ចរាចរណ៍

ពេញ១ខែឧសភានេះ គ្រោះថ្នាក់ចរាចរណ៍បណ្តាលឱ្យមនុស្សស្លាប់ និងរងរបួសជិត៤០០នាក់

បានផុស

៥ years មុន

នៅ

ថ្ងៃអង្គារ ១ មិថុនា ២០២១

ដោយ

រយៈពេលពេញ១ខែឧសភា ឆ្នាំ២០២១នេះ គ្រោះថ្នាក់ចរាចរណ៍នៅទូទាំងប្រទេស បានបណ្តាលឱ្យមនុស្សស្លាប់ និងរងរបួសធ្ងន់ស្រាលជិត៤០០នាក់ មានការកើនឡើងជាងខែមេសាដែលមានត្រឹមជាង៣២០ករណីប៉ុណ្ណោះ។

យោងតាមរបាយការណ៍របស់អគ្គស្នងការដ្ឋាននគរបាលជាតិបានឲ្យដឹងថា រយៈពេល៣១ថ្ងៃ នៅក្នុងខែឧសភា ឆ្នាំ២០២១ នេះមានគ្រោះថ្នាក់ចរាចរណ៍បានកើតឡើងចំនួន១៨១ករណី ក្នុងនោះកើតឡើងនៅពេលយប់៨១ករណី បណ្តាលឱ្យមនុស្សចំនួន១០៣នាក់ បានស្លាប់ និងបង្កឲ្យមានរងរបួសធ្ងន់១៣៤នាក់ និងរបួសស្រាលសរុបចំនួន១៣០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួលេខនេះបើប្រៀបធៀបទៅនឹងខែមេសាឆ្នាំ២០២១កន្លងទៅឃើញថាមានការកើនឡើងគួរឱ្យកត់សម្គាល់។ រយៈពេលពេញ១ខែមេសាមានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១៤២លើកបណ្តាលឲ្យមនុស្សស្លាប់និងរបួសចំនួន៣២៤នាក់ក្នុងនោះ៨០នាក់បានស្លាប់កើនឡើង២៣នាក់ស្មើនឹង២៩%។របួសធ្ងន់ចំនួន៩៦នាក់កើនឡើង៣៨នាក់ស្មើនឹង៤០% របួស្រាលចំនួន៧៦នាក់កើនឡើង៥៤នាក់ស្មើនឹង៧១%។

បើយោងតាមរបាយករណ៍ មូលហេតុដែលបណ្ដាលឲ្យកើតមានគ្រោះថ្នាក់ចរាចរណ៍ នៅទូទាំងប្រទេសចំនួន១៨១ លើកនេះ គឺបណ្ដាលមកពី ការបើកបរធ្វេសប្រហែស និងការបំពានច្បាប់របស់អ្នកប្រើប្រាស់ផ្លូវដោយការបើកបរល្មើសល្បឿនកំណត់ការមិនគោរពសិទ្ធិអាទិភាពការបើកបរមិនប្រកាន់ស្ដាំ ការបើកបរក្រោមឥទ្ធិពលគ្រឿងស្រវឹង ការបត់ ប្រជែងដឹកលើសទម្ងន់ និងការមិនប្រើប្រាស់មួកសុវត្ថិភាពជាដើម៕

អត្ថបទ ៖ សំអឿន

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា