កីឡា

គ្រូជំនាញសូហ្វតិន្នីស ជឿជាក់ថាកម្ពុជានឹងឈ្នះមេដាយប្រាក់ ឬសំរឹទ្ធ ប្រសិនបើចូលរួមការប្រកួតកីឡាអាស៊ីនៅជប៉ុន

បានផុស

២៣ វិនាទី មុន

នៅ

ថ្ងៃសុក្រ ១២ មិថុនា ២០២៦

ដោយ

គ្រូជំនាញកីឡាសូហ្វតិន្នីស លោក Masato ជឿជាក់លើក្រុមកម្ពុជាថានឹងអាចដណ្ដើមមេដាយប្រាក់ ឬសំរឹទ្ធ បាននៅព្រឹត្តិការណ៍កីឡាអាស៊ី Aichi Nagoya លើកទី២០ ឆ្នាំ២០២៦ ប្រសិនបើក្រុមកម្ពុជាបានទៅចូលរួមមែននោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Masato (ឆ្វេង)

លោក Masato បានឲ្យដឹងថា ព្រឹត្តិការណ៍កីឡាអាស៊ី លើកទី២០ នៅទីក្រុង Aichi Nagoya ឯប្រទេសជប៉ុននេះគឺលោកមើលឃើញថាសមត្ថភាពក្រុមសូហ្វតិន្នីសកម្ពុជាអាចនឹងដណ្ដើមមេដាយបានប្រសិនបើបញ្ជូនទៅចូលរួម។

ព្រឹត្តិការណ៍ធំលំដាប់អាស៊ីនេះមានជើងខ្លាំងដូចជាប្រទេសជប៉ុន កូរ៉េ ចិន ប៉ុន្តែបណ្ដាប្រទេសប្រហាក់ប្រហែលជាមួយកម្ពុជាក៏មានច្រើនដែរដូចជាវៀតណាម ថៃ ឡាវ។ ដូច្នេះប្រសិនបើកម្ពុជាបានចូលរួមក្នុងការប្រកួតកីឡាអាស៊ីនេះលោកជឿជាក់ថានឹងអាចឡើងដល់វគ្គដណ្ដើមមេដាយប្រាក់ ឬសំរឹទ្ធជាមិនខាន។

កីឡាការិនីកម្ពុជា

មួយវិញទៀតកីឡាករ កីឡាការិនីកម្ពុជា អាចនឹងទទួលបានបទពិសោធពីការប្រកួតធំមួយនេះ និងអាចមានភាពរីកចម្រើនកាន់តែខ្លាំងជាងមុនបន្ទាប់ពីបានចូលរួម ឬបានប្រកួតជាមួយបណ្ដាប្រទេសខ្លាំងៗនៅក្នុងតំបន់អាស៊ីនេះ។

ក្រុមកម្ពុជាចេញប្រកួតកន្លងទៅ

បញ្ជាក់ដែរថា ព្រឹត្តិការណ៍កីឡាអាស៊ី លើកទី២០ នេះនឹងធ្វើឡើងនៅឯទីក្រុង Aichi Nagoya ក្នុងប្រទេសជប៉ុន។ ព្រឹត្តិការណ៍ដ៏ធំនេះធ្វើអំឡុងថ្ងៃទី១៩ ខែកញ្ញា ដល់ថ្ងៃទី៤ ខែតុលា ឆ្នាំ២០២៦។ កម្ពុជាក៏នឹងចូលរួមប្រកួតប្រជែងមេដាយក្នុងព្រឹត្តិការណ៍នេះផងដែរគ្រាន់តែមិនទាន់បានបញ្ជាក់ពីចំនួនប្រភេទកីឡាចូលរួម និងកីឡាករ កីឡាការិនី។ សូហ្វតិន្នីសកម្ពុជាជាប្រភេទកីឡាដែលមានភាពរីកចម្រើន និងមានសក្ដានុពលមួយប្រភេទដែរក្នុងប្រទេសកម្ពុជានាពេលកន្លងមក។ ក្រុមសូហ្វតិន្នីសកម្ពុជាតែងតែដណ្ដើមមេដាយបានលើឆាកអន្តរជាតិកន្លងមក៕

លោក Masato គ្រូជនជាត់ជប៉ុន

អត្ថបទដោយ៖ នួន ស៊ីណា

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា