កីឡា
សល់គ្នា៩នាក់ Ronaldo បានជួយ Al Nassr ឈ្នះជើងឯក Arab Cup ជាលើកដំបូង
ក្លិបបាល់ទាត់ Al Nassr FC បានឈ្នះពានរង្វាន់ Arab Cup Championship Club ជាលើកដំបូងក្នុងប្រវត្តិសាស្ត្ររបស់ក្លិប បន្ទាប់ពីបានយកឈ្នះក្រុមខ្លាំង Al Hilal ដោយលទ្ធផល ២-១ ក្នុងវគ្គផ្តាច់ព្រ័ត្រ។
ការប្រកួតវគ្គផ្តាច់ព្រ័ត្រកាលពីយប់មិញពិតជាតឹងតែងខ្លាំងមែនទែនដោយប្រើពេលរហូតដល់១២០នាទីទើបរកឃើញម្ចាស់ជើងឯក។ ការប្រកួតនៅវគ្គទី១មិនមានគ្រាប់បាល់កើតឡើងទេ ប៉ុន្តែចូលវគ្គទី២អ្វីៗបានប្រែប្រួលយ៉ាងខ្លាំង។
នៅនាទីទី៥១ Al Hilal បានបើកការនាំមុខ ១-០ ដោយកីឡាករ Michael នៅនាទី៥១។ បន្ទាប់ពីដៃគូនាំមុខ Al Nassr បានព្យាយាមសម្រុកយ៉ាងខ្លាំង ប៉ុន្តែបែរជាត្រូវបានអាជ្ញាកណ្តាលពិន័យកាតក្រហមកីឡាករ Abulelah Al-Amri ឲ្យចាកចេញពីទីលាននៅនាទីទី៧១។ នៅសល់គ្នាត្រឹមតែ១០នាក់ Ronaldo បានស៊ុតបាល់តាមស្មើ ១-១ នៅនាទី៧៤ ហើយដល់នាទី៧៨ កីឡាករ Nawaf Boushal ត្រូវបានអាជ្ញាកណ្តាលពិន័យកាតក្រហមបណ្តេញចេញពីទីលានម្នាក់ទៀតនៅនាទីទី៧៨។ ដូច្នេះក្រុមដែលដឹកនាំដោយប្រធានក្រុម Ronaldo នៅសល់សមាជិកត្រឹមតែ៩នាក់ទល់នឹង Al Hilal ដែលមានសមាជិកពេញ១១នាក់។ សល់គ្នាតិចលេងកាន់តែល្អតាមរយៈការវាយបក។
ចប់៩០នាទីស្មើគ្នា ១-១ ដូច្នេះការប្រកួតត្រូវបន្ថែមម៉ោង១៥នាទីពីរដង ហើយដល់នាទី៩៨ ជាថ្មីម្តងទៀតតារានាំសំណាង Ronaldo បានតែតចូលគ្រាប់ទី២ដើម្បីនាំមុខ ១-២ បើទោះបីជាមានសមាជិកត្រឹមតែ៩នាក់។
មែនទែនទៅ Al Hilal បានព្យាយាមដាក់សម្ពាធ និងសម្រុកយ៉ាងខ្លាំង ប៉ុន្តែខ្សែការពារ និងអ្នកចាំទីរបស់ Al Nassr ការពារបានរហូត។ ទីបំផុត១២០នាទីចប់ Al Nassr បានបង្កើតកំណត់ត្រាជាលើកដំបូងក្នុងប្រវត្តិសាស្ត្ររបស់ក្លិបសម្រាប់ការឈ្នះជើងឯក Arab Club Championship Cup គិតចាប់តាំងពីពានរង្វាន់នេះត្រូវបានបង្កើតឡើងមានរយៈពេល៤២ឆ្នាំហើយ។
យប់មិញនេះ Cristiano Ronaldo បានក្លាយជាម្ចាស់ស្បែកជើងមាស បន្ទាប់ពីរកបាន៦គ្រាប់៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង