Connect with us

ព័ត៌មានជាតិ

សម្ដេចតេជោ ហ៊ុន សែន សម្រេចលើកលែងកាតព្វកិច្ចពាក់ម៉ាសសម្រាប់ការជួបជុំនានា រួមទាំងការចែកសញ្ញាបត្រផងដែរ

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចលើកលែងកាតព្វកិច្ចពាក់ម៉ាសសម្រាប់ការជួបជុំនានា ដូចជាការចែកសញ្ញាបត្រ ការរៀបចំសន្និបាតតាមក្រសួង-ស្ថាប័ននានា និងការជួបជុំរបស់វិស័យឯកជន ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសារជាសំឡេង នៅល្ងាចថ្ងៃទី ១៩ ខែមេសា ឆ្នាំ ២០២៣នេះ សម្ដេចតេជោ ហ៊ុន សែន មានប្រសាសន៍ថា បន្ទាប់ពីបញ្ចប់ពិធីបុណ្យចូលឆ្នាំថ្មី ប្រពៃណីជាតិខ្មែរ គឺរាជរដ្ឋាភិបាល បានពិនិត្យឃើញថា ជំងឺកូវីដ-១៩ មិនមានការឆ្លងរាលដាលនោះទេ។ បន្ថែមពីលើនេះ ការយកសំណាកដើម្បីតេស្ដរកជំងឺកូវីដ-១៩ ក៏មានចំនួនតិចតួចដែរ។

បើតាមសម្ដេចតេជោ ហ៊ុន សែន ស្ថានភាពបែបនេះ អនុញ្ញាតឲ្យរាជរដ្ឋាភិបាល ក៏ដូចជាក្រសួងសុខាភិបាល ធ្វើការពិនិត្យឡើងវិញអំពីវិធានការ ដើម្បីប្រកាន់យកនៅក្នុងដំណាក់កាលថ្មី ពាក់ព័ន្ធនឹងជំងឺកូវីដ-១៩នេះ។

យោងតាមសំណើរបស់ក្រសួងសុខាភិបាល និងមានការឯកភាពពីគណៈកម្មការប្រចាំការ នៃគណៈកម្មការប្រយុទ្ធជាមួយនឹងជំងឺកូវីដ-១៩ សម្ដេចតេជោ ហ៊ុន សែន បានសម្រេចលើកលែងកាតព្វកិច្ចពាក់ម៉ាសសម្រាប់ការជួបជុំនានា តែបុគ្គលម្នាក់ៗ អាចពាក់ម៉ាសតាមជម្រើសរៀងៗខ្លួន។

សម្ដេចតេជោ ហ៊ុន សែន បានបញ្ជាក់បែបនេះថា «កន្លងទៅនេះ ទោះបីយើងបានដកចេញនូវវិធានការពាក់ម៉ាស មិនមែនជាកាតព្វកិច្ច ក៏ប៉ុន្តែយើងរក្សានូវការពាក់ម៉ាសក្នុងជួបជុំ ដូចជាការចែកសញ្ញាបត្ររាប់រយ រាប់ពាន់ គឺតម្រូវឲ្យនិស្សិតពាក់ម៉ាស ចាប់ពីពេលនេះតទៅ ពុំមានការចាំបាច់ណាមួយ ដើម្បីឲ្យនិស្សិត ឬអ្នកចូលរួមកម្មវិធីនៅក្នុងអង្គពិធី ជាស​ន្និបាតតាមស្ថាប័នរដ្ឋ ឬក៏វិស័យឯកជនដែលជួបជុំគ្នានោះ ពាក់ម៉ាសនោះទេ»។

តែយ៉ាងណាក៏ដោយ ការពាក់ម៉ាស ឬមិនពាក់ម៉ាស នៅតែជាការជ្រើសរើសរបស់បុគ្គលម្នាក់ៗ នៅក្នុងការជ្រើសរើសរៀងៗខ្លួន។ នេះជាការបញ្ជាក់បន្ថែមរបស់សម្ដេចតេជោ ហ៊ុន សែន៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៨ នាទី មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង២ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង២ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ៣ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

Sokha Hotels

ព័ត៌មានពេញនិយម