កីឡា

ជើងខ្លាំងគុនខ្មែរ ម៉ឺន មេឃា ប្ដេជ្ញាធ្វើឲ្យបានល្អទល់នឹងក្រុមបាល់ទាត់មួយថៃ

បានផុស

៤ សប្តាហ៍ មុន

នៅ

ថ្ងៃពុធ ៥ មីនា ២០២៥

ដោយ

ជំនួបបាល់ទាត់ពានរង្វាន់ «ពានរង្វាន់សតវត្សរ៍ នៃព្រះធម៍» ដែលនឹងមកដល់នៅថ្ងៃទី៨ ខែមីនា ឆ្នាំ២០២៥ នេះហើយ ស្របពេលជើងខ្លាំងគុនខ្មែរជាច្រើន រួមទាំងក្រុមបាល់ទាត់តារាកម្ពុជាផងដែរកំពុងសម្រុកហ្វឹកហាត់សម្រាប់ការប្រកួតនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីប្រកួត

ម៉ឺន មេឃា ដែលនឹងត្រូវចូលរួមប្រកួតម្នាក់ដែរក្នុងក្រុមបាល់ទាត់គុនខ្មែរ បានឲ្យដឹងថា ខ្លួនពិតជាសប្បាយរីករាយដែលមានឱកាសចូលរួមប្រកួតបាល់ទាត់បែបមិត្តភាពជាមួយខាងប្រទេសថៃនាពេលខាងមុខ។ រូបគេប្ដេជ្ញានឹងធ្វើឲ្យបានល្អនៅថ្ងៃទី៨ មីនា ឆ្នាំ២០២៥។

ទិដ្ឋភាពសន្និសីទសារព័ត៌មាន

កូនប្រុសលោក អេ ភូថង ខាងលើបន្ថែមទៀតថា ការប្រកួតនេះមានសារសំខាន់គឺបានរឹតចំណងមិត្តភាពរវាងក្រុមកម្ពុជាមានទាំងផ្នែកតារាសិល្បៈ ទាំងផ្នែកកីឡាករគុនខ្មែរ ហើយឱកាសនោះនឹងធ្វើឲ្យម្នាក់ៗបានស្គាល់គ្នា មានទំនាក់ទំនង ពិសេសបង្កើតអនុស្សាវរីយ៍ជាមួយគ្នាផងដែរ។ កីឡាករក៏អំពាវនាវដល់ក្រុមកីឡាករគុនខ្មែរទាំងអស់ បើទំនេរសូមមកចូលរួមគាំទ្រឲ្យបានច្រើន។

ទិដ្ឋភាពសន្និសីទសារព័ត៌មាន

រំលឹកដែរថា ការប្រកួតបាល់ទាត់ «ពានរង្វាន់សតវត្សរ៍ នៃព្រះធម៍» នឹងធ្វើឡើងនៅថ្ងៃទី៨ ខែមីនា ឆ្នាំ២០២៥ នៅពហុកីឡដ្ឋានជាតិអូឡាំពិក ដោយមាន៤ក្រុមចូលរួមក្នុងនោះ ក្រុមបាល់ទាត់តារាកម្ពុជា ប៉ះ ក្រុមបាល់ទាត់តារាថៃ ខណៈក្រុមបាល់ទាត់គុនខ្មែរ ប៉ះ ក្រុមបាល់ទាត់គុនថៃ។ ការប្រកួតនេះផ្ដួចផ្ដើមឡើងដោយអគ្គនាយកស្ថានីយទូរទស្សន៍ប៉ុស្តិ៍លេខ៥ សហព័ន្ធប្រដាល់គុនខ្មែរ ក្រុមបាល់ទាត់តារាកម្ពុជា និងភាគីថៃ៕