ព័ត៌មានអន្ដរជាតិ
អ៊ីរ៉ង់ ប្រកាសថា ខ្លួនវាយប្រហារគោលដៅយោធា ១៨ទីតាំងរបស់អាមេរិកនៅគុយវ៉ែតនិងបារ៉ែន
ខណៈពិភពលោក និងស្ថាប័នអន្តរជាតិ បានទទូចឱ្យភាគីជម្លោះទាំងអស់នៅមជ្ឈិមបូព៌ាបញ្ឈប់ការវាយប្រហារគ្នាជាបន្ទាន់ តែមកទល់ពេលនេះគ្មានភាគីណាមួយព្រមឈប់នោះទេ ថែមទាំងបង្កើនការវាយប្រហារសងសឹកគ្នាលាន់ឮពេញមជ្ឈិមបូព៌ាទៀតផង។
អ៊ីរ៉ង់ប្រកាសនៅថ្ងៃនេះថា គោលដៅយោធាសំខាន់ៗចំនួន១៨ របស់សហរដ្ឋអាមេរិកនៅក្នុងប្រទេសគុយវ៉ែត និងបារ៉ែន ត្រូវបានវាយប្រហារហើយ ចំពេលមានភាពតានតឹងក្នុងតំបន់កើនឡើងយ៉ាងឆាប់រហ័ស។
យោងតាមសារព័ត៌មាន TRT World ផ្សាយថ្ងៃទី១១ ខែមិថុនា ឆ្នាំ២០២៦ កងឆ្មាំបដិវត្តន៍អ៊ីរ៉ង់ (IRGC) បាននិយាយថា គោលដៅទាំងនោះរួមមានមូលដ្ឋានទ័ព Ali Al Salem និង Ahmad Al Jaber ក្នុងប្រទេសគុយវ៉ែត រួមជាមួយនឹងមូលដ្ឋានទ័ព Sheikh Isa ក្នុងប្រទេសបារ៉ែន។
ដោយឡែក យោធាអ៊ីរ៉ង់ បាននិយាយថា ខ្លួនបានកំណត់គោលដៅប្រព័ន្ធ Patriot និងកន្លែងទំនាក់ទំនងដែលជាកម្មសិទ្ធិរបស់កងនាវាទី៥ របស់សហរដ្ឋអាមេរិក នៅប្រទេសបារ៉ែន។
យោធាបន្ថែមថា ដ្រូនអត្តឃាតត្រូវបានបាញ់ឆ្ពោះទៅកាន់កងនាវាទី៥ របស់សហរដ្ឋអាមេរិក ដើម្បីឆ្លើយតបទៅនឹងការវាយប្រហាររបស់អាមេរិក លើភាគខាងត្បូងនៃប្រទេសអ៊ីរ៉ង់។
ការវិវឌ្ឍនេះកើតឡើង ចំពេលមានភាពតានតឹងកាន់តែខ្លាំងឡើង បន្ទាប់ពីការវាយប្រហាររបស់សហរដ្ឋអាមេរិកលើភាគខាងត្បូងអ៊ីរ៉ង់ និងការវាយប្រហារសងសឹកជាបន្តបន្ទាប់របស់អ៊ីរ៉ង់ ផ្តោតលើទ្រព្យសម្បត្តិយោធាអាមេរិកនៅទូទាំងតំបន់។
ការកើនឡើងចុងក្រោយបំផុតនេះកើតឡើង បន្ទាប់ពីការវាយប្រហារជាបន្តបន្ទាប់របស់សហរដ្ឋអាមេរិកប្រឆាំងនឹងគោលដៅជាច្រើននៅក្នុងប្រទេសអ៊ីរ៉ង់ ដែលបញ្ជាការកណ្តាលសហរដ្ឋអាមេរិក (CENTCOM) ហៅថាជាការឆ្លើយតបទៅនឹងការឈ្លានពានដែលមិនសមហេតុផល និងបន្តសងសឹករបស់អ៊ីរ៉ង់។
ភ្លាមៗបន្ទាប់ពីការប្រកាសនេះ ទីភ្នាក់ងារសារព័ត៌មាន Mehr គ្រប់គ្រងដោយរដ្ឋ រាយការណ៍ពីការផ្ទុះថ្មីៗ នៅក្នុងទីក្រុង Bandar Abbas និង Sirik ក៏ដូចជាការផ្ទុះមួយផ្សេងទៀត នៅជិតតំបន់ Minab ក្នុងខេត្ត Hormozgan ភាគខាងត្បូងប្រទេសអ៊ីរ៉ង់៕
សម្រួល៖ ណឺ មិនា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៤ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត