បុរសម្នាក់សម្ញែងកាំភ្លេីងខ្លីមួយ​ដេីម​ឡូឡាដាក់សមត្ថកិច្ចកំពុងដោះស្រាយ​ករណីគ្រោះថ្នាក់ចរាចរណ៍

បុរសម្នាក់ស្លៀកពាក់ស៊ីវិលដោយមានកាំភ្លេីងខ្លីមួយដេីម អាយឌីមួយដេីម សៀតនូវជាប់ចង្កេះមិនដឹងមកពីណាមកស្រែកឡូឡាដាក់សមត្ថកិច្ចដែលកំពុងដោះស្រាយករណីគ្រោះថ្នាក់ចរាចរណ៍ម៉ូតូចំនួន​៣គ្រឿងបុកតកន្ទុយគ្នាបណ្តាលឱ្យរងរបួសរលាត់ដៃជេីងភ្លាមនោះស្រាប់ទេីបសមត្ថកិច្ចហៅកម្លាំងអន្តរាគមន៍មកជួយតែជនស៊ីវិលម្នាក់នោះរត់ចូលព្រៃបាត់។

ហេតុការណ៍ បានកេីតឡេីងកាលពីវេលាម៉ោង៨និង២០នាទីយប់ ថ្ងៃទី៨ ខែសីហា ឆ្នាំ២០២១ នៅចំណុចមុខស្រាបៀអង្គរ តាមបណ្តោយមហាវិថីសហព័ន្ធរុស្ស៊ី ក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាក PSX ពណ៌ខ្មៅ ដឹកប្រពន្ធធ្វេីដំណេីរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅ​កេីត ខណៈមកដល់ចំណុចកេីតហេតុស្រាប់តែមានបុរសម្នាក់ជិះម៉ូតូវ៉េវ ពណ៌ខ្មៅ ធ្វេីដំណេីរមកពីក្រោយនិងបុកពេញទំហឹងហឹងបណ្តាលឱ្យដួលទៅនឹងថ្នល់ភ្លាមនោះក៏មានយុវជនម្នាក់ដែលជាកូនរបស់បុរសជិះម៉ូតូPCX បានជិះម៉ូតូម៉ាកNex ពណ៌ក្រហម មកពីក្រោយក៏បុកបន្តទៀតគលេីគ្នាបណ្តាលឱ្យរបួស។

សាក្សីបន្តថា បន្ទាប់មកកម្លាំងសមត្ថកិច្ចក៏ចុះមកដល់កំពុងធ្វេីការសម្របសម្រួលតែដោយសារមិនត្រូវគ្នាក៏ធ្វេីការវាស់វែងដេីម្បីយកម៉ូតូទាំង៣គ្រឿងយកទៅរក្សាទុកភ្លាមនោះស្រាប់តែមានបុរសម្នាក់ស្លៀកពាក់ស៊ីវិលមិនដឹងមកពីណា ដោយសៀតកាំភ្លេីងខ្លីមួយដេីមអាយឌីមួយដេីម មកឡូឡាដាក់កម្លាំងសមត្ថកិច្ចមិនឱ្យធ្វេីការវាស់វែងយកម៉ូតូទៅនោះទេ។

បន្ទាប់មកសមត្ថកិច្ចក៏សុំកម្លាំងអន្តរាគមន៍មកភ្លាមនោះបុរសខាងលេីក៏រត់ចូលក្នុងព្រៃដីឡូត៍មួយកន្លែងបាត់ទៅ។

ក្រោយកេីតហេតុសមត្ថកិច្ចបានយកម៉ូតូទាំង៣គ្រឿងយកទៅរក្សាទុកនិងហៅភាគីខាងម៉ូតូទៅដោះស្រាយនៅអធិការដ្ឋាននគរបាលពោធិ៍សែនជ័យថែមទាំងសួរនាំអំពីបុរសដែលឡាំប៉ាដាក់សមត្ថកិច្ចដេីម្បីឱ្យចូលខ្លួនមកដោះស្រាយតាមច្បាប់៕ ដោយ៖សុខា