កីឡា
ពានយុវជន សុីភីអីល ឃែរ ខាប់ U14 មាន ១០ ក្រុមចូលរួម ខណៈការចាប់ឆ្នោតធ្វើឡើងស្អែកនេះ
ពានរង្វាន់យុវជន សុីភីអីល ឃែរ ខាប់ អាយុក្រោម ១៤ ឆ្នាំ (CPL Cares Cup 2026 U14) នឹងរៀបចំលើកដំបូងនៅឆ្នាំ ២០២៦ ខណៈការចាប់ឆ្នោតបែងចែកពូលនឹងធ្វើឡើងនៅថ្ងៃទី ២៦ ខែ មីនា ឆ្នាំ ២០២៦។
សម្រាប់ដំណើរការនៃការប្រកួតពាន សុីភីអីល ឃែរ ខាប់ អាយុក្រោម ១៤ ឆ្នាំ ជាលើកដំបូងនេះ គឺមានក្រុមយុវជន របស់ក្លិបអាជីពនៃលីគកំពូល កម្ពុជា ចំនួន ១០ ចូលរួម ក្នុងនោះមាន កងយោធពលខេមរិភូមិន្ទ អឹមអូអាយ កំពង់ដេវ៉ា អង្គរថាយហ្គើរ ឡាយហ្វ ខេត្តព្រះសីហនុ អាយអេសអាយ ដង្កោរសែនជ័យ វិសាខា បឹងកេត ណាហ្គាវើលដ៍ ភ្នំពេញក្រោន និង ព្រះខ័នរាជស្វាយរៀង។
យោងតាមសេចក្ដីជូនដំណឹងរបស់ក្រុមហ៊ុនខេមបូឌានព្រីមៀរលីគ ពានរង្វាន់យុវជននេះ រៀបចំឡើងក្នុងគោលបំណងជួយឲ្យបណ្តាក្លិបបាល់ទាត់ ដែលកំពុងចូលរួមការប្រកួតជម្រើសជើងឯកលីគកំពូលកម្ពុជា អាចបំពេញបាននូវលក្ខខណ្ឌតម្រូវតាមលក្ខខណ្ឌអាជ្ញាបណ្ណក្លិបអន្តរជាតិ ជាពិសេសតាមចំណុចវិនិច្ឆ័យផ្នែកកីឡា របស់សហព័ន្ធកីឡាបាល់ទាត់ទ្វីបអាស៊ី(AFC) ដើម្បីទទួលបានសិទ្ធិពេញលេញក្នុងការចូលរួមការប្រកួតរៀបចំដោយស្ថាប័នប្រចាំទ្វីបនេះ។
គួរបញ្ជាក់ផងដែរ ថា ការប្រកួតពានរង្វាន់ សុីភីអីល ឃែរ ខាប់ អាយុក្រោម ១៤ ឆ្នាំនេះ នឹងធ្វើឡើងនៅទីលានហ្វឹកហាត់របស់ក្លិប ភ្នំពេញក្រោន ដោយការប្រកួតនឹងធ្វើឡើង ២ ថ្ងៃ គឺនៅថ្ងៃ សៅរ៍ ទី ២៨ និង ថ្ងៃ អាទិត្យ ទី ២៩ ខែ មីនា ឆ្នាំ ២០២៦៕
អត្ថបទ៖ សេម កុសល
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ