ព័ត៌មានជាតិ
ឯកឧត្ដម ហ៊ុន ម៉ានី៖ ការប៉ុនប៉ង ចង់បំបែកបំបាក់ សាមគ្គីឯក ភាពផ្ទៃក្នុង របស់CPP ទៅមិនរួចនោះទេ!
ការប៉ុនប៉ង ចង់បំបែកបំបាក់ សាមគ្គីឯកភាពផ្ទៃក្នុង របស់CPP ទៅមិនរួចនោះទេ។ នេះជាការគូសបញ្ជាក់ របស់ឯកឧត្ដម ហ៊ុន ម៉ានី មន្ត្រីជាន់ខ្ពស់ គណបក្សប្រជាជនកម្ពុជា ក្នុងពិធីប្រគល់អំណោយ ជូនដល់ស្នងការដ្ឋាននគរបាលរាជធានីភ្នំពេញ កាលពីថ្ងៃទី១ ខែកញ្ញាម្សិលមិញ។
ឯកឧត្ដម ហ៊ុន ម៉ានី បានថ្លែងថា ការបញ្ជាក់របស់ឯកឧត្ដមខាងលើនេះ មិនមែនជាលើកទី១នោះទេ ហើយសកម្មភាពប៉ុនប៉ង ចង់បំបែកបំបាក់ សាមគ្គីឯកភាពផ្ទៃក្នុង របស់គណបក្សប្រជាជនកម្ពុជា ពីសំណាក់ក្រុមអតីតគណបក្សប្រឆាំង តែងតែធ្វើកន្លង ធ្វើជាប្រចាំ និងពួកគេបានធ្វើរួចស្រេចទៅហើយ តែមិនអាចទៅរួចនោះទេ។
គួរជម្រាបថា កាលពីពេលថ្មីៗនេះ លោក សម រង្ស៊ី ជាទណ្ឌិត កំពុងរត់គេចខ្លួននៅក្រៅប្រទេស បានបង្ហោះរូបភាពចាស់ ដែលខ្លួនបានថតជាសម្ដេចក្រឡាហោម ស ខេង និងបានភ្ជាប់ខ្លឹមសារញុះញង់ថែមទៀត។ លោក ស សុខា កូនប្រុស របស់សម្តេចក្រឡាហោម ស ខេង បានគូសបញ្ជាក់កាលពីថ្ងៃទី៣០ ខែសីហាថា វត្តមានសម្តេចក្រឡាហោម ស ខេង ទៅប្រទេសបារាំង រយៈពេល២សប្តាហ៍ ចាប់ពីថ្ងៃទី២២ សីហា ដល់ថ្ងៃទី៥ កញ្ញា គឺជាការអញ្ជើញទៅពិនិត្យសុខភាពសុទ្ធសាធ ពុំមានការជួប ជាមួយអ្នកនយោបាយណាម្នាក់ ដូចការលើកឡើងរបស់អ្នកវិភាគ ក៏ដូចជាអ្នកនយោបាយមួយចំនួនតូច នៃអតីតគណបក្សសង្គ្រោះជាតិ នោះឡើយ។
ជាមួយគ្នានេះលោក ស សុខា នៅថ្ងៃទី៣១ ខែសីហា បានលើកឡើងដែរថា ជាបន្តបន្ទាប់ក្រុមអ្នកនយោបាយប្រឆាំងមួយចំនួន ដែលធ្វើនយោបាយតែដើម្បីដូរបាយនោះ បាននិងកំពុងផ្តិតយក ឬភ្ជាប់ជាមួយសម្តេចក្រឡាហោម ស ខេង ដើម្បីស្តារស្ថានភាព និងប្រជាប្រិយភាពរបស់ខ្លួន ឃោសនាកុហកបោកប្រាស់បំភាន់ ក្នុងន័យបំបែកបំបាក់ផ្ទៃក្នុងគណបក្សប្រជាជនកម្ពុជា ដែលកំពុងមាននយោបាយល្អទាំងក្នុងប្រទេស និងលើឆាកអន្តរជាតិ។
លោក ស សុខា បានបញ្ជាក់ថា «គណបក្សប្រជាជនកម្ពុជា គឺជាគណបក្សតែមួយគត់ ដែលមានជំហរ និងរក្សាបាននូវសាមគ្គីភាពផ្ទៃក្នុងល្អ រឹងមាំមិនអាចអ្នកណា ឬក្រុមណាមួយបំបែកបាន និងជាក្តីសង្ឃឹមតែមួយ គត់ របស់ប្រជាជនកម្ពុជា តរៀងទៅ»។
ឯកឧត្ដម ហ៊ុន ម៉ានី បានថ្លែងបញ្ជាក់បន្ថែម នៅថ្ងៃទី១ ខែកញ្ញាថា «ហើយចុងក្រោយម្សិលមិញ ឯកឧត្ដម ស សុខា ក៏ចេញក្នុងនាម ក្រុមគ្រួសារ ក៏ដូចជាក្នុងនាមជាកូនផង ដើម្បីធ្វើយ៉ាងណា មានការពន្យល់ឲ្យច្បាស់លាស់ ហើយអំពាវនាវ ចំពោះអ្វីដែលជាការ ធ្វើនយោបាយប្រជាភិថុតិនេះ គួរតែឈប់ទៅ សង្គមអភិវឌ្ឍន៍រីកចំរើន មិនមែនផ្អាកទៅលើអ្វី ជាល្បិចកំប៉ិចកំប៉ុក ឬក៏ធ្វើជាលក្ខណៈបែបបំផ្លាញ នៃស្ថេរភាពសង្គមជាតិនោះទេ»។
ជាមួយគ្នានេះឯកឧត្ដម ហ៊ុន ម៉ានី បានលើកឡើងថា អ្វីដែលគួរតែចោទសួរនោះ គឺហេតុអ្វីបានជាស្ថាប័នបរទេសមួយចំនួន ឬក៏ក្រុមអង្គការសង្គមស៊ីវិលមួយចំនួន ផ្ដល់បរិយាកាសឲ្យជនមួយចំនួន អាចធ្វើសកម្មភាពគ្រប់ទិដ្ឋភាពទាំងអស់ ដោយមិនគោរពទាល់តែសោះ ដោយហាក់បីដូចជា ផ្ដល់បរិយាកាសឲ្យពួកគេ ទទួលនូវអភ័យឯកសិទ្ធិ ដើម្បីធ្វើសកម្មភាព ដោយមិនគោរពទៅតាមអ្វីដែលជាច្បាប់ មានជាធរមាននៅក្នុងប្រទេសកម្ពុជា។ ឯកឧត្ដម ហ៊ុន ម៉ានី បានចោទសួរថា «តើជាហេតុផលអ្វី ហើយតើជាចេតនា ដែរឬទេ»?
ចំពោះសកម្មភាពចុងក្រោយ របស់ក្រុមអតីតគណបក្សប្រឆាំង ជាពិសេសទណ្ឌិត សម រង្ស៊ី តែម្ដង ត្រូវបានអ្នកវិភាគ និងអ្នកនយោបាយ បានមើលឃើញថា ជាបុគ្គលបោកប្រាស់ និងគ្មានសីលធម៌ ដែលមិនសមជាអ្នកនយោបាយ ទាល់តែសោះ។ អ្នកវិភាគ និងអ្នកនយោបាយ បានលើកឡើងថា អតីតមេបក្សប្រឆាំង ជាអ្នកនយោបាយគ្មានសីលធម៌ គ្មានគុណធម៌ និងគ្មានសច្ចៈធម៌ ហើយស្នើឲ្យឈប់ធ្វើនយោបាយ តែម្ដងទៅ៕
អត្ថបទ៖ ឃួន សុភ័ក្រ
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ១ សប្តាហ៍ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៧ ម៉ោង ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ១ សប្តាហ៍ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ