គជ់ចិនមួយប្រភេទ មិនត្រឹមតែប្រើលម្អ ក៏ជាហុងស៊ុយផ្ដល់នូវភាពត្រជាក់ត្រជុំ គ្មានជម្លោះ

តាមជំនឿដ៏យូរលង់មកហើយ គជ់ចិន Jade ជាវត្ថុផ្ដល់នូវភាពសុខដុមរមនា ថាមពល និងភាពត្រជាក់ត្រជុំគ្មានជម្លោះ​សម្រាប់អ្នកណាដែលគ្រប់គ្រងវា។

នៅប្រទេសចិនគជ់មួយប្រភេទនេះ ត្រូវបានគេចាត់ទុកជាគជ់ដ៏រស់ ផ្ដល់ឱ្យនូវថាមពលទឹកដីភ្លើងខ្យល់ដើម្បីរក្សាតុល្យភាព​នៃជីវិត​ឱ្យប្រសើរឡើង។ Jade ជាពូជគជ់ដែលពេញនិយមបំផុតក្នុងការច្នៃជាអលង្ការផ្សេងៗ សម្រាប់ប្រើកែប្រែហុងស៊ុយមិនល្អទាំងឡាយ។ ជាទូទៅគជ់នេះមានពណ៌បៃតង ប៉ុន្តែវាក៏មានពណ៌ពីរផ្សេងទៀត ដែលមានអត្ថន័យថាមពលខុសៗគ្នា។

គជ់ពណ៌បៃតងត្រូវនឹងមនុស្សធាតុឈើ​ ជាប្រផ្នូលសុខុមាលភាព និងអាយុយឺនយូរ។

គជ់ពណ៌ក្រហមត្រូវនឹងមនុស្សធាតុភ្លើង ជាប្រផ្នូលស្នេហាសុខសាន្ត និងភាពរីករាយ។

គជ់ពណ៌សត្រូវនឹងមនុស្សធាតុដែក ជាប្រផ្នូលនៃសុភមង្គល និងការសម្រេចបំណង។

បន្ថែមពីលើនេះ គេអាចច្នៃពណ៌ទាំង​៣ចូលគ្នាបាន ដោយហៅថា ហ្វូលូស៊ូ (Fu Lu Shou )។ ឈ្មោះនេះ មានសេចក្ដីថា សុភមង្គល ទ្រព្យសម្បត្តិ និងអាយុយឺនយូរ។

ក្រៅពីនោះ Jade ក៏ជាគជ់ដែលអាចប្រើដើម្បីបង្កើនហុងស៊ុយក្នុងគេហដ្ឋានផងដែរ។ គេអាចច្នៃវាជារូបសំណាក ឬយកទៅប៉ះប៉ូវរូបសំណាកដែលប្រេះស្រាំ​។

គួរប្រុងប្រយ័ត្នចំពោះគជ់មួយប្រភេទនេះ! បើអ្នកជាម្ចាស់របស់វា គួរតែពាក់ជាប់ខ្លួន ឬដាក់តាំងបង្ហាញ ដោយត្រូវចៀសវាងទុកចោលក្នុងថតតុឬប្រអប់។ Jade ជាគជ់ដែលគេជឿថាវត្ថុដ៏រស់ ប្រសិនបើមិនប្រើទេ វានឹងក្លាយទៅជាគ្មានជីវិត ផុយស្រួយ ហើយផ្ដល់នូវភាពអមង្គលមកអ្នកវិញ៕

ប្រែសម្រួល៖ សន្យា

ចុចអាន៖ ​ឃ្លោក Wu Lou ហុងស៊ុយល្អ​ផុតលេខ​ ការពារ​​សុខភាព និងអាយុជីវិត​

ចុចអាន៖ ត្បូង៧ប្រភេទនេះ គួរមាន​ជាប់ខ្លួន​ក្នុងឆាកជីវិត