ព័ត៌មានអន្ដរជាតិ

ជប៉ុនផ្តើមនាំចូលប្រេងឆៅពីរុស្ស៊ី បញ្ចូលទៅកាន់ឃ្លាំងជាតិ ខណៈវិបត្តិបន្តនៅមជ្ឈិមបូព៌ា

បានផុស

១ ខែ មុន

នៅ

ថ្ងៃសៅរ៍ ២ ឧសភា ២០២៦

ដោយ

ប្រទេសជប៉ុន ដែលត្រូវបានគេដឹងថា មានគោលនយោបាយការបរទេសគាំទ្រអ៊ុយក្រែនស្របតាមអន្តរជាតិ និងប្រឆាំងរុស្ស៊ី ក្នុងសង្គ្រាមដែលរុស្ស៊ីឈ្លានពានអ៊ុយក្រែន ដោយអនុវត្តទណ្ឌកម្មយ៉ាងខ្ជាប់ខ្ជូនប្រឆាំងរុស្ស៊ីក្នុងពេលកន្លងមក ពេលនេះបានងាកទៅរកការនាំចូលប្រេងពីរុស្ស៊ី បន្ទាប់ពីវិបត្តិប្រេងសកល និង ការបន្ធូរបន្ថយទណ្ឌកម្មពីសំណាក់រដ្ឋបាលអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងសេចក្តីរាយការណ៍របស់ទីភ្នាក់ងារព័ត៌មានរុស្ស៊ី TASS ប្រទេសជប៉ុនបានទិញប្រេងពីប្រទេសរុស្ស៊ី ចំពេលស្ថានភាពកាន់តែអាក្រក់នៅជុំវិញប្រទេសអ៊ីរ៉ង់ និងការបិទច្រកសមុទ្រ Hormuz ខណៈដែលជប៉ុនជាទីផ្សារនាំចូលប្រេងដ៏ធំនៅតំបន់អាស៊ីបូព៌ា។

តាមរយៈសេចក្តីរាយការណ៍ដែលទទួលបានការចាប់អារម្មណ៍ខ្ពស់នៃការប្រែប្រួលទំនាក់ទំនងនៃប្រទេសមហាយក្សរុស្ស៊ី និង មហាយក្សសេដ្ឋកិច្ចជប៉ុននេះ ប្រទេសជប៉ុននាំចូលប្រេង ៩៥%នៃការនាំចូលពីមជ្ឈិមបូព៌ា ដែលក្លាយជាបន្ទុកធ្ងន់ធ្ងរក្រោយពេលដែលតំបន់មជ្ឈិមបូព៌ាបានធ្លាក់ចូលទៅក្នុងវិបត្តិជម្លោះជាមួយរដ្ឋបាលរបស់ប្រធានាធិបតីអាមេរិក លោក ដូណាល់់ ត្រាំ។

យោងតាមការផ្សាយ អ្នកយកព័ត៌មាន TASS ម្នាក់បានដឹង បន្ទាប់ពីការវិភាគទិន្នន័យត្រួតពិនិត្យ ថា នាវាដឹកប្រេង Voyager ដែលកាន់ទង់ជាតិអូម៉ង់ បច្ចុប្បន្នកំពុងស្ថិតនៅឆ្នេរសមុទ្រភាគខាងត្បូងនៃកោះ Kyushu។ វាត្រូវបានគេរំពឹងថានឹងមកដល់កំពង់ផែ Kikuma នៅលើកោះ Shikoku ជាកន្លែងដែលរោងចក្រចម្រាញ់ប្រេង Taiyo មានទីតាំងនៅថ្ងៃទី៣ ខែឧសភា។

យោងទីភ្នាក់ងារព័ត៌មាន រ៉យទ័រ ជប៉ុនធ្លាប់បាននាំចូលប្រេងជាបន្តបន្ទាប់ ដើម្បីបំពេញតម្រូវការឧស្សាហកម្មក្នុងស្រុកដែលមានតម្រូវការប្រេងឥន្ធនៈខ្ពស់។ ទិន្នន័យពាណិជ្ជកម្មបានបង្ហាញថា ប្រទេសជប៉ុនបាននាំចូលប្រេងឆៅរបស់រុស្ស៊ីចុងក្រោយនៅក្នុងខែកុម្ភៈ ឆ្នាំ ២០២៣ បន្ទាប់ពីទីក្រុងតូក្យូបានយល់ព្រមជាមួយប្រទេស G7 ផ្សេងទៀតដើម្បីកាត់បន្ថយការនាំចូលជាបណ្តើរៗ ដើម្បីឆ្លើយតបទៅនឹងការឈ្លានពានរបស់ទីក្រុងមូស្គូលើប្រទេសអ៊ុយក្រែនក្នុងឆ្នាំ ២០២២៕

រ៉ាន់ រើយ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា