ព័ត៌មានជាតិ
ឆ្នាំនេះកម្ពុជាអាចនឹងទទួលរងឥទ្ធិពលខ្យល់ព្យុះពី២៨ទៅ៣០ព្យុះ
ភ្នំពេញ ៖ ក្រសួងធនធានទឹកនិងឧតុនិយមបានព្យាករណ៍ថា សម្រាប់ឆ្នាំ២០២១នេះកម្ពុជាអាចនឹងទទួលរងព្យុះចំនួនពី២៨ ទៅ៣០ព្យុះ ខណៈរដូវវស្សានឹងឈានចូលមកដល់នៅដើមសប្តាហ៍ទី១ នៃខែឧសភា ឆ្នាំ២០២១ខាងមុខនេះហើយ។
លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានឲ្យដឹងនៅក្នុងសេចក្តីជូនដំណឹងថា ស្ថានភាពព្យុះនៅក្នុងឆ្នាំ២០២១នេះ មានចំនួនចន្លោះពី២៨ដល់៣០ព្យុះនៅក្នុងមហាសមុទ្រប៉ាស៊ីហ្វិក ហើយនឹងអាចកើតមានមួយចំនួនទៀតកើតឡើងផ្ទាល់នៅក្នុងសមុទ្រចិនខាងត្បូង។
លោករដ្ឋមន្ត្រីបានបន្តថា រដូវវស្សាឆ្នាំ២០២១នេះនឹងចូលមកដល់នៅសប្តាហ៍ទី១ នៃខែឧសភាដែលអាចនឹងមានភ្លៀងលាយឡំផ្គររន្ទះនិងខ្យល់កន្ត្រាក់កើតមានច្រើន។ ចំណែកបរិមាណទឹកភ្លៀងវិញមានពីមធ្យមទៅច្រើនបង្គួរ នឹងអាចខ្ពស់ជាងមធ្យមភាគ ច្រើនឆ្នាំ និងរបាយទឹកភ្លៀងធ្លាក់រាយប៉ាយបានល្អ។
លោករដ្ឋមន្ត្រីបានឲ្យដឹងទៀតថា រយៈពេល៥ខែ ចាប់ពីខែឧសភា រហូតដល់ខែតុលា ឆ្នាំ២០២១ បាតុភូតធម្មជាតិដែលមានឥទ្ធិពលមកលើកម្ពុជា មានបាតុភូត Neutral មាន៦០ភាគរយ បាតុភូតEl Nino មាន១០ភាគរយ និងបាតុភូត La Nina មាន៣០ភាគរយ។
លោករដ្ឋមន្ត្រីបានបន្តទៀតថា ពាក់កណ្តាលរដូវវស្សាចាប់ពីខែសីហា ដល់ខែកញ្ញា ភ្លៀងនឹងអាចធ្លាក់រាយប៉ាយបានល្អលើផ្ទៃប្រទេស ជាមួយនឹងបរិមាណទឹកភ្លៀងពីបង្គួរទៅច្រើន និងអាចខ្ពស់ជាងមធ្យមភាគច្រើនឆ្នាំ។
លោករដ្ឋមន្ត្រីបានបន្ថែមថានៅពាក់កណ្តាលរដូវវស្សានេះ នឹងអាចមានភ្លៀងលាយឡំផ្គរ រន្ទះ និងខ្យល់កន្ត្រាក់ បន្តកើតមានច្រើន ក្នុងនោះនឹងអាចបណ្តាលឱ្យបណ្តាខេត្តមួយចំនួនប្រឈមខ្ពស់នឹងជំនន់ទឹកភ្លៀង។
លោករដ្ឋមន្ត្រីបានបន្តទៀតថា សម្រាប់ចុងរដូវវស្សាឆ្នាំនេះអាចនឹងបញ្ចប់នៅក្នុងសប្តាហ៍ទី៤ នៃខែវិច្ឆិកា ជាមួយនឹងបរិមាណទឹកភ្លៀងពីតិចទៅបង្គួរហើយនៅក្នុងរដូវវស្សានេះ អាចនឹងមិនកើតមានកូនរដូវប្រាំងនោះទេ៕
ដោយ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%