ព័ត៌មានជាតិ

រដ្ឋមន្រ្តីការបរទេសចិន ស្នើឱ្យសមត្ថកិច្ចកម្ពុជា ជួយគ្រប់គ្រងកាស៊ីណូអនឡាញ

បានផុស

៥ years មុន

នៅ

ថ្ងៃចន្ទ ១៣ កញ្ញា ២០២១

ដោយ

លោក វ៉ាង យី ប្រមុខរដ្ឋ និងជារដ្ឋមន្រ្តីការបរទេសចិនបានស្នើឱ្យសមត្ថកិច្ចកម្ពុជាជួយគ្រប់គ្រងកាស៊ីណូអនឡាញ ដើម្បីកុំប៉ះពាល់ទំនាក់ទំនងរវាងប្រទេសទាំងពីរ។ ន្លងមកអាជីវកម្មល្បែងភ្នាល់តាមម៉ាស៊ីនអេឡិចត្រូនិចតាមរយៈអ៊ិនធើណេតអនឡាញ (Internet Online) ក្នុង និងក្រៅប្រទេសមួយចំនួនបានទទួលគោលការណ៍អនុញ្ញាតពីរាជរដ្ឋាភិបាល និងមួយចំនួនទៀតបានលួចលាក់ធ្វើសកម្មភាពនៅតាមទីតាំងផ្សេងៗគ្នា ហើយពួកឧក្រិដ្ឋជនបរទេសមួយចំនួន បានជ្រកក្រោមរូបភាពល្បែងភ្នាល់ប្រភេទនេះ ដើម្បីធ្វើសកម្មភាពបោកប្រាស់ជំរិតទារប្រាក់ពីជនរងគ្រោះទាំងក្នុង និងក្រៅប្រទេស ដែលធ្វើឱ្យប៉ះពាល់ដល់សន្តិសុខ សណ្តាប់ធ្នាប់សាធារណៈ និងរបៀបរៀបរយក្នុងសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចសន្ទនាជាមួយនឹងលោក ហោ ណាំហុង ឧបនាយករដ្ឋមន្ត្រី នាព្រឹកថ្ងៃទី១៣ ខែកញ្ញា ឆ្នាំ២០២១ មុនចាកចេញពីកម្ពុជា លោក វ៉ាង យី បានស្នើឱ្យសមត្ថកិច្ចកម្ពុជាជួយគ្រប់គ្រងCasino online ដើម្បីកុំប៉ះពាល់ទំនាក់ទំនងរវាងប្រទេសយើងទាំងពីរ។ លោក ហោ ណាំហុង បានតបថា សម្តេចអគ្គមហាសេនាបតីតេជោ សម្រេចដ៏ខ្ពង់ខ្ពស់លប់បំបាត់ Casino onlineនេះ តាំងពីឆ្នាំទៅរួចហើយ។

កាលពីថ្ងៃទី១៨ ខែសីហា ឆ្នាំ២០១៩ សម្តេចតេជោ ហ៊ុន សែន បានចុះហត្ថលេខាលើសារាចរណែនាំ ឲ្យបញ្ឈប់ការផ្តល់អាជ្ញាប័ណ្ណឲ្យប្រកបអាជីវកម្មល្បែងភ្នាល់តាមអនឡាញ ដោយលើកហេតុផលថា មានពួកឧក្រិដ្ឋជនបរទេសមួយចំនួន បានធ្វើសកម្មភាពបោកប្រាស់ជំរិតទារប្រាក់ ដែលធ្វើឲ្យប៉ះពាល់ដល់សន្តិសុខ សណ្តាប់ធ្នាប់សាធារណៈ និងរបៀបរៀបរយក្នុងសង្គម។

សារាចរណែនាំបានសរសេរថា អាជីវកម្ម ដែលមានអាជ្ញាប័ណ្ណហើយ អាចធ្វើសកម្មភាពរហូតផុតសុពលភាព ដែលបានកំណត់ក្នុងអាជ្ញាប័ណ្ណ ហើយបន្ទាប់មក ក្រសួងសេដ្ឋកិច្ចនិងហិរញ្ញវត្ថុនឹងមិនបន្តសុពលភាពនៃអាជ្ញាប័ណ្ណនោះទៀតទេ៕