ចរាចរណ៍

រថយន្ត ២ គ្រឿង បុកគ្នាពេញទំហឹង ត្រង់ផ្លូវបំបែកជា ៤ ខូចខាតយ៉ាងធ្ងន់ធ្ងរ

បានផុស

១ year មុន

នៅ

ថ្ងៃសុក្រ ២១ កុម្ភៈ ២០២៥

ដោយ

រថយន្ត ២ គ្រឿង បើកបុកគ្នាពេញទំហឹង បណ្ដាលឲ្យរងការខូចខាតយ៉ាងធ្ងន់ធ្ងរទាំងសងខាងនៅផ្លូវបំបែកជាបួន បង្កការភ្ញាក់ផ្អើលកាលពីវេលាម៉ោង ១១ និង ១០ នាទីយប់ ថ្ងៃទី ២០ ខែកុម្ភៈ ឆ្នាំ ២០២៥ តាមបណ្ដោយផ្លូវ ៩២ កែងផ្លូវបេតុង ស្ថិតក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបាននិយាយប្រាប់ថា នៅមុនពេលកើតហេតុគេឃើញរថយន្តម៉ាក FORDRANGER ពណ៌ស ពាក់ស្លាកលេខភ្នំពេញ 2BA-8013 បើកតាមបណ្ដោយផ្លូវ ៩២ ទិសដៅពីកើតទៅលិច ក្នុងល្បឿនយ៉ាងលឿន លុះមកដល់ចំណុចកើតហេតុនៅផ្លូវបំបែកជាបួន ស្រាប់តែឃើញរថយន្តម៉ាក DEFENDER ពណ៌ទឹកមាស បើកបរដោយនារីម្នាក់ ធ្វើដំណើរតាមបណ្ដោយផ្លូវបេតុងក្នុងភូមិ ទិសដៅពីត្បូងទៅជើង ក្នុងល្បឿនយ៉ាងលឿន ដោយមិនបានជាន់ហ្វ្រាំង ក៏ស្រាប់តែរថយន្តម៉ាក FORDRANGER បានបើកបុកពេញទំហឹង បណ្តាលឲ្យរងការខូចខាតយ៉ាងធ្ងន់ធ្ងរ។ ក្នុងនោះ រថយន្តម៉ាក FORDRANGER រងការខូចខាតផ្នែកខាងមុខ រីឯរថយន្តម៉ាក DEFENDER វិញ រងការខូចខាតទទឹងរថយន្តយ៉ាងធ្ងន់ធ្ងរ។

ប្រភពព័ត៌មានពីកន្លែងកើតហេតុបានបន្តទៀតថា ខណៈគ្រោះថ្នាក់ភ្លាមៗ អ្នកបើកបររថយន្តម៉ាក DEFENDER បានចុះពីរថយន្ត ហើយហៅម៉ូតូកង់បីឡាំប៉ាតាឥណ្ឌាជិះគេចខ្លួនបាត់ ដោយទុករថយន្តនៅកន្លែងកើតហេតុ។ បន្ទាប់មកមានកម្លាំងសមត្ថកិច្ចនគរបាលប៉ុស្តិ៍បានមកដល់ចំណុចកើតហេតុក៏បានទាក់ទងទៅសមត្ថកិច្ចនគរបាលជំនាញចរាចរណ៍ខណ្ឌភ្លាមៗ។

ក្រោយពេលកើតហេតុសមត្ថកិច្ចនគរបាលជំនាញចរាចរណ៍ខណ្ឌសែនសុខ បានទាក់ទងទៅសមត្ថកិច្ចនគរបាលជំនាញ នៃការិយាល័យចរាចរណ៍ផ្លូវគោករាជធានីភ្នំពេញ ដើម្បីធ្វើការវាស់វែង និងស្ទូចរថយន្តទាំង ២ គ្រឿង ខាងលើ យកទៅរក្សាទុក ដើម្បីរង់ចាំការដោះស្រាយថ្ងៃក្រោយ៕

អត្ថបទ ៖ សំណាង

Related Topics:ខណ្ឌសែនសុខ គ្រោះថ្នាក់ចរាចរណ៍

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា