិបត្តិផ្លូវចិត្ត ក្រោយភ្ញៀវពុលអាហារជាង ១០០ នាក់
នាយករដ្ឋមន្ត្រី ថៃ ពិចារណារើទៅរស់នៅក្នុងវិមានរដ្ឋាភិបាលដើម្បីងាយស្រួលធ្វើការ និងកុំឲ្យពលរដ្ឋស្ទះចរាចរណ៍
កម្ពុជា មានមនុស្ស គ-ថ្លង់ ជិត ១០ ម៉ឺននាក់ ស្មើនឹង ៦.៨% នៃជនមានពិការភាពនៅទូទាំងប្រទេស
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ៦ ថ្ងៃ មុនកូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ១ សប្តាហ៍ មុនទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុនមេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៤ ថ្ងៃ មុនលោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ៥ ថ្ងៃ មុនថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម២ ថ្ងៃ មុនបងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុនទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ