ព័ត៌មានអន្ដរជាតិ
ចិននិងរុស្ស៊ីបន្តរក្សាទំនាក់ទំនងទ្វេភាគី ខណៈពិភពលោកកំពុងតានតឹងផ្នែកភូមិសាស្ត្រនយោបាយ
ប្រធានាធិបតីចិន លោក ស៊ី ជីនពីង បានគូសបញ្ជាក់កាលពីថ្ងៃពុធថា ទំនាក់ទំនងរវាងប្រទេសចិន និងរុស្ស៊ី ជាការរួមដៃគ្នា ដើម្បីការពារស្ថិរភាពជាយុទ្ធសាស្ត្រសកល ខណៈមានការកើនឡើងនៃទិដ្ឋភាពទាំងភូមិសាស្រ្តនិងនយោបាយអន្តរជាតិមិនសូវល្អ។
លោក ស៊ី ជីនពីង បានថ្លែងពីទីក្រុងប៉េកាំង អំឡុងពេលកិច្ចប្រជុំជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន [Vladimir Putin] ថា៖ «វាគឺជាជំនួបលើកដំបូងរវាងមេដឹកនាំទាំងពីរនៅឆ្នាំនេះ ខណៈដែលភាគីទាំងពីរស្វែងរកសមត្ថភាពបង្កើនយុទ្ធសាស្ត្រជាមួយគ្នា ចំពេលមានភាពតានតឹងផ្នែកភូមិសាស្ត្រនយោបាយសកលកើនឡើង»។
យោងតាម CHINA DAILY, ចូលថ្ងៃថ្មី កាលពីថ្ងៃពុធនៃការចាប់ផ្តើមដំបូងលើប្រតិទិនចិន ឬការចាប់ផ្តើមនៃនិទាឃរដូវ ជានិមិត្តរូបនៃការវិលត្រឡប់ និងតំណាងឱ្យការចាប់ផ្តើមថ្មី លោកស៊ីបានបង្ហាញពីឆន្ទៈក្នុងការធ្វើការជាមួយ លោក ពូទីន នៅថ្ងៃដ៏រីករាយមួយនេះ ដើម្បីរួមគ្នារៀបចំផែនការថ្មីសម្រាប់ទំនាក់ទំនងចិន-រុស្ស៊ី។
លោកបានបន្តថា ដោយឆ្នាំនេះជាការចាប់ផ្តើមនៃផែនការ ៥ឆ្នាំ ទី១៥ របស់ប្រទេសចិន ជាពិសេសយើងនឹងពង្រីកទំនាក់ទំនង ដោយបើកចំហរប្រកបដោយស្តង់ដារខ្ពស់ និងចែករំលែកឱកាសអភិវឌ្ឍន៍ថ្មីៗជាមួយពិភពលោក រួមទាំងរុស្ស៊ីផងដែរ។
អំឡុងពេលនៃកិច្ចពិភាក្សា លោក ស៊ី បានរំលឹកឡើងវិញនូវជំនួបរវាងខ្លួន និងលោកពូទីនកាលពីឆ្នាំមុន ដោយលើកឡើងថាពួកគេបានដឹកនាំទំនាក់ទំនងទ្វេភាគីចូលទៅក្នុងដំណាក់កាលថ្មីមួយ នៃការអភិវឌ្ឍន៍។
ចំណែកកិច្ចសហប្រតិបត្តិការចិន-រុស្ស៊ី កាលពីឆ្នាំមុន លោក ស៊ីបានលើកឡើងថា ពាណិជ្ជកម្មទ្វេភាគី បានរក្សានូវសន្ទុះស្ថិរភាព ការផ្លាស់ប្តូរវប្បធម៌ នាំឱ្យប្រជាជនរវាងប្រទេសទាំងពីរ ឈានដល់ដំណាក់កាលថ្មីមួយ។
លើសពីនេះប្រជាជាតិទាំងពីរបានបង្កើនទំនាក់ទំនងពហុភាគី និងបន្តធ្វើការជាមួយគ្នាឆ្ពោះទៅរកប្រព័ន្ធអភិបាលកិច្ចសកល ដែលមានភាពត្រឹមត្រូវ និងសមហេតុផល។
មិនតែប៉ុណ្ណោះ ឆ្នាំនេះជាខួបលើកទី ៣០ នៃការបង្កើតភាពជាដៃគូយុទ្ធសាស្រ្តរវាងចិន-រុស្ស៊ី និងខួបលើកទី ២៥ នៃការចុះហត្ថលេខាលើសន្ធិសញ្ញាមិត្តភាពនិងកិច្ចសហប្រតិបត្តិការចិន-រុស្ស៊ី ហើយជាការចាប់ផ្តើមនៃឆ្នាំផ្នែកអប់រំចិន-រុស្ស៊ី (២០២៦-២០២៧)។
លោក ស៊ី បានបន្តថា ទំនាក់ទំនងរវាងប្រទេសទាំងពីរគួរតែរក្សាបាននូវទំនាក់ទំនងកម្រិតខ្ពស់ និងកិច្ចសហប្រតិបត្តិការរវាងប្រទេសទាំងពីរក្នុងវិស័យផ្សេងៗទៀត៕
ប្រែសម្រួល៖ ណឺ មិនា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ