ទប់ចិត្តមិនបានទេ ខណះម្តាយស្រែកជូនពរកូន ពេលរថយន្ត សាម៊ុយមកដឹកដល់មុខផ្ទះ

គេឮសូរសម្រែកម្តាយ ដែលស្រែកជូនពរកូនស្រី ដែលមានតម្លៃស្មើនឹងកែវភ្នែកនៅពេលរថយន្តសង្រ្គោះរបស់មន្ទីរពេទ្យមកដឹកកូនស្រីជាទីស្រឡាញ់ដល់មុខផ្ទះ។ រឿងរ៉ាវដ៏គួរឲ្យរន្ធត់ចិត្តពេលឮសម្រែកម្តាយឲ្យពរដល់កូនស្រីនេះគឺនៅរសៀលថ្ងៃទី១១ ខែមេសា នៅចំណុចផ្ទះលេខ៥១៥D ផ្លូវលេខ៣៥៨ភូមិដើមស្លែង សង្កាត់ច្បារអំពៅទី២ខណ្ឌច្បារអំពៅរាជធានីភ្នំពេញ។

តាមប្រភពពីលោក យុិន វុធ ចៅសង្កាត់ច្បារអំពៅទី២បានឲ្យដឹងថា ស្រ្តីដែលមានវីជ្ជមានកូវីដ១៩ ដែលរថយន្តសង្រ្គោះមកដឹកយកទៅព្យាបាលនេះឈ្មោះ ប៉ាក់ ស៊ាងវ៉េង អាយុ៤០ឆ្នាំ ជាអាជីវករលក់ដូរនៅផ្សារអូរឬស្សី។ លោក ចៅសង្កាត់បានរៀបរាប់ថា អ្វីដែលគួរឲ្យរន្ធត់នោះគឺម្តាយបង្កើតបានស្រែកឲ្យពរកូនកូនស្រីទាំងទឹកភ្នែកនឹងទន់ខ្លួនដូចសំឡី។ នេះហើយគឺជាទឹកចិត្តម្តាយ ដែលមានទៅលើកូនដែលស្រឡាញ់ថ្នាក់ថ្នមតាំងពីតូចក្រហមរងាលសូម្បីតែស្រមោចក៏មិនវាលើផងនោះ។

(ទស្សនាវីដេអូ)

ក្នុងនោះអ្នកភូមិ ផងរបងជាមួយបានធ្វើការបន់ស្រន់សូមឲ្យស្ត្រីខាងលើឆាប់ជាសះស្បើយពីជំងឺដ៏សាហាវនេះ។ ហើយអ្វីដែលអ្នកភូមិរន្ធត់ចិត្តនោះគឺសម្រែកម្តាយស្រែកឲ្យពរកូនលាយឡំទាំងទឹកភ្នែករាប់រយតំណក់៕

អត្ថបទ៖នរា