កីឡា
កម្ពុជា សម្រេចមិនចូលរួមប្រកួតកីឡាអាស៊ានប៉ារ៉ាហ្គេម លើកទី១៣ នៅថៃ ក្នុងខែមករានេះ
គណៈកម្មាធិការជាតិប៉ារ៉ាឡាំពិកកម្ពុជា បានផ្ញើលិខិតទៅសហព័ន្ធកីឡាជនពិការអាស៊ីអាគ្នេយ៍ស្តីពីការដកខ្លួនពីការចូលរួមប្រកួតកីឡាជនពិការអាស៊ីអាគ្នេយ៍ (អាស៊ានប៉ារ៉ាហ្គេម) លើកទី១៣ ដែលគ្រោងធ្វើចាប់ពីថ្ងៃទី២០ ដល់ទី២៦ ខែមករា ឆ្នាំ ២០២៦ នៅប្រទេសថៃ។
លិខិតដែលបានដាក់ជូនទៅលោក Osoth Bhavilai ប្រធានសហព័ន្ធកីឡាជនពិការអាស៊ាន កាលពីថ្ងៃទី៨ ខែមករា ឆ្នាំ ២០២៦ របស់លោក យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជា បានលើកឡើងថា ស្ថិតនៅក្នុងកាលៈទេសៈដែលមិនអាចមើលឃើញទុកជាមុន អត្តពលិក និងក្រុមគ្រួសាររបស់ពួកគេមិនអាចចូលរួមការប្រកួតកីឡាអាស៊ានប៉ារ៉ាហ្គេម លើកទី១៣ បានទេ។
នេះជាព្រឹត្តិការណ៍កីឡាធំផ្លូវការលើកទី២ ដែលកម្ពុជាសម្រេចដកខ្លួនពីការចូលរួមប្រកួត បន្ទាប់ពីព្រឹត្តិការណ៍កីឡាស៊ីហ្គេម លើកទី៣៣ កាលពីខែធ្នូ ឆ្នាំ ២០២៥។ មុនពេលដកកីឡាគ្រប់ប្រភេទពីការប្រកួតស៊ីហ្គេម លើកទី៣៣ កម្ពុជាក៏បានចូលរួមក្នុងពិធីបង្ហូតទងជាតិផ្លូវការ និងពិធីបើកជាផ្លូវការដែរ។
ការសម្រេចមិនចូលរួមប្រកួតក្នុងព្រឹត្តិការណ៍កីឡាធំប្រចាំតំបន់អាស៊ានទាំងពីរខាងលើ ដោយសារប្រទេសថៃបានឈ្លានពានយ៉ាងធ្ងន់ធ្ងរមកលើបូរណភាពទឹកដីកម្ពុជានៅតាមបណ្តាខេត្តជាប់ព្រំដែន៕
អត្ថបទ៖ វិរបុត្រ
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន