ជួបរឿងរន្ធត់ចិត្ត! ចែម ស្រីល័ក្ខ ប្រាប់អ្នកចម្រៀងស្រីៗច្រៀងពេលយប់ ប្រុងប្រយ័ត្នឱ្យបានខ្ពស់ពេលនៅម្នាក់ឯង

ថ្មីៗនេះ មានការភ្ញាក់ផ្អើលខណ:តារាចម្រៀងស្រីប្រចាំផលិតកម្មទីថោន ចែម ស្រីល័ក្ខ បានជួបរឿងដ៏ហួសចិត្តមួយបន្ទាប់ពីរូបនាងផ្ទាល់គឺបានត្រឹមតែបង្ហោះសារផ្ដាំដល់អ្នកចម្រៀងស្រីៗដែលចេញច្រៀងនៅពេលយប់ត្រូវតែមានការប្រុងប្រយ័ត្នឱ្យបានខ្ពស់ក្លាចជួបរឿងមិននឹកស្មានដល់ដូចខ្លួន។

តារាចម្រៀង ចែម ស្រីល័ក្ខ បានឱ្យដឹងថានេះជាលើ កទី១ហើយនៅក្នុងឆាកជីវិតដែលបានជួបហេតុការណ៍ដ៏គួរឱ្យរន្ធត់ចិត្តមួយខណ:ពេលដែលនាងកំពុង តែនៅក្នុងឡានសុខៗស្រាប់តែលេចមុខមនុស្សមួយក្រុមដោយអះអាងខ្លួនថាជាប៉ូលីសជិះមកឈប់បាំងមុខទ្បានរួចដេីរមកគោះកញ្ចក់ឱ្យខ្លួនចេញពីទ្បានដើម្បីឆែកឆេះនិងថាមានដីកាទៀតផង។

បើតាមសំណេររៀបរាប់របស់តារាចម្រៀងចែម ស្រីល័ក្ខ ណែនាំថា “សូមប្រុងប្រយ័ត្ន! លេីកទី១ដែលបានជួបក្នុងឆាកជីវិត សូមឲ្យបងប្អូនទាំងអស់ដែលធ្វេីដំណេីរយប់ស្ងាត់តែម្នាក់ឯង ជាពិសេសបងប្អូនសិល្បៈស្រីៗសូមប្រុងប្រយ័ត្នឲ្យបានខ្ពស់ ! មិនប្រាកដថាជិះក្នុងទ្បាននៅតែមួយកន្លែងមានសុវត្ថិភាពទេ”។

ចែម ស្រីល័ក្ខ បន្តថា “ដូចរឿងដែលខ្ញុំបានជួបជាដេីមច្រៀងចប់ដេីរចូលទ្បានដែលកំពុងចតនិងកន្លែងមិនបាន២នាទីផងមានប៉ូលិសមួយក្រុមគ្នា៥-៦នាក់ (ជិះ២ទ្បាន)ជិះមកឈប់ពាំងមុខទ្បានខ្ញុំរួចដេីរចេញមកគោះកញ្ចក់ឲ្យចេញពីទ្បានឲ្យចេញមកក្រៅថាមានដីកា!មានដីកា! សួរចុះសួរទ្បេីងប្រកែកទ្បេីងហត់ចុងក្រោយនិយាយថាច្រទ្បំមនុស្សតេីធ្វេីការរបៀបណាទៅ មិនច្បាស់ហេីយដេីរចាប់?” ។

បន្ថែមពីនេះ ចែម ស្រីល័ក្ខ លើកឡើងថា ចុះបេីពេលនោះនាងនៅតែម្នាក់ឯង គ្មានមនុស្សប្រុសគេឯងនៅជិត តេីបងប៉ូលីសដែលធ្វេីការរាវមិនច្បាស់និង ចាប់នាងទៅដល់ណា ? វាជាមេរៀនជីវិតដែលជួបហេីយ ភ័យក៏លែងចេញតែបែរជាភាំងគាំង។នាងនិយាយថា “ខ្ញុំមានទាំងវីដេអូ តែមិនចង់វែងឆ្ងាយទេ ចាត់ទុកថាជាការយល់ច្រទ្បំ សុបិនអាក្រក់ និងជាមេរៀនផ្ដាំតៗគ្នសូមប្រុងប្រយ័ត្នឲ្យទាំងអស់គ្នាផងបងប្អូនសូមជួយស៊ែរបន្តឲ្យបងប្អូនបានដឹងទាំងអស់គ្នាផង”៕ ដោយ ៖ ចាន់រ៉ា