ព័ត៌មានជាតិ
ផ្ទុះកំប៉ុងហ្គាស បង្កជាអណ្តាតភ្លើង ឆេះផ្ទះប្រជាពលរដ្ឋម្នាក់ ខណៈម្ចាស់មិននៅ
អគ្គីភ័យមួយបានឆាបឆេះ ផ្ទះប្រជាពលរដ្ឋមួយកន្លែង ស្ថិតនៅចំណុចផ្ទះ១៩ ផ្លូវ១១៨ ភូមិ៥ សង្កាត់ដេប៉ូទី៣ ខណ្ឌទួលគោក រាជធានីភ្នំពេញ បង្កការភ្ញាក់ផ្អើលឡើងកាលពីវេលាម៉ោង១០ និង១៥នាទីព្រឹក ថ្ងៃទី១២ ខែកក្កដា ឆ្នាំ២០២១។ ម្ចាស់ផ្ទះ មានឈ្មោះ ឱ សំអាត ភេទស្រី អាយុ៦៧ឆ្នាំ មុខរបរមេផ្ទះ។ ផ្ទះឆាបឆេះ ជាប្រភេទផ្ទះល្វែង មានទំហំ៤ម៉ែត្រគុណ៦ម៉ែត្រ។
យោងតាមប្រភពព័ត៌មាន បានឲ្យដឹងថា នៅមុនកើតហេតុ គេបានលឺសូរសម្លេងផ្ទុះចេញពីផ្ទះឈើនៅជាន់ទី៥ នៃផ្ទះល្វែងឆាបឆេះ។ ក្រោយផ្ទុះហើយនោះ ស្រាប់តែមានផ្សែងខ្មួយខ្មាញ់ហ៊ុយចេញមកក្រៅ លាយលំជាមួយអណ្តាតភ្លើងយ៉ាងខ្លាំងផងដែរ ខណៈដែលម្ចាស់ផ្ទះមិននៅ។ ភ្លាមៗ ពលរដ្ឋក្បែរកន្លែងកើតហេតុ បានរាយការណ៍ជូនសមត្ថកិច្ចមូលដ្ឋាន ដើម្បីចុះអន្តរាគមន៍។
បន្ទាប់ពីទទួលបានព័ត៌មាន កម្លាំងនគរបាលមូលដ្ឋាន និងក្រុមរថយន្តពន្លត់អគ្គីភ័យជាច្រើនគ្រឿង បានចុះអន្តរគមន៍ដល់ទីតាំងកើតហេតុខាងលើ ដើម្បីធ្វើកិច្ចអន្តរាគមន៍បាញ់ទឹកពន្លត់។ ក្រោយការអន្តរាគមន៍ប្រមាណជិត១ម៉ោងរួចមក អណ្តាតភ្លើងត្រូវបានរលត់ទាំងស្រុង ដោយបានឆាបឆេះបំផ្លាញអស់បន្ទប់ឈើចំនួន២ នៅជាន់ទី៥ដែលឆាបឆេះ។
ជុំវិញករណីនេះ សមត្ថកិច្ចបានប្រើប្រាស់រថយន្តពន្លត់អគ្គីភ័យអស់ សរុប៣ឡាន ក្នុងចំណោម៥ឡាន ដែលបានទៅដល់ទីតាំងកើតហេតុ។ ចំពោះមូលហេតុ នៃការឆាបឆេះ គឺបណ្តាលមកពីផ្ទុះកំប៉ុងហ្គាស។
គួរបញ្ជាក់ថា ក្នុងហេតុការណ៍ដដែលនេះ សមត្ថកិច្ចជំនាញអគ្គីភ័យ បានជួបការលំបាកត្រង់ថា ស្ថានភាពផ្លូវគឺចូលបានតែផ្លូវខាងមុខ ហើយការឆាបឆេះគឺនៅផ្នែកខាងក្រោយជាន់ទី៥ ដែលគ្មានផ្លូវចូលទៅវិញ។ ប៉ុន្តែទោះបីជាយ៉ាងណា ក៏សមត្ថកិច្ចបានខិតខំព្យាយាមទាញទុយោឡើង តាមដំបូងផ្ទះពលរដ្ឋក្បែរនោះ ដើម្បីបាញ់ទប់ស្កាត់មិនឲ្យមានការឆាបឆេះកាន់តែខ្លាំង ឬរាលដាលដល់លំនៅឋានជាប់នោះឡើយ រហូតឈានដល់ពន្លត់បាន១០០ភាគរយ ក្នុងរយះពេលជិត១ម៉ោង៕ (ដោយ)៖ លី ហេង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល