ព័ត៌មានជាតិ
កូរ៉េផ្តល់នូវរថយន្តពន្លត់អគ្គិភ័យចំនួន១២គ្រឿង ដល់អគ្គស្នងការដ្ឋាននគរជាតិ
ភ្នំពេញ ៖ រដ្ឋបាលខេត្តឃ្យុងគី នៃសាធារណរដ្ឋកូរ៉េតាមរយៈលោកបណ្ឌិត ថោង ខុន រដ្ឋមន្ត្រីក្រសួងទេសចរណ៍នៅរសៀល ថ្ងៃទី២៦ ខែវិច្ឆិកា ឆ្នាំ២០២០ បានផ្តល់រថយន្តពន្លត់អគ្គិភ័យចំនួន១២គ្រឿងដល់អគ្គស្នងការដ្ឋាននគរជាតិដើម្បីធ្វើអន្តរាគមន៍បាញ់ពន្លត់អគ្គិភ័យនៅក្នុងមូលដ្ឋានឲ្យបានទាន់ពេលវេលា។
ថ្លែងនៅក្នុងពិធី ប្រគល់រថយន្តពន្លត់អគ្គិភ័យចំនួន១២គ្រឿង នៅអគ្គស្នងការដ្ឋាននគរបាលជាតិ នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានថ្លែងអំណរគុណចំពោះភាគីកូរ៉េ ដែលបានផ្តល់នូវរថយន្តពន្លត់អគ្គិភ័យដល់អគ្គស្នងការដ្ឋាននគរជាតិកម្ពុជា ដើម្បីយកទៅពង្រឹងសន្តិសុខសុវត្ថិភាពជូនដល់បងប្អូនប្រជាពលរដ្ឋនៅក្នុងមូលដ្ឋានកាន់តែមានសុវត្ថិភាពខ្ពស់បំផុត។
នាយឧត្តមសេនីយ៍ នេត សាវឿន បានមានប្រសាសន៍ថា «ក្នុងនាមថ្នាក់ដឹកនាំនគរបាលទូទាំងប្រទេសនឹងយករថយន្តទាំងនោះ ទៅអនុវត្តប្រកបដោយប្រសិទ្ធភាពសំដៅបង្កើនការអនុវត្តគោលនយោបាយ ភូមិ-ឃុំមានសុវត្ថិភាពឲ្យកាន់តែខ្លាំងក្លាបន្ថែមទៀត ដើម្បីពង្រឹងសន្តិសុខទាំងផ្លូវកាយ និងផ្លូវចិត្តជូនដល់បងប្អូនប្រជាពលរដ្ឋ ក៏ដូចជាភ្ញៀវជាតិ និងអន្តរជាតិមកកម្ពុជាឲ្យកាន់តែមានសេចក្តីសុខស្រួលថែមទៀតផងដែរ»។
ចំណែកលោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ សង្ឃឹមថាតាមរយៈរថយន្តនេះ នឹងធ្វើឲ្យការពន្លត់អគ្គិភ័យនៅកម្ពុជាកាន់តែមានប្រសិទ្ធភាពបន្ថែមទៀតជូនដល់បងប្អូនប្រជាពលរដ្ឋ ឲ្យចៀសផុតពីការបាត់បង់ទ្រព្យសម្បត្តិក្នុងប្រការណាមួយដែលកើតឡើងដោយសារតែគ្រោះថ្នាក់អគ្គិភ័យ។
គួរបញ្ជាក់ថា រថយន្តពន្លត់អគ្គិភ័យទាំង១២គ្រឿងនេះនឹងផ្តល់ជូនដល់ស្នងការដ្ឋាន នគរបាល ខេត្ត ចំនួន៦ រួម មាន៖ ស្នងការដ្ឋាននគរបាល ខេត្តកំពង់ធំចំនួន០៣គ្រឿង ស្នងការដ្ឋាន នគរបាល ខេត្ត កោះកុងចំនួន ០២គ្រឿង, ស្នងការដ្ឋាន នគរបាល ខេត្ត កែប ចំនួន ០២, គ្រឿង ស្នងការដ្ឋាន នគរបាល ខេត្ត កំពង់ឆ្នាំង ចំនួន០២គ្រឿង, ស្នងការដ្ឋាន នគរបាល ខេត្ត ស្វាយរៀង ចំនួន ០២ គ្រឿង, និងស្នងការដ្ឋាននគរបាលខេត្ត រតនគីរីចំនួន០១គ្រឿង៕
ដោយ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៩ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ