កូវីដ-១៩

ថ្ងៃ២៦នេះ ខេត្តសៀមរាប រកឃើញករណីថ្មីវិជ្ជមានកូវីដ១៩ ចំនួន៧៣នាក់ និងមានជាសះស្បើយចំនួន ៤៧នាក់

បានផុស

៥ years មុន

នៅ

ថ្ងៃសៅរ៍ ២៦ មិថុនា ២០២១

ដោយ

សៀមរាប ៖ នាថ្ងៃទី២៦ ខែមិថុនា ឆ្នាំ២០២១នេះ ខេត្តសៀមរាប រកឃើញករណីថ្មីវិជ្ជមានកូវីដ១៩ ចំនួន៧៣នាក់ និងមានជាសះស្បើយចំនួន ៤៧នាក់ចេញពីមន្ទីរពេទ្យ។ មិនមានករណីស្លាប់ទេ បើតាមការឲ្យដឹងពីលោកវិជ្ជបណ្ឌិត គ្រួស សារ៉ាត ប្រធានមន្ទីរសុខាភិបាលខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា ខេត្តសៀមរាប ចាប់ពីថ្ងៃទី២៤ រហូតមកទល់ថ្ងៃទី២៦ នេះគឺមានករណីអ្នកឆ្លងគឺមានការកើនឡើង ជារៀងរាល់ថ្ងៃ ចាប់តាំងពីផ្ទុះមានអ្នកឆ្លងនៅផ្សារលើធំថ្មី ដែលមានទីតាំងស្ថិតនៅក្នុង ភូមិដក់ពោធ៏ សង្កាត់ ស្លក្រាម ក្រុងសៀមរាប ខេត្តសៀមរាប ហើយមកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៨៨១នាក់ បានព្យាបាលជាសះស្បើយចំនួន៣២០នាក់ ស្លាប់៩នាក់ និង៥៩៩នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត និងវិទ្យាល័យដំដែក។

រដ្ឋបាលខេត្តសៀមរាប សូមជម្រាបជូនបងប្អូនប្រជាពលរដ្ឋ ដែលបានពាក់ព័ន្ធដោយផ្ទាល់ ឬដោយប្រយោល ជាមួយអ្នកវិជ្ជមានខាងលើ សូមរួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួនឲ្យបានគ្រប់១៤ថ្ងៃ ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត ក្នុងករណីមិនអនុវត្តកាតព្វកិច្ចចត្តាឡីស័ក រដ្ឋបាលខេត្តនឹងចាត់វិធានការផ្លូវច្បាប់ចំពោះបុគ្គលទាំងឡាយណាដែលលើ្មសនឹងវិធានសុខាភិបាលនេះ។ ប្រសិនបើមានការប្រែប្រួលសុខភាព សូមផ្តល់ព័ត៌មានមកកាន់លេខទូរស័ព្ទ០១២ ៩៥៥ ៤៧៤/០៧៧ ៧៨៩ ០០៧ ដើម្បីក្រុមការងារចាត់វិធានការក្នុងការយកសំណាកធ្វើតេស្តស្រាវជ្រាវ។

រដ្ឋបាលខេត្តសៀមរាប សង្ឃឹមយ៉ាងមុតមាំថា បងប្អូនប្រជាពលរដ្ឋទាំងអស់ ចូលរួមអនុវត្តឱ្យបានម៉ឺងមាត់ និងអនុវត្តនូវវិធានការការពាររបស់រាជរដ្ឋាភិបាល និងការណែនាំរបស់ក្រសួងសុខាភិបាល៕

ដោយ ៖ គឿនវេត