ព័ត៌មានជាតិ

អតីតអភិបាលខេត្តកោះកុង ប្រាប់ពីរោគាជំងឺ៤មុខ ក្នុងសង្គមស្រដៀងជំងឺកូវីដ

បានផុស

៥ years មុន

នៅ

ថ្ងៃអង្គារ ៦ កក្កដា ២០២១

ដោយ

ឯកឧត្តម យុទ្ធ ភូថង អតីតអភិបាលខេត្តកោះកុង និងបច្ចុប្បន្នកាន់តំណែងជារដ្ឋលេខាធិកាក្រសួងកសិកម្ម រុក្ខប្រមាញ់ និងនេសាទ លើកឡើងតាមបណ្តាញសង្គមហ្វេសប៊ុកអំពីរោគាជំងឺចំនួន៤មុខ ក្នុងសង្គម ដែលវាប្រហែលនឹងជំងឺកូវីដដែរ ប្រសិនអ្នកណាមានជំងឺនេះហើយវាសនាមិនល្អទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណានោះ ឯកឧត្តម យុទ្ធ ភូថង តាមរយៈហ្វេសប៊ុកឈ្មោះថា Kru Ta (គ្រូតា) នៅថ្ងៃទី៦ ខែកក្កដា ឆ្នាំ២០២១ បានបង្ហោះជាសំណេរដោយភ្ជាប់ជាមួយនឹងរូបថតជាឯកសណ្ឋានមន្ត្រីជាន់ខ្ពស់ផងនោះ ជាង៥ម៉ោងមុននេះថា «ថ្ងៃនេះសុំមួយរូបអតីតកាល អ្នកដឹកនាំ ត្រូវប្រុងប្រយ័ត្នកើតជំងឺដែលខ្ញុំគិតថាប្រហែលនឹងកូវីដដែរ។

ឯកឧត្តម យុទ្ធ ភូថង អតីតអភិបាលខេត្តកោះកុង ពោលទៀតថា គឺទី១ ជំងឺក្រសែភ្នែកខ្លី ឬមីញ៉ូម មើលមិនឃើញអ្នកល្អទេ មើលឃើញតែអ្នកខ្នេបខ្នើបជុំវិញខ្លួនបក្សពួកខ្លួន ឯអ្នកផ្សេងធ្វើល្អយ៉ាងណាក៏មិនឃើញ ទី២- ស្លឹកត្រចៀកហ៊ឹងមិនទាន់ថ្លង់ទេ តែស្តាប់ឮតែពាក្យសរសើរ ពាក្យអែបអបស្តាប់មិនឮទេពាក្យដែលមិត្តភក្តិ ក្រុមការងារដែលជួយយោបល់ក្នុងន័យស្ថាបនា។ ចំណែកឯទី៣- ជំងឺសម្ភារៈ ស្រា ស្រីពិឃាដ និងទី៤នោះ គឺជំងឺភ្លេចភ្លាំង ភ្លេចអស់ពេលលំបាកហៅគ្នាមកជុំបានធំរស់តែឯង មនុស្សល្អអ្នកដែលរួមសុខជាមួយគ្នាមើលលែងស្គាល់។ បើអ្នកមានជំងឺនេះហើយ អនាគតអ្នកនឹងមានវាសនាមិនល្អទេ ខ្ញុំមិនមែនគ្រូទាយទេ នេះជាលោកនៃសច្ចៈធម៌ នៃសីលធម៌ គុណធម៌ និងចរិយាធម៌»។

ឯកឧត្តម យុទ្ធ ភូថង ត្រូវបានមហាជនស្គាល់ ព្រមទាំងចាត់ទុកថា ជាបុគ្គលដែលមានបទពិសោធន៍ការងារខ្ពស់ និងទេពកោសល្យស្នាដៃដឹកនាំការងារតាមរយៈការគាំទ្រគ្រប់មជ្ឈដ្ឋានទូទៅរហូតដល់ជោគជ័យក្នុងជីវិត រហូតដល់កាន់តំណែងជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ក្នុងពេលបច្ចុប្បន្ននេះ៕

អត្តបទ៖ សិរីវឌ្ឍនៈ

Related Topics:លោក យុទ្ធ ភូថង