ព័ត៌មានជាតិ

មកស្គាល់ឈ្មោះប្រាសាទទាំង ២៧ នៅខេត្តតាកែវ ប្រាសាទខ្លះសូម្បីអ្នកតាកែវមិនដែលឮឈ្មោះផង

បានផុស

៥ years មុន

នៅ

ថ្ងៃសុក្រ ១៣ សីហា ២០២១

ដោយ

ជាទឹកដីចំណាស់ ជាអតីតអាណាចក្រភ្នំ ខេត្តតាកែវជាខេត្តចំណាស់ជាងគេមានបន្សល់ទុកដានប្រវត្តិសាស្រ្តនិងកេរ្ត៍តំណែលរាប់សតវត្សន៍។ ស្ថិតនៅខាងត្បូងរាជធានីភ្នំពេញចម្ងាយជាង ៧០ គីឡូម៉ែត្រ ខេត្តតាកែវមានបន្សល់ទុកប្រាសាទបុរាណមួយចំនួន ខ្លះនៅរូបរាង ខ្លះនៅសល់តែឈ្មោះឬគ្រឹះខ្លះៗតែប៉ុណ្ណោះ។

បើតាមមន្ទីរវប្បធម៌ខេត្តតាកែវបានឲ្យកម្ពុជាថ្មីដឹងថា នៅទូទាំងខេត្តតាកែវមានបន្សល់ទុកប្រាសាទបុរាណចំនួន ២៨ តាមស្រុកចំនួន ៦។ បើតាមឯកសារដែលមន្ទីរវប្បធម៌ខេត្តតាកែវផ្ញើបញ្ជូនមកក្រុមការងារកម្ពុជាថ្មីជួយផ្សព្វផ្សាយ ប្រាសាទទាំង ២៨ មានឈ្មោះដូចតទៅ៖

១/ ស្រុកទ្រាំង

-ប្រាសាទព្រះធាតុ

-ប្រាសាទធ្នាយ

-ប្រាសាទភ្នំសន្លុង

-ប្រាសាទទូលព្រះធាតុ

-ប្រាសាទវត្តចាស់

-ប្រាសាទដូនទ្រី

-ប្រាសាទនាងខ្មៅ

២/ ស្រុកសំរោង

-ប្រាសាទនាងខ្មៅត្បូង

-ប្រាសាទនាងខ្មៅជើង

-ប្រាសាទភ្នំជីសូរ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

-ប្រាសាទសែនធ្មល់

-ប្រាសាទសែនភូវាំង

-ប្រាសាទជំទាវខៀវ

៣/ ស្រុកគីរីវង់

-ប្រាសាទបាយ៉ង់

-ប្រាសាទព្រះគោ

-ប្រាសាទកំពូលតានន់

-ប្រាសាទតាញាណកើត

-ប្រាសាទតាញាណលិច

-ប្រាសាទព្រះធាតុ

-ប្រាសាទវត្តកំពែង

៤/ ស្រុកអង្គរបុរី

-ប្រាសាទភ្នំដា

-ប្រាសាទអាស្រមមហាឫស្សី

៥/ ស្រុកបាទី

-ប្រាសាទតាព្រហ្ម

-ប្រាសាទយាយពៅ

-ប្រាសាទភ្នំថ្មដុះ

-ប្រាសាទភ្នំតាម៉ៅ

-ប្រាសាទស្រះកែវ

៦/ ក្រុងដូនកែវ

-ប្រាសាទជប់ពល់

លោកស្រី វ៉ែន វណ្ណា ប្រធានការិយាល័យបេតិកភណ្ឌនៃមន្ទីរវប្បធម៌ខេត្តតាកែវបានប្រាប់កម្ពុជាថ្មីថា នៅទូទាំងខេត្តតាកែវមានប្រាសាទបុរាណទាំងអស់សរុបចំនួន ២៨ ប្រាសាទ តែនៅសល់រូបរាងតែ ១៤ ក្រៅពីនោះបាក់បែក ខ្លះសល់តែគ្រឹះនិងឈ្មោះប៉ុណ្ណោះ។

មន្រ្តីគ្រប់គ្រងផ្នែកបេតិកភណ្ឌជាតិនៅខេត្តតាកែវ លោកស្រី វ៉ែន វណ្ណាបានបន្តថា ក្នុងចំណោមប្រាសាទទាំងអស់មានប្រាសាទចំនួន ៤ ដែលបុព្វបុរសខ្មែរសាងសង់នៅលើភ្នំ មានប្រាសាទភ្នំដា ប្រាសាទភ្នំជីសូរ ប្រាសាទបាយ៉ង់ និងប្រាសាទភ្នំតាម៉ៅ។

លោកស្រីបានបន្តថា ប្រាសាទដែលមានរូបរាងត្រូវបានមន្ទីរយកចិត្តទុកដាក់អភិវឌ្ឍជួសជុលតាមដំណាក់កាល ហើយប្រាសាទដែលបាក់បែកសល់គ្រឹះនិងឈ្មោះ មន្ទីរក៏បានរៀបចំដាក់ស្លាកសម្គាល់ដើម្បីភ្ញៀវទេសចរពេលទស្សនាអាចស្វែងយល់ និងការពារប្រជាពលរដ្ឋក្នុងការទន្រ្ទានប៉ះពាល់ដល់រតនសម្បត្តិកេរ្តិ៍ដំណែលទាំងនោះ។

ប្រាសាទទាំង ២៧ នៅខេត្តតាកែវ មានស្រុកគីរីវង់ចំនួន ៧ ប្រាសាទ ស្រុកទ្រាំងចំនួន ៧ ប្រាសាទ ស្រុកអង្គរបុរី ចំនួន ២ ប្រាសាទ ស្រុកសំរោងចំនួន ៦ ប្រាសាទ ស្រុកបាទីចំនួន ៥ ប្រាសាទ និងក្រុងដូនកែវ ១ ប្រាសាទ។ ក្នុងចំណោមប្រាសាទទាំងអស់នោះ ប្រាសាទមានភ្ញៀវទេសចរណ៍ទៅលេងច្រើនមានប្រាសាទភ្នំដា និងប្រាសាទភ្នំជីសូរ៕

អត្ថបទ៖ ប៊ុណ្ណារ៉ា