កូវីដ-១៩
ពាក់ម៉ាសនិងរក្សាគម្លាតខ្ជាប់ខ្ជួន អាចការពារហានិភ័យចម្លងកូវីដ សឹង១០0ភាគរយ
យោងតាមការអះអាងរបស់អ្នកជំនាញបានឱ្យដឹងថា ការពាក់ម៉ាសជាប្រចាំ ព្រមទាំងអនុវត្តគម្លាតសុវត្ថិភាពយ៉ាងខ្ជាប់ខ្ជួនអាចបង្ការការចម្លងវីរុសកូវីដ-១៩ ស្ទើរតែទាំងស្រុង។
មិនថា មជ្ឈមណ្ឌលត្រួតពិនិត្យនិងបង្ការជំងឺ (CDC) ឬអង្គការសុខភាពពិភពលោក (WHO) ឬក្រសួងសុខាភិបាលនៃព្រះរាជាណាចក្រកម្ពុជា សុទ្ធតែបានណែនាំនិងជំរុញឱ្យគ្រប់គ្នាពាក់ម៉ាសជានិច្ចនៅពេលចេញក្រៅផ្ទះ ព្រោវាជាវិធីមួយដើម្បីជួយទប់ស្កាត់ការរីករាលដាលនៃមេរោគដោយមិនដឹងខ្លួនដល់អ្នកដទៃ ជាពិសេសអ្នកដែលងាយនឹងធ្លាក់ខ្លួនឈឺធ្ងន់ធ្ងរ ប្រសិនបើឆ្លងវីរុសនេះ។
ដូចដែលអ្នកធ្លាប់ដឹង ការចម្លងមេរោគពីមនុស្សម្នាក់ទៅមនុស្សម្នាក់កើតឡើងតាមរយៈដំណក់ទឹកពីផ្លូវដង្ហើមនៅពេលក្អក កណ្ដាស ឬនិយាយ។ មូលហេតុនេះហើយ ទើបការពាក់ម៉ាសអាចទប់ស្កាត់ដំណក់ទឹកទាំងនេះបាន។
លោក Ron Waldman សាស្ត្រាចារ្យផ្នែកសុខភាពពិភពលោកនៃសាកលវិទ្យាល័យ ចចវ៉ាស៊ីនតោន (GWU) សហរដ្ឋអាមេរិក បានពន្យល់ថា ម៉ាសដើរតួជារបាំងដើម្បីការពារភាគល្អិតផ្ទុកវីរុសឱ្យគេចផុតពីបុគ្គលមានមេរោគ ក៏ដូចជាទប់ស្កាត់ការឆ្លងទៅកាន់មនុស្សម្នាក់ទៀត។ វាក៏មានប្រសិទ្ធិភាពក្នុងការកាត់បន្ថយចំនួនដំណក់ទឹកដែលរាយប៉ាយទៅក្នុងខ្យល់អាកាសផងដែរ។
លោក Waldman ប្រសាសន៍ថា “ម៉ាសដើរតួនាទីយ៉ាងសំខាន់ក្នុងការកាត់បន្ថយការបញ្ជូនរោគ។ វាមិនត្រឹមតែការពារអ្នកដទៃ តែអ្នកផ្ទាល់ក៏មានឱកាសតិចក្នុងការឆ្លងវីរុសដែរ”។
ចំណែកឯវិធានការរក្សាគម្លាតសង្គម ពីអ្នកផ្សេងយ៉ាងហោចណាស់ ១.៥-២ ម៉ែត្រ រឹតតែអាចការពារពីការចម្លងវីរុសកូវីដ-១៩ ពីមនុស្សម្នាក់ទៅមនុស្សម្នាក់ទៀតយ៉ាងមានប្រសិទ្ធភាព។
ជាទូទៅ កន្លែងដែលបិទជិតមិនមានខ្យល់ចេញចូលល្អ ឬកន្លែងដែលអ៊ូអរមានមនុស្សនៅជិតគ្នាច្រើន ឬកន្លែងដែលត្រូវការទំនាក់ទំនងជិតស្និទ្ធរវាងគ្នា សុទ្ធតែជាកន្លែងដែលបង្កហានិភ័យចម្លងវីរុសយ៉ាងរហ័ស។ ហេតុផលគឺថា វីរុសអាចរស់នៅក្នុងបរិយាកាសក៏ដូចជាផ្ទៃផ្សេងៗបានជាច្រើនម៉ោង ដែលនេះមានន័យថា វាអាចចម្លងមកកាន់អ្នកគ្រប់ពេល ប្រសិនបើអ្នកនៅតែបន្តទៅទីតាំងទាំងនោះ ដោយគ្មានការប្រុងប្រយ័ត្ន។ ជាក់ស្ដែងគម្រូនៅក្នុងប្រទេសឥណ្ឌា ដែលមានការប្រមូលផ្ដុំពិធីសាសនា និងនយោបាយ ចុងក្រោយប្រទេសនេះកំពុងជួបគ្រោះធ្ងន់ធ្ងរដោយសារកូវីដររាតត្បាត។
ដូច្នេះ ការចៀសវាងជំនួបដែលមានមនុស្សច្រើនកកកុញ ឬរក្សាគម្លាតខ្លួនឯងនិងអ្នកផ្សេង ក្នុងរយៈចម្ងាយ ១.៥ ម៉ែត្រឡើងទៅ ជាវិធិការពារខ្លួនដ៏ប្រសើរបំផុតមួយ៕
ប្រែសម្រួល៖ សន្យា
ប្រភព៖ NSH
ចុចអាន៖ ដំណឹងល្អ! ចាក់ដូសដំបូងរបស់វ៉ាក់សាំង AstraZeneca និង Pfizer កាត់បន្ថយការចម្លងកូវីដដល់ទៅ ៥០ ភាគរយ
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន