ចរាចរណ៍

ឪពុកកូនពីរនាក់ជិះម៉ូតូឌុបគ្នាទៅធ្វើសំណង់បុកផើងផ្កាបាក់កស្លាប់

បានផុស

៥ years មុន

នៅ

ថ្ងៃអាទិត្យ ២១ កុម្ភៈ ២០២១

ដោយ

កូនប្រុសវ័យ១៨ឆ្នាំបានជួបគ្រោះថ្នាក់ចរាចរណ៍រហូតដល់ស្លាប់ខណៈពេលឌុបឪពុកទៅធ្វើសំណង់។

ហេតុការណ៍គ្រោះថ្នាក់នេះបានកើតឡើងកាលពីវេលាម៉ោង៤និង៥០នាទីទៀបភ្លឺ ថ្ងៃទី២១ ខែកុម្ភៈស្ថិតនៅមុខផ្ទះលេខ២២៩ ផ្លូវ៣៦៩ ភូមិព្រែកថ្មី សង្កាត់ព្រែកថ្មី ខណ្ឌច្បារអំពៅរាជធានីភ្នំពេញ។

ជនរងគ្រោះរហូតបាត់បង់ជីវិតឈ្មោះ យ៉ុង វាសនា ភេទប្រុសអាយុ១៨ឆ្នាំមុខរបរកម្មករសំណង់ស្នាក់នៅភូមិកណ្តាលក្រោមឃុំបន្ទាយដែក ស្រុកកៀនស្វាយខេត្តកណ្តាល។ដោយឡែកឪពុកដែលរងរបួសឈ្មោះ យ៉ុង ខ្សា អាយុ៤០ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុកសណ្តាប់ធ្នាប់ចរាចរណ៍ បានឲ្យដឹងថានៅម៉ោងកើតហេតុជនរងគ្រោះពីរនាក់ឪពុកកូនបានជិះម៉ូតូម៉ាកសេ១២៥ពណ័ខ្មៅពាក់ស្លាកលេខភ្នំពេញ១HA ០៧ ៨៩ដោយក្នុងនោះកូនប្រុសជាអ្នកឌុប។

លោកអធិការរងបន្តថា ពួកគេបានធ្វើដំណើតាមបណ្តោយផ្លូវលេខ៣៦៩ក្នុងទិសដៅពីកើតទៅលិចក្នុងល្បឿនលឿន។លុះបើកទៅដល់មុខផ្ទះលេខ២២៩ស្ថិតក្នុងភូមិព្រែកថ្មីសង្កាត់ព្រែកថ្មីក៏បុកផើងផ្កាមុខផ្ទះខាងលើបណ្តាលឲ្យជនរងគ្រោះជាអ្នកឌុបផ្លោងទៅនិងថ្នល់កាក់ករស្លាប់នៅនឹងកន្លែងចំណែកឪពុកដែលអង្គុយពីក្រោយបានរងរបួសស្រាលហើយពួកគេសុទ្ធតែពាក់មួកការពារសុវត្ថភាព។

លោកឯក សារ៉ន បានបញ្ជាក់ពីមូលហេតុដែលបង្កឲ្យជួបគ្រោះថ្នាក់ដល់អាយុជីវិតបែបនេះគឺដោយសារតែជនរងគ្រោះបើកបរលឿន។បន្ទាប់ពីកើតហេតុសពជនរងគ្រោះត្រូវបានដឹកយកទៅធ្វើបុណ្យនៅគេហដ្ឋានហើយម៉ូតូក៏ប្រគល់ជូនទៅក្រុមគ្រួសារសពនាពេលនោះដែរ៕

អត្ថបទ ៖ នរា

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា