ព័ត៌មានជាតិ
សម្តេចក្រឡាហោម ប្រកាសក្រុមស្រាវជ្រាវដីសមូហភាពសហគមន៍ជនជាតិដើមភាគតិចខេត្តមណ្ឌលគិរី
ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅថ្ងៃទី១៨ ខែឧសភា ឆ្នាំ២០២១ បានអញ្ជើញជាអធិបតីដឹកនាំកិច្ចប្រជុំប្រកាសសមាសភាពក្រុមការងារចំពោះកិច្ចចុះសិក្សាស្រាវជ្រាវដីសមូហភាពសហគមន៍ជនជាតិដើមភាគតិចខេត្តមណ្ឌលគិរី តាមរយៈប្រព័ន្ធវីដេអូសន្និសីទ Zoom Platform។
សមាសភាពក្រុមការងារចំពោះកិច្ចចុះសិក្សាស្រាវជ្រាវដីសមូហភាពសហគមន៍ជនជាតិដើមភាគតិចខេត្តមណ្ឌលគិរី ដែលត្រូវបានរាជរដ្ឋាភិបាលសម្រេចបង្កើត និងប្រកាសនាពេលនេះ មានសមាសភាពសរុបចំនួន ១៣រូប ដោយមានលោក ងី ច័ន្រ្ទផល រដ្ឋលេខាធិការក្រសួងមហាផ្ទៃ និងប្រធានក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី ជាប្រធាន និងលោក ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី ជាអនុប្រធានប្រចាំការ ព្រមទាំងសមាសភាព១១រូបទៀត ជាសមាជិកដែលមកពីក្រសួងស្ថាប័នពាក់ព័ន្ធនានា។
ក្រុមការងារនេះមានតួនាទី ភារកិច្ច ចុះសិក្សាស្រាវជ្រាវដីសមូហភាពសហគមន៍ជនជាតិដើមភាគតិច ពិនិត្យវិសាលភាពនៃការសិក្សា ស្រាវជ្រាវ ស្វែងយល់ស្ថានភាពការចុះបញ្ជីដីសមូហភាពដើម្បីកំណត់មុខសញ្ញាតំបន់ភូមិសាស្រ្តដែលត្រូវចុះសិក្សា ធ្វើបច្ចុប្បន្នភាពលើប្រភេទដីសហគមន៍នៃការគ្រប់គ្រងដីសមូហភាពរបស់សហគមន៍ជនជាតិដើមភាគតិច សិក្សាពីបញ្ហាប្រឈមនានា ធ្វើការពិគ្រោះយោបល់ ទំនាក់ទំនង សម្របសម្រួល និងសហប្រតិបត្តិការជាមួយបណ្តាក្រសួង ស្ថាប័ន ពាក់ព័ន្ឋ អង្គការដៃគូដើម្បីប្រមូលព័ត៌មាន របាយការណ៍ នានាតាមការចាំបាច់ ព្រមទាំងទទួលភារកិច្ចផ្សេងៗទៀតតាមការប្រគល់ជូនពី សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។
គួរបញ្ជាក់ថារាជរដ្ឋាភិបាលបានដាក់ចេញនូវគោលនយោបាយជាតិស្តីពីការអភិវឌ្ឍជនជាតិដើមភាគតិច សំដៅរក្សា ការពារវប្បធម៌ ប្រពៃណី និងទំនៀមទំលាប់ល្អរបស់ជនជាតិដើមភាគតិច ការចុះបញ្ជីដីសហគមន៍ជនជាតិដើមភាគតិច មានគោលបំណង ការពារសុវត្ថិភាពដីធ្លី សម្រាប់ប្រើប្រាស់ជាប្រយោជន៍សហគមន៍ ព្រមទាំងទប់ស្កាត់ភាពអាណាធិបតេយ្យក្នុងការចូលកាន់កាប់ទន្ទ្រានដីព្រៃ និងដីសាធារណៈរបស់រដ្ឋ។
លើសពីនេះទៀត រាជរដ្ឋាភិបាលកម្ពុជា ក៏បានកំណត់យន្តការគាំទ្រយ៉ាងច្បាស់លាស់ ស្តីពីនីតិវិធីនៃការចុះបញ្ជីដី សហគមន៍ជនជាតិដើមភាគតិច ដែលមានស្ថាប័នចំនួន០៣ ឈរជាសមត្ថកិច្ច រួមមាន ១ក្រសួងអភិវឌ្ឍន៍ជនបទ មានសមត្ថកិច្ចក្នុងការកំណត់អត្តសញ្ញាណរបស់ជនជាតិដើមភាគតិច ២ក្រសួងមហាផ្ទៃ មានសមត្ថកិច្ចក្នុងការផ្តល់ភាពជានីតិបុគ្គល ជូនដល់សហគមន៍ជនជាតិដើមភាគតិច ដើម្បីទទួលបានសិទ្ធិពេញលេញសម្រាប់ស្នើសុំ ចុះបញ្ជីដីជាកម្មសិទ្ធិសមូហភាព និង៣ក្រសួងរៀបចំដែនដីនគររូបនីកម្ម និងសំណង់ មានសមត្ថកិច្ច លើការងារចុះបញ្ជីដីធ្លីរបស់សហគមន៍ជនជាតិដើមភាគតិច ដែលមានមន្ទីររៀបចំដែនដីនគររូបនីយកម្ម និងសំណង់ខេត្តជាសេនាធិការ និងជាភ្នាក់ងារអនុវត្ត និងអាជ្ញាធរថ្នាក់ក្រោមជាតិពាក់ព័ន្ធ៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៩ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)