កីឡា
ការពិតនៃម្ចាស់ខ្សែក្រវាត់ទាំងពីរ Aung La N Sang និង Reinier De Ridder
អ្នកលេងគុនចម្រុះមីយ៉ាន់ម៉ា Aung La “The Burmese Python” N Sang ជាម្ចាស់ខ្សែក្រវាត់ ONE Light Heavyweight ហើយ Reinier “The Dutch Knight” de Ridder ជាម្ចាស់ខ្សែក្រវាត់ ONE middleweight ដែលទើបឈ្នះថ្មីកាលខែ តុលា។ ពួកគេទាំងពីរសុទ្ធតែមានចំណុចពិសេសរៀងៗខ្លួន និងមានរឿងពិតមួយចំនួនដែលគួរឈ្វេងយល់។
កំណត់ត្រានៃការប្រកួត
បទពិសោធន៍នៃការប្រកួតរបស់ Reinier de Ridder នៅតិចជាង Aung La N Sang។ កីឡាករហូឡង់ឡើងប្រកួតបាន ១៣ ដង(មិនដែលចាញ់) ខណៈដែល វីរបុរសមីយ៉ាន់ម៉ាធ្វើបាន ៣៨ ដង ក្នុងនោះ ឈ្នះ ២៦ដង, ចាញ់ ១១ដង និង អត់បានប្រកួតម្ដង(NC)។ “The Burmese Python” មានវ័យ ៣៥ ឆ្នាំចាស់ជាង “The Dutch Knight” ចំនួន ៥ ឆ្នាំ។
ការគ្រងខ្សែក្រវាត់
ដើមឡើយវីរបុរសគុនចម្រុះមីយ៉ាន់ម៉ាជាអ្នកគ្រងខ្សែក្រវាត់ចំនួនពីរខ្សែ គឺ ONE middleweight និង ONE Light Heavyweight។ ប៉ុន្តែ រឿងគួរឲ្យភ្ញាក់ផ្អើលបានកើតឡើងពេល បុរសវ័យ ៣០ ឆ្នាំមកពីក្លិប Combat Brothers ផ្ដួលជើងខ្លាំងសិស្សគុនមកពី Sanford MMA ឲ្យចុះចាញ់ទឹកទី១ ដើម្បីគ្រងខ្សែក្រវាត់ Middleweight តែម្ដងកាលខែ តុលា ឆ្នាំ ២០២០ កន្លងទៅ។ វាជាលើកដំបូងក្នុងរយៈពេល ៤ ឆ្នាំដែលធ្វើឲ្យ “The Burmese Python” របូតខ្សែក្រវាត់ middleweight ក្រោយកាន់ជាប់ខ្លួនតាំងពីពាក់កណ្ដាលឆ្នាំ២០១៧។ ចំណែកខ្សែក្រវាត់ Light Heavyweight បុរសមីយ៉ាន់ម៉ា បានគ្រងតាំងពីដើមឆ្នាំ ២០១៨ និង ឡើងការពារជោគជ័យបានម្ដងរួចទៅហើយ។
ការតាំងចិត្តខ្ពស់រៀងខ្លួន
“The Burmese Python” មានឆន្ទៈការពារខ្សែក្រវាត់ ONE Light Heavyweight ឲ្យបានយូរអង្វែង និងសម្រួចវិជ្ជាគុនដើម្បីដណ្ដើម ខ្សែក្រវាត់ middleweight ជាថ្មីម្ដងទៀត។ «អ្នកត្រូវតែរង់ចាំទស្សនា [តើការដណ្ដើមខ្សែក្រវាត់ពិភពលោកយ៉ាងណា]។ ប៉ុន្តែច្បាស់ថាវានឹងល្អមើល និងរំភើប។ ខ្ញុំសន្យានឹងផ្ដួលគូប្រកួតបាន»។
ចំណែក De Ridder ប្រាប់ទុកមុនថា Aung La N Sang នឹងសន្លប់ម្តងទៀត។ តារាហូឡង់បញ្ជក់៖ «លើកនេះ ខ្ញុំគិតថា គាត់កាន់តែល្អជាងមុន ប្រុងប្រយ័ត្នជាងមុន ដូច្នេះខ្ញុំនឹងមានពេលប្រើជំនាញផ្សេងៗទៀតដើម្បីផ្តួលគេឲ្យសន្លប់ ប៉ុន្តែខ្ញុំនៅតែគិតថា គេនឹងដួលទៀត ហើយខ្ញុំអាចឃ្លេកគេបានម្ដង»។ នៅថ្ងៃទី ២៩ ព្រឹកស្អែកចាប់ពីម៉ោង ៧:៣០ (ម៉ោងនៅកម្ពុជា) Aung La N Sang នឹងឡើងការពារខ្សែក្រវាត់ ONE Light Heavyweight ទល់នឹង Reinier De Ridder នៅព្រឹត្តិការណ៍ ONE on TNT IV” ដែលត្រូវផ្ទាល់ទៅកាន់ទូរទស្សន៍នៅសហរដ្ឋអាមេរិក។
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ