រដ្ឋបាល​រាជធានី ​​ប្រគល់​សម្ភារៈ​បរិក្ខារ​ពេទ្យ​ជាង​១០​មុខ ជូន​មន្ទីរ​សុខាភិបាល​រាជធានីភ្នំពេញ

គ្រឿង​សម្ភារៈ​បរិក្ខារ​ពេទ្យ​ជាង​១០​មុខ ត្រូវបាន​រដ្ឋបាល​រាជធានី​ភ្នំពេញ​ប្រគល់ជូន មន្ទីរ​សុខាភិបាល​រាជធានី​ភ្នំពេញ ដើម្បី​យកទៅ​ប្រើប្រាស់ ក្នុង​គោលដៅ​ប្រយុទ្ធប្រឆាំង​មេរោគ​កូ​វីដ​-១៩ ខណៈ​ដែល​ជំងឺ​នេះ​ បាន​នឹង​កំពុង​រីក​រាលដាល់ ក្នុង​ព្រឹត្ត​ការណ៍​សហគមន៍​២០​កុម្ភៈ ​នូវឡើយ​។​

ពិធី​ប្រគល់​នឹង​ទទួល​នេះ បាន​ធ្វើឡើង​នៅវេលា​ថ្ងៃត្រង់​ថ្ងៃទី​២០ ខែឧសភា​ ឆ្នាំ​២០២០​នេះ ក្រោម​វត្តមាន​លោក​ នួន ផា​រ័ត្ន អ​ភិបាល​រង​រាជធានី​ភ្នំពេញ ​តំណាងឲ្យ​លោក​ ឃួ​ង ស្រេង ​អភិបាល​រាជ​ធានី​ និង​លោក ងី មាន​ហេង ប្រធាន​មន្ទីរ​សុខាភិបាល​រាជធានី​ភ្នំពេញ ​នៅ​សាលា​រាជធានី​ភ្នំពេញ​។​

ចំពោះ​សម្ភារៈ​បរិក្ខារ​ពេទ្យ​ដែល​ប្រគល់ជូន​ខាងលើនេះ​រួមមាន​៖ ស្រោមដៃ (Gloves) ចំនួន​១០០ ,​មួក (100pcs) ,​វ៉ែនតា Eyes Glass ,​អាវ​អៀម​ផ្លាស់​ស្ទិ​ក Apron ចំនួន​១២០ ,​របាំងមុខ​- Face shield​ចំនួន​៣៦០,​ប្រដាប់​វាស់​សម្ពាធ​ឈាម Blood Pressure ចំនួន​២០, ប្រដាប់​វាស់​កម្ដៅ ចំនួន​២០,​ប្រដាប់​វាស់​កម្រិត​អ៊ុក​ស៊ី​សែន​ក្នុង ឈាម Pulse Oxymeter​ចំនួន​១០,កំប៉ុង​ដាក់​ប្រ៊ី​ច (Bleach solution spray bottle)​ចំនួន​១២០,Hand Sanitizing Portable Stand ចំនួន​១២,​ម៉ាស​វះកាត់ {Sug\cil Mask)​ចំនួន​៤០០, អាល់​កុល​៧០%(5L) (Alcohor 70% ចំនូ​ន​១០​។​

គួរ​បញ្ជាក់ថា ក្រសួងសុខាភិបាល​កម្ពុ​ជា​នៅ​ថ្ងៃទី២០ ខែឧសភា​នេះ បានប្រកាស​រកឃើញ​ក​រ​ណី​ឆ្លង​ជំងឺ​កូ​វីដ​-១៩ ចំនួន​៤១៥​នាក់ ជាសះស្បើយ​ចំនួន៧៤៥​នាក់​និង ស្លាប់​ចំនួន៥​នាក់​។ ក្នុងចំណោម អ្នកឆ្លង​ថ្មី​ទាំងនេះ​ មាន​៤១១​ករណី​ឆ្លង​ក្នុង​សហគមន៍​ និង​អ្នកដំណើរ​បរទេស​ចំនួន​៤​នាក់​៕

អត្ថបទ ៖ ​ស្រីរ័ត្ន​

​