កីឡា

កម្មវិធីប្រកួតទាំងស្រុង ពានរង្វាន់សម្តេចតេជោ លើកទី១៩ ថ្នាក់ជាតិ

បានផុស

៤ ខែ មុន

នៅ

ថ្ងៃព្រហស្បតិ៍ ៨ មករា ២០២៦

ដោយ

កម្មវិធីប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៩ ថ្នាក់ជាតិ រដូវកាល ២០២៥-២៦ បានចេញជាផ្លូវការហើយ បន្ទាប់ពីបានចាប់ឆ្នោតជ្រើសរើសដៃគូរួចរាល់។

ក្រុមភ្នំពេញក្រោន ជាជើងឯកថ្នាក់ជាតិ ឆ្នាំចាស់ ២០២៤-២៥

ទម្រង់នៃការប្រកួតវគ្គ ១៦ ក្រុម, វគ្គ ៨ ក្រុម និង វគ្គពាក់កណ្តាលផ្តាច់ព្រ័ត្រត្រូវធ្វើឡើង ២ ជើង (ក្នុងដី និងក្រៅដី)។ ចំណែកការប្រកួតវគ្គផ្តាច់ព្រ័ត្រត្រូវធ្វើឡើងមួយជើងនៅទឹកដីកណ្តាល។ ការប្រកួតគ្រប់វគ្គទាំងអស់ បើក្រុមណាមានគ្រាប់បាល់ច្រើនជាងគេនឹងឡើងទៅវគ្គបន្ត។

វគ្គ ១៦ ក្រុម និង វគ្គ ៨ ក្រុម ក្នុងករណីការប្រកួត ៩០ នាទីស្មើគ្នាទាំង ២ ជើង នឹងត្រូវទាត់ប៉េណាល់ទី ១១ ម៉ែត្រ ដើម្បីកាត់សេចក្តីរកចាញ់ ឈ្នះតែម្តង។ ដោយឡែកនៅវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ក្នុងករណីលទ្ធផលស្មើគ្នា នឹងត្រូវបន្ថែមម៉ោង ១៥ នាទី ពីរដង ហើយប្រសិនបើនៅតែស្មើគ្នាទៀត នោះទើបតម្រូវឱ្យទាត់ប៉េណាល់ទី ១១ ម៉ែត្រកាត់សេចក្តី។

ក្រុមខេត្តកំពង់ចាម ជាជើងឯកថ្នាក់ខេត្តឆ្នាំថ្មី ២០២៥-២៦

ក្រឡេកមកមើលលក្ខន្តិកៈសម្រាប់កីឡាករវិញ គឺក្រុមនីមួយៗអាចចុះឈ្មោះកីឡាករបរទេសបាន ៦ នាក់ ហើយនៅក្នុងការប្រកួតត្រូវបានអនុញ្ញាតឱ្យដាក់កីឡាករបរទេសលេងនៅលើទីលានចំនួន ៤ នាក់ និងកីឡាករចូលសញ្ជាតិខ្មែរ ១ នាក់។ ក្រុមនីមួយៗអាចចុះឈ្មោះកីឡាករចូលសញ្ជាតិខ្មែរ បាន ១ នាក់។ ចំណែកគ្រូបង្វឹកត្រូវមានសញ្ញាប័ត្រទាបបំផុតកម្រិត C License។

ការប្រកួតពានសម្តេចតេជោថ្នាក់ជាតិ លើកទី១៩ រដូវកាល ២០២៥-២០២៦ ថ្នាក់ជាតិ នឹងចាប់ផ្តើមពីថ្ងៃទី ២១ ខែ មករា រហូតដល់ថ្ងៃទី ២៤ ខែ ឧសភា ឆ្នាំ ២០២៦។ ខាងក្រោមជាកម្មវិធីប្រកួតទាំងស្រុង៖