ចរាចរណ៍

គេចម៉ូតូកំពុងដេញចោរឆក់ជ្រុលបុករថយន្តរុញផ្ទប់ផ្ទះពលរដ្ឋ

បានផុស

៥ years មុន

នៅ

ថ្ងៃសៅរ៍ ២៤ កក្កដា ២០២១

ដោយ

រថយន្តកុងតឺន័រមួយគ្រឿងបើកគេចពីម៉ូតូមួយគ្រឿងដែលកំពុងប្រដេញម៉ូតូជនសង្ស័យឆក់ការបូប ហើយបានជ្រុលឡើងខឿនផ្លូវទៅបុករថយន្តមួយគ្រឿងទៀតដែលចតនៅចញ្ចើមផ្លូវ និងរុញផ្ទប់កៀបជាប់ផ្ទះប្រជាពលរដ្ឋបណ្ដាលឲ្យរងការខូចខាតយ៉ាងដំណំ សំណាងមិនមានមនុស្សរងរបួស។

ហេតុការណ៍នេះបានកើតឡើងកាលពីវេលាម៉ោង១១និង៤០នាទីយប់ ថ្ងៃទី២៣ ខែកក្កដា ឆ្នាំ២០២១ នៅចំណុចមុខវត្តនិរោធ តាមបណ្ដោយផ្លូវជាតិលេខ១ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តកុងតឺន័រសណ្ដោងរ៉ឺម៉ក ក្បាលពណ៌ស ពាក់ស្លាកលេខភ្នំពេញ 3B-1219 ធ្វើដំណើរតាមបណ្ដោយផ្លូវជាតិលេខ១ ទិសដៅពីកើតមកលិច ខណៈមកដល់ចំណុចកើតហេតុ ក៏បានគេចពីម៉ូតូមួយគ្រឿងនៅខាងមុខទាញចង្កូតមកខាងស្តាំដៃ ចាប់ហ្វ្រាំងមិនទាន់ក៏ជ្រុលបុករថយន្តម៉ាក ATon ពណ៌ក្រហម ពាក់ស្លាកលេខភ្នំពេញ2R-6516 ដែលចតនៅចញ្ចើមផ្លូវទៅផ្ទប់កៀបជាប់ទ្វារផ្ទះប្រជាពលរដ្ឋបណ្ដាលឲ្យរងការខូចខាតយ៉ាងដំណំ។ សំណាងល្អដែរ ក្នុងហេតុការណ៍នេះមិនបណ្ដាលឲ្យមនុស្សណាម្នាក់រងរបួសនោះទេ ។

បើតាមប្រភពព័ត៌មានមួយចំនួនទៀតបានបង្ហើបថា មុនពេលកើតហេតុមានជនសង្ស័យ២នាក់បានធ្វើសកម្មភាពឆក់ការបូបស្ពាយពីជនជាតិបរទេសម្នាក់បានសម្រេច ហើយព្យាយាមគេចខ្លួន ភ្លាមនោះជនរងគ្រោះក៏ជិះម៉ូតូដេញតាមពីក្រោយខណៈមកដល់ចំណុចកើតហេតុក៏រេចង្កូតមកខាងមុខរថយន្តកុងតឺន័រធ្វើឲ្យតៃកុងរថយន្តទាញចង្កូតគេចទើបជ្រុលបុករថយន្តរុញផ្ទប់ផ្ទះប្រជាពលរដ្ឋបែបនេះ ចំណែកភាគីខាងម៉ូតូបានបន្តទៅមុខបាត់។

ក្រោយកើតហេតុ សមត្ថកិច្ចមូលដ្ឋានបានចុះមកដល់ រួចធ្វើការវាស់វែង និងនាំតៃកុងរថយន្តបង្ក ព្រមទាំងម្ចាស់ផ្ទះរងគ្រោះទៅដោះស្រាយគ្នានៅអធិការដ្ឋាននគរបាលខណ្ឌច្បារអំពៅ តាមនីតិវិធី៕

អត្ថបទ ៖ សុខា

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា