កីឡា
បឹងកេត ប្រកាសលើកការប្រកួត ដើម្បីឲ្យ ព្រះខ័នរាជស្វាយរៀង ត្រៀមខ្លួនវគ្គផ្តាច់ព្រ័ត្រ ACL
ក្លិបបាល់ទាត់ បឹងកេត បានប្រកាសពីការលើកពេលការប្រកួតជើងទី២ វគ្គពាក់កណ្តាលផ្តាច់ព្រ័ត្រពានរង្វាន់សម្តេចអគ្គមហាសេនាបតីតេជោ ហ៊ុន សែន ជាមួយ ក្លិបព្រះខ័នរាជស្វាយរៀង ដើម្បីក្លិបនៅខេត្តស្វាយរៀងត្រៀមខ្លួនឲ្យបានល្អសម្រាប់ការប្រកួតវគ្គផ្តាច់ព្រ័ត្រ ពានរង្វាន់ AFC Challenge League។
លោក បែ មករា អ្នកចាត់ការទូទៅក្លិប បឹងកេត បានលើកឡើងថា ៖«ក្នុងស្មារតីខ្មែរតែមួយ ខ្មែរជួយខ្មែរ ដែលក្លិបបឹងកេតតែងតែប្រកាន់ខ្ជាប់ ភាគីក្លិបបឹងកេត គាំទ្រ និងបានស្នើសុំរួចទៅហើយទៅគណៈកម្មការដើម្បីឱ្យមានការលើកពេលការប្រកួតជើងទី២ វគ្គពាក់កណ្ដាលផ្ដាច់ព្រ័ត្រ ពានរង្វាន់សម្ដេចអគ្គមហាសេនាបតីតេជោ ហ៊ុន សែន ក្នុងគោលបំណងទុកពេលវេលា និងកម្លាំងគ្រប់គ្រាន់ដល់ក្រុមព្រះខ័នរាជស្វាយរៀង សម្រាប់ត្រៀមប្រកួតវគ្គផ្ដាច់ព្រ័ត្រពានទ្វីបអាស៊ី AFC Challenge League»។
លោកបានបន្តថា ៖«គឺភ្លាមៗក្រោយពីក្លិបបាល់ទាត់ព្រះខ័នរាជស្វាយរៀងបានឈានដល់វគ្គផ្តាច់ព្រ័ត្រ ពានរង្វាន់ AFC Challenge League យើងបានចូលរួមអបអរសាទរចំពោះមោទនភាពបាល់ទាត់ជាតិយើងទាំងអស់គ្នា ហើយពួកយើងបានជួបជជែកពិភាក្សាគ្នាជាមួយក្លិបបាល់ទាត់ព្រះខ័នស្វាយរៀងអំពីការផ្លាស់ប្តូរកាលបរិច្ឆេទប្រកួតវគ្គពាក់កណ្តាលផ្តាច់ព្រ័ត្រជើងទី២ ពានរង្វាន់សម្តេចតេជោ ហ៊ុន សែន។ ដើម្បីផលប្រយោជន៍រួមនៃបាល់ទាត់កម្ពុជា ភាគីទាំងពីរបានព្រមព្រៀងគ្នាអំពីកម្មវត្ថុផ្លាស់ប្តូរកាលបរិច្ឆេទថ្មី និងបានដាក់សំណើទៅគណៈកម្មការប្រកួតរួចរាល់ ដោយកំពុងរង់ចាំតែការឆ្លើយតបមកវិញតែប៉ុណ្ណោះ»។
លោកបានបន្ថែមថា ៖«ក្លិបបាល់ទាត់បឹងកេត សូមអរគុណដល់អ្នកគាំទ្របាល់ទាត់កម្ពុជាគ្រប់រូប និងសូមឱ្យអ្នកគាំទ្រចូលរួមគាំទ្រ និងលើកទឹកចិត្តក្លិបបាល់ទាត់ព្រះខ័នរាជស្វាយរៀងដែលតំណាងឱ្យលីគបាល់ទាត់កម្ពុជាទាំងមូលប្រកួតដណ្ដើមជើងឯកពានរង្វាន់ទ្វីបអាស៊ីជាប្រវត្តិសាស្ត្រ»។
ការប្រកួតជើងទី១ របស់ ព្រះខ័នរាជស្វាយរៀង ជាមួយ បឹងកេត វគ្គពាក់កណ្តាលផ្តាច់ព្រ័ត្រ ពានរង្វាន់សម្តេចតេជោ ហ៊ុន សែន ធ្វើនៅថ្ងៃទី២៣ ខែមេសា នេះ ខណៈជើងទី២ នៅថ្ងៃទី៧ ខែឧសភា ពោលគឺរយៈពេលត្រឹមតែ៣ថ្ងៃ មុនការប្រកួតវគ្គផ្តាច់ព្រ័ត្រ AFC Challenge League ជាមួយក្រុម FK Arkadag នៅថ្ងៃទី១០ ខែឧសភា ឆ្នាំ២០២៥ នៅពហុកីឡដ្ឋានជាតិមរតកតេជោ។
មិនមែនតែការប្រកួតមួយនេះទេដែលត្រូវបានលើកពេល សូម្បីការប្រកួត របស់ ព្រះខ័នរាជស្វាយរៀង ជាមួយ ណាហ្គាវើលដ៍ ក្នុងលីគ នៅថ្ងៃទី១០ ខែឧសភា ក៏លើកដែរ។
កាលពីថ្ងៃទី១៨ ខែមេសា លោក Pep Munoz គ្រូបង្វឹកព្រះខ័នរាជស្វាយរៀង បាននិយាយក្នុងសន្និសីទសារព័ត៌មានដោយលើកឡើងពីគម្រោងស្នើសុំដល់ គណៈកម្មការរៀបចំការប្រកួតនៃសហព័ន្ធកីឡាបាល់ទាត់កម្ពុជា ក៏ដូចជាក្រុមជាដៃគូយោគយល់ និងផ្តល់ពេលវេលាសមរម្យសម្រាប់ការប្រកួតវគ្គផ្តាច់ព្រ័ត្រ AFC Challenge League៕
អត្ថបទ៖ វីរបុត្រ
កម្ពុជា-បារាំង កំពុងរៀបចំផែនទីបង្ហាញផ្លូវ ដើម្បីឈានដល់ការលើកកម្រិតនៃទំនាក់ទំនងប្រទេសទាំងពីរ ជា “ដៃគូយុទ្ធសាស្ត្រ”
មន្រ្តីជំនាញស្នើឲ្យម្ចាស់រថយន្តដឹកទំនិញកុំដឹកលើសទម្ងន់លើកំណាត់ផ្លូវលេខ៤៨ដែលស្ថាបនាជិតរួចរាល់
ប្រេងម៉ាស៊ូតលក់រាយ ឡើងថ្លៃបន្តិច ខណៈសាំងរក្សាតម្លៃដដែល
រដ្ឋមន្ត្រីកត់សម្គាល់ពីការរួមគ្នារបស់សារព័ត៌មានកម្ពុជាតបទៅថៃក្នុងពេលមានជម្លោះព្រំដែន
មនុស្សប្រុស-ស្រីណា កើតក្នុងចន្លោះខែទាំង៤ ច្រើនមានជីវិតល្អប្រសើរពេលចាស់ទៅ
សិស្សវិទ្យាល័យសន្ធរម៉ុក បង្ខំចិត្តដើរលើគន្លងយានជំនិះ ខណៈផ្លូវថ្មើរជើងជាប់របងសាលាក្លាយជាចំណតរថយន្ដ
កម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
សម្ដេចតេជោ និងសម្ដេចធិបតី ថាក្រុមប្រឆាំងដែលអួតខ្លួនស្នេហាជាតិ បែរជាចូលដៃចូលជើងជាមួយបរទេសវាយប្រហារប្រទេសខ្លួនឯង
ក្រសួងការពារជាតិស្នើឱ្យចាត់វិធានការលើសកម្មជនប្រឆាំងក្លែងឯកសណ្ឋានកងទ័ព ធ្វើសកម្មភាពបំបាក់ទឹកចិត្តកងទ័ព
អ្នកនាំពាក្យ៖ ការប្រឌិតព័ត៌មានពីបញ្ហាព្រំដែនកម្ពុជា-ថៃរបស់ក្រុមប្រឆាំង ជាចរិតនយោបាយគ្មានភាពថ្លៃថ្នូរ និងគួរឱ្យស្អប់ខ្ពើម
-
សន្តិសុខសង្គម៤ ថ្ងៃ agoច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
ព័ត៌មានជាតិ៣ ថ្ងៃ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
នយោបាយ៦ ថ្ងៃ agoកម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ៥ ថ្ងៃ agoក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានជាតិ៤ ថ្ងៃ agoលោក អ៊ី ឈាន យកអំណោយសម្តេចកិត្តិព្រឹទ្ធបណ្ឌិតជូនកងកម្លាំងតាមខ្សែព្រំដែន
-
ព័ត៌មានជាតិ១ ថ្ងៃ agoអ្នកនាំពាក្យ៖ សកម្មជនប្រឆាំង អែម ពិសិដ្ឋ ជ្រកកោនដីថៃក្លែងឯកសណ្ឋានទ័ពសម្ដែងវីដេអូ បំបាក់ទឹកចិត្តកងទ័ព ផ្សាយព័ត៌មានក្លែងក្លាយ
-
ព័ត៌មានអន្ដរជាតិ៦ ថ្ងៃ agoថៃ កំពុងមានជម្លោះជាមួយអ្នកជិតខាង ជុំទិស
-
ព័ត៌មានអន្ដរជាតិ៥ ថ្ងៃ agoស៊ីរ៉ែនប្រកាសអាសន្នលាន់ទ្រហឹងទូទាំងប្រទេសអ៊ុយក្រែន នៅពេល ពូទីន សងសឹកចាស់ដៃ